തൃശൂർ : കൊവിഡ് സാഹചര്യത്തിൽ സ്വാതന്ത്ര്യ ദിനാഘോഷ ചടങ്ങുകൾ കർശന നിയന്ത്രണങ്ങളോടെ നടത്തും. 15 ന് രാവിലെ 9 ന് തുടങ്ങുന്ന സ്വാതന്ത്ര്യ ദിനാഘോഷ ചടങ്ങിൽ ഔപചാരികമായി മാത്രം പരേഡ് നടത്തും. പൊതുജനങ്ങൾക്ക് പ്രവേശനമില്ല. പരേഡിൽ പങ്കെടുക്കാവുന്ന സൈനിക വിഭാഗങ്ങളെ പരമാവധി 3 മുതൽ 5 വരെയാക്കി. ക്ഷണിതാക്കളുടെ പരമാവധി എണ്ണം 100 ആണ്. മാർച്ച് പാസ്റ്റ് ഇല്ലാതെ നാഷണൽ സല്യൂട്ട് നാമ മാത്രമായി സ്വീകരിക്കും. സ്റ്റുഡന്റ്സ് പൊലീസ്, സ്കൗട്ട്സ് ആൻഡ് ഗൈഡ്സ്, എൻ.സി.സി ജൂനിയർ എന്നീ സൈനിക വിഭാഗങ്ങളുടെ പരേഡും ഈവർഷം അനുവദനീയമല്ല. മുൻനിര കൊവിഡ് പോരാളികളായ 3 ഡോക്ടർമാർ, രണ്ട് നഴ്സുമാർ, രണ്ട് പാരാമെഡിക്കൽ ജീവനക്കാർ, മൂന്ന് സാനിറ്റേഷൻ ജീവനക്കാർ എന്നിവർ നിർബന്ധമായും പങ്കെടുക്കണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |