ന്യൂഡൽഹി: ഏകീകൃത സിവിൽ കോഡ് നടപ്പാക്കുന്നതിന് കൃത്യമായ ഒരു സമയ ക്രമം സർക്കാർ നിശ്ചയിച്ചിട്ടില്ലെന്നും കോഡുമായി ബന്ധപ്പെട്ട സാദ്ധ്യതാ പഠനം നടക്കുകയാണെന്നും കേന്ദ്ര നിയമ മന്ത്രി കിരൺ റിജിജു രാജ്യസഭയിൽ മുസ്ലിംലീഗ് എം.പി പി.വി. അബ്ദുൽ വഹാബിനെ അറിയിച്ചു. രാജ്യത്തെ വ്യത്യസ്ത മത വിഭാഗങ്ങളുടെ വ്യക്തിനിയമങ്ങൾ നില നിൽക്കുന്നതിനാൽ ഇക്കാര്യത്തിൽ ആഴത്തിലുള്ള പഠനം നടക്കുകയാണ്. പഠനം നടത്താൻ നിയമ മന്ത്രാലയം ശുപാർശ നൽകിയിരുന്നു. അവരുടെ നിർദ്ദേശങ്ങൾക്കനുസരിച്ച് തുടർ നടപടികളുണ്ടായേക്കും.