കൊവിഡ് 19 ജനങ്ങളുടെ സഞ്ചാര സ്വാതന്ത്ര്യത്തിന് വിലങ്ങു തടിയായപ്പോൾ ടൂറിസം, ഹോസ്പിറ്റാലിറ്റി അനുബന്ധ മേഖലകൾ സാമ്പത്തിക പ്രതിസന്ധിയിൽ നട്ടം തിരിയുകയാണ്. അടച്ചു പൂട്ടൽ ആയിരങ്ങളെ തൊഴിൽരഹിതരാക്കി . ലോകത്ത് ഏറ്റവും കൂടുതൽ ആളുകൾക്ക് തൊഴിൽ നൽകുന്ന വ്യവസായങ്ങളിൽ ഒന്നാണ് ടൂറിസം. കൊവിഡ് 19 സൃഷ്ടിച്ച പ്രതിസന്ധി ഈ മേഖലയിൽ പ്രവർത്തിച്ചു ഉപജീവനം കണ്ടത്തുന്ന ടൂർ ഓപ്പറേറ്ററുമാർ, ട്രാവൽ ഓപ്പറേറ്ററുമാർ, ഗൈഡുകൾ, ഹോട്ടൽറിസോർട്ട് ജീവനക്കാർ, ഡ്രൈവർമാർ, ലൈഫ് ഗാർഡുകൾ, ഹോം സ്റ്റേ ഓപ്പറേറ്ററുമാർ, ഹൗസ് ബോട്ട് ജീവനക്കാർ എന്നു വേണ്ട സമൂഹത്തിലെ എല്ലാ തട്ടുകളിൽ ഉള്ള ആളുകളെയും ബാധിച്ചിട്ടുണ്ട്.