കൊച്ചി: കേരള മീഡിയ അക്കാഡമി ഇൻസ്റ്റിറ്റ്യൂട്ട് ഒഫ് കമ്യൂണിക്കേഷൻ ഒരു വർഷം ദൈർഘ്യമുള്ള പി.ജി ഡിപ്ലോമ കോഴ്സ് പ്രവേശനത്തിന് അപേക്ഷ ക്ഷണിച്ചു. ജേർണലിസം ആൻഡ് കമ്യൂണിക്കേഷൻ, ടെലിവിഷൻ ജേർണലിസം, പബ്ലിക് റിലേഷൻസ് ആൻഡ് അഡ്വർടൈസിംഗ് എന്നിവയാണ് കോഴ്സുകൾ. ഏതെങ്കിലും വിഷയത്തിൽ ബിരുദമാണ് അപേക്ഷാ യോഗ്യത. അവസാനവർഷ ബിരുദ പരീക്ഷാഫലം കാത്തിരിക്കുന്നവർക്കും അപേക്ഷിക്കാം.
പ്രായപരിധി 2021 ഏപ്രിൽ 31 ന് 35 വയസ്. പട്ടികജാതി, പട്ടികവർഗ, ഒ.ഇ.സി വിഭാഗങ്ങൾക്ക് പ്രായപരിധിയിൽ രണ്ടു വർഷത്തെ ഇളവും ഫീസിളവും ലഭിക്കും. കൊവിഡ് നിയന്ത്രണങ്ങൾ തീരുംവരെ ഓൺലൈനിലാണ് ക്ളാസുകൾ. പ്രവേശനപരീക്ഷയും ഓൺലൈനിൽ. അപേക്ഷകൾ www.keralamediaacademy.org എന്ന വെബ്സൈറ്റിലൂടെ സമർപ്പിക്കാം. അപേക്ഷാഫീസ് 300 രൂപ (പട്ടികജാതി, പട്ടികവർഗ, ഒ.ഇ.സി വിഭാഗത്തിന് 150 രൂപ). ഇ-ട്രാൻസ്ഫർ/ ജി- പെ/ബാങ്ക് വഴി ഫീസ് അടച്ച രേഖ അപേക്ഷയ്ക്കൊപ്പം അപ്ലോഡ് ചെയ്യണം. അവസാന തീയതി ആഗസ്റ്റ് 21. കൂടുതൽ വിവരങ്ങൾക്ക് 0484- 2422275, directorkmaic@gmail.com
ഐ.ടി.ഐ പ്രവേശനം
തിരുവനന്തപുരം: വ്യാവസായിക പരിശീലന വകുപ്പിന്റെ 11 ഐ.ടി.ഐകളിലായി 12 ട്രേഡുകളിൽ തൊഴിലാളി ക്ഷേമനിധി ബോർഡിലെ തൊഴിലാളികളുടെ മക്കൾക്ക് സംവരണം ചെയ്ത 240 സീറ്റുകളിൽ പ്രവേശനത്തിന് അപേക്ഷ ക്ഷണിച്ചു. www.labourwelfarefund.in ലൂടെ അപേക്ഷിക്കാം. കൂടുതൽ വിവരങ്ങൾ വെബ്സൈറ്റിൽ. പ്രവേശനത്തിന് അടിസ്ഥാനയോഗ്യത പത്താം ക്ലാസ്. തിരഞ്ഞെടുക്കപ്പെടുന്നവർക്ക് പ്രതിമാസം 300 രൂപ ബോർഡിൽ നിന്ന് സ്റ്റൈപെൻഡ് ലഭിക്കും. ചുവടെപ്പറയുന്ന ഐ.ടി.ഐ കളിലേക്കാണ് പ്രവേശനം: ധനുവച്ചപുരം- വയർമാൻ, ചാക്ക- ടർണർ, കൊല്ലം- മെക്കാനിക്ക് ഡീസൽ, ഏറ്റുമാനൂർ- വെൽഡർ/ ഫിൽറ്റർ, ചെങ്ങന്നൂർ- മെക്കാനിക്ക് മോട്ടോർ വെഹിക്കിൾ, കളമശേരി- ഫിൽറ്റർ, ചാലക്കുടി- ടെക്നിക്കൽ പവർ ഇലക്ട്രോണിക്ക് സിസ്റ്റംസ്, മലമ്പുഴ- ഇലക്ട്രീഷ്യൻ, അഴിക്കോട്- ഡ്രാഫ്റ്റ്സ്മാൻ സിവിൽ, കോഴിക്കോട്- റെഫ്രിജറേഷൻ ആൻഡ് എയർ കണ്ടീഷനിംഗ് ടെക്നിഷ്യൻ, കണ്ണൂർ- ഇലക്ട്രോണിക് മെക്കാനിക്.
വിവരാവകാശ നിയമം: സൗജന്യ ഓൺലൈൻ കോഴ്സ്
തിരുവനന്തപുരം: ഇൻസ്റ്റിറ്റ്യൂട്ട് ഒഫ് മാനേജ്മെന്റ് ഇൻ ഗവൺമെന്റിന്റെ ആഭിമുഖ്യത്തിൽ വിവരാവകാശ നിയമം സംബന്ധിച്ച സൗജന്യ ഓൺലൈൻ കോഴ്സിലേക്ക് 17 വരെ രജിസ്റ്റർ ചെയ്യാം. കൂടുതൽ വിവരങ്ങൾക്ക് http://rti.img.kerala.gov.in.
നിഷിൽ ഡിഗ്രി കോഴ്സുകളിലേക്ക് അപേക്ഷ ക്ഷണിച്ചു
തിരുവനന്തപുരം: ബധിരർക്കും ശ്രവണപരിമിതിയുള്ളവർക്കുമായി നിഷിൽ നടത്തുന്ന കേരള യൂണിവേഴ്സിറ്റി അംഗീകൃത ബി.എസ്സി കമ്പ്യൂട്ടർ സയൻസ് (എച്ച്.ഐ), ബാച്ചിലർ ഒഫ് ഫൈൻ ആർട്സ് (എച്ച്.ഐ), ബാച്ചിലർ ഒഫ് കൊമേഴ്സ് (എച്ച്.ഐ) ഡിഗ്രി കോഴ്സുകളിലേക്ക് അപേക്ഷ ക്ഷണിച്ചു.
25 നകം ഓൺലൈനായി അപേക്ഷ സമർപ്പിക്കണം. പ്ലസ് ടു അല്ലെങ്കിൽ ഇന്ത്യയിലെ യൂണിവേഴ്സിറ്റികൾ ഡിഗ്രി കോഴ്സിന് പരിഗണിക്കുന്ന തത്തുല്യമായ അടിസ്ഥാന യോഗ്യത ഉണ്ടായിരിക്കണം.
കൂടുതൽ വിവരങ്ങൾക്ക് : 04712944635.
ബി.ഫാം ലാറ്ററൽ എൻട്രി,
മോപ്പ്-അപ്പ് കൗൺസലിംഗ്
തിരുവനന്തപുരം: ബിഫാം ലാറ്ററൽ എൻട്രി കോഴ്സിൽ കണ്ണൂർ ഗവൺമെന്റ് മെഡിക്കൽ കോളേജിൽ എസ്.സി വിഭാഗത്തിൽ ഒഴിവുള്ള ഒരു സീറ്റിലേക്കുള്ള മോപ്പ്-അപ്പ് കൗൺസലിംഗ് 13ന് രാവിലെ 11ന് കണ്ണൂർ ഗവൺമെന്റ് മെഡിക്കൽ കോളേജിൽ നടത്തും. എസ്.സി വിഭാഗത്തിൽ വിദ്യാർത്ഥികൾ ഇല്ലെങ്കിൽ എസ്.ടി വിഭാഗത്തിലെ വിദ്യാർത്ഥികളെ പരിഗണിക്കും. എസ്.ടി വിഭാഗത്തിൽ വിദ്യാർത്ഥികളുമില്ലെങ്കിൽ സ്റ്റേറ്റ് മെറിറ്റിലെ വിദ്യാർത്ഥികളെ പരിഗണിക്കും. പ്രവേശന പരീക്ഷ കമ്മിഷണർ പ്രസിദ്ധീകരിച്ച ബി.ഫാം ലാറ്ററൽ എൻട്രി പ്രവേശനത്തിനുള്ള റാങ്ക് പട്ടികയിൽ നിന്നാണ് പ്രവേശനം. യോഗ്യത തെളിയിക്കുന്നതിന് ആവശ്യമായ അസൽ രേഖകൾ, അസൽ ട്രാൻസ്ഫർ സർട്ടിഫിക്കറ്റ്, മറ്റ് അനുബന്ധ രേഖകൾ എന്നിവ ഹാജരാക്കണം. മോപ്പ്-അപ്പ് കൗൺസലിംഗിലൂടെ അലോട്ട്മെന്റ് ലഭിക്കുന്ന വിദ്യാർത്ഥി അന്നുതന്നെ ഫീസ് അടച്ച് പ്രവേശനം നേടണം. വെബ്സൈറ്റ്: www.dme.kerala.gov.in
ബി.ടെക് എൻ ആർ ഐ ക്വോട്ട അഡ്മിഷൻ
തിരുവനന്തപുരം: മൂന്നാർ എൻജിനിയറിംഗ് കോളേജിൽ കമ്പ്യൂട്ടർ സയൻസ്, ഇലക്ട്രിക്കൽ ആന്റ് ഇലക്ട്രോണിക്സ് , ഇലക്ട്രോണിക്സ് ആന്റ് കമ്മ്യൂണിക്കേഷൻ , മെക്കാനിക്കൽ എൻജിനിയറിംഗ് കോഴ്സുകളിൽ എൻ ആർ ഐ ക്വോട്ട പ്രവേശനത്തിന് അപേക്ഷിക്കാം. കീം എൻട്രൻസ് പരീക്ഷക്ക് അപേക്ഷിച്ചിട്ടില്ലാത്തവർക്കും അപേക്ഷിക്കാം. ഓൺലൈനായും നേരിട്ടും 18നകം അപേക്ഷിക്കാം. വെബ്സൈറ്റ്- www.cemunnar.ac.in/admission, ഫോൺ: 9447570122, 9447192559, 9497444392
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |