തിരുവനന്തപുരം: മുട്ടിൽ മരം മുറിക്കേസ് അട്ടിമറിക്കാൻ ശ്രമിച്ച വനം കൺസർവേറ്റർ എൻ.ടി. സാജനെതിരെ വനം വകുപ്പ് നടത്തിയ അന്വേഷണത്തിൽ ഗുരുതര ക്രമക്കേടുകൾ കണ്ടെത്തിയ റിപ്പോർട്ട് ലഭിച്ചിട്ടും നടപടിയെടുക്കാത്തതിന് പിന്നിൽ വനം മാഫിയയും മുഖ്യമന്ത്രിയും തമ്മിലുള്ള ബന്ധമാണെന്ന് കെ.പി.സി.സി പ്രസിഡന്റ് കെ. സുധാകരൻ എം.പി ആരോപിച്ചു.

ഗൗരവമായ നടപടിയെടുത്ത് ആരോപണവിധേയനായ ഉദ്യോഗസ്ഥനെ അന്വേഷണ ഘട്ടത്തിൽ മാറ്റിനിറുത്തണമെന്ന ശുപാർശയോടെ അഡിഷണൽ പ്രിൻസിപ്പൽ ചീഫ് കൺസർവേറ്റർ രാജേഷ് രവീന്ദ്രൻ 18 പേജുള്ള അന്വേഷണ റിപ്പോർട്ട് ജൂൺ 29നാണ് സമർപ്പിച്ചത്. രണ്ടുമാസം പിന്നിടുമ്പോഴും നടപടിയെടുക്കാത്ത മുഖ്യമന്ത്രിയുടെ നിലപാട് സംശയകരമാണ്.അഴിമതിക്കാരെ സംരക്ഷിക്കാനും ഉന്നതരുടെ പേരുകൾ പുറത്തുവരാതിരിക്കാനും കേസ് ഒത്തുതീർപ്പാക്കാനുമാണ് തുടക്കം മുതൽ മുഖ്യമന്ത്രിയും സർക്കാരും ശ്രമിച്ചത്. ഉദ്യോഗസ്ഥർക്കെതിരെ നടപടിയെടുക്കാൻ മാത്രം ഗൗരവമില്ലെന്നാണ് വനംമന്ത്രി പറഞ്ഞത്. റിപ്പോർട്ട് പരിഗണിച്ച മുഖ്യമന്ത്രിയും നടപടി വേണ്ടെന്നാണ് നിർദ്ദേശിച്ചത്. വീണ്ടും അന്വേഷണം നടത്തണമെന്ന വിശദീകരണത്തോടെ ഫയൽ മടക്കി. സാജനെതിരായ നടപടി സ്ഥലംമാറ്റത്തിലൊതുക്കി.

കേസട്ടിമറിക്കാൻ ശ്രമിച്ചതിന്റെ നിർണ്ണായക തെളിവുകളാണിപ്പോൾ പുറത്തുവന്നത്. മരംമുറിക്കേസിലെ പ്രതികളായ ആന്റോ അഗസ്റ്റിനും റോജി അഗസ്റ്റിനും എൻ.ടി. സാജനും മാദ്ധ്യമപ്രവർത്തകനും തമ്മിൽ നടത്തിയ ഫോൺവിളി രേഖകൾ പരിശോധിച്ചാൽ അഡിഷണൽ പ്രിൻസിപ്പൽ ചീഫ് കൺസർവേറ്ററുടെ റിപ്പോർട്ടിൽ പരാമർശിച്ചിരിക്കുന്ന ഗൂഢാലോചനയുടെ ചിത്രം വ്യക്തമാകും.കേസിന്റെ ശ്രദ്ധ തിരിക്കാനും മരംമുറി കണ്ടെത്തിയ സത്യസന്ധനായ ഉദ്യോഗസ്ഥനെ കുടുക്കാനും മറ്റൊരു വ്യാജക്കേസുണ്ടാക്കിയതായി കണ്ടെത്തിയിട്ടും അതെന്തു കൊണ്ട് മുഖവിലയ്ക്കെടുത്തില്ലെന്ന് മുഖ്യമന്ത്രി വിശദീകരിക്കണം. ക്രൈംബ്രാഞ്ച് അന്വേഷണം പ്രഹസനമാണ്. സ്വതന്ത്രമായ ജുഡിഷ്യൽ അന്വേഷണത്തിലൂടെയേ യഥാർത്ഥ പ്രതികളെ കണ്ടെത്താനാകൂവെന്നും സുധാകരൻ പറഞ്ഞു.

 ​മു​ട്ടി​ൽ​ ​മ​രം​മു​റി​ക്ക​ൽ​:​ ​ധ​ർ​മ്മ​ടം​ ​ബ​ന്ധം​ ​മു​ഖ്യ​മ​ന്ത്രി​ ​വ്യ​ക്ത​മാ​ക്ക​ണം
മു​ട്ടി​ൽ​ ​മ​രം​മു​റി​ക്ക​ൽ​ ​കേ​സി​ലെ​ ​ധ​ർ​മ്മ​ടം​ ​ബ​ന്ധ​മെ​ന്താ​ണെ​ന്ന് ​വ്യ​ക്ത​മാ​ക്കാ​ൻ​ ​മു​ഖ്യ​മ​ന്ത്രി​ ​ഇ​നി​യെ​ങ്കി​ലും​ ​ത​യ്യാ​റാ​ക​ണ​മെ​ന്ന് ​വി.​ഡി.​ ​സ​തീ​ശ​ൻ​ ​ആ​വ​ശ്യ​പ്പെ​ട്ടു.​ ​ധ​ർ​മ്മ​ട​ത്തു​ള്ള​ ​ര​ണ്ടു​പേ​ർ​ ​പ്ര​തി​ക​ളു​മാ​യി​ ​നൂ​റി​ലേ​റെ​ ​ത​വ​ണ​ ​സം​സാ​രി​ച്ച​തി​ന്റെ​ ​രേ​ഖ​ക​ളി​പ്പോ​ൾ​ ​പു​റ​ത്തു​വ​ന്നി​ട്ടു​ണ്ട്.​ ​കേ​സ് ​അ​ട്ടി​മ​റി​ക്കാ​ൻ​ ​ശ്ര​മി​ച്ച​ ​ഉ​ദ്യോ​ഗ​സ്ഥ​നെ​ ​ര​ക്ഷി​ക്കാ​ൻ​ ​ശ്ര​മി​ച്ച​ ​മു​ഖ്യ​മ​ന്ത്രി​യെ​ ​അ​തി​ന് ​പ്രേ​രി​പ്പി​ച്ച​ത് ​ധ​ർ​മ്മ​ടം​ ​ബ​ന്ധ​മാ​ണ്.​ ​ആ​രോ​പ​ണ​വി​ധേ​യ​നാ​യ​ ​ഉ​ദ്യോ​ഗ​സ്ഥ​നെ​തി​രെ​ ​ന​ട​പ​ടി​യെ​ടു​ക്കാ​ൻ​ ​മു​ഖ്യ​മ​ന്ത്രി​ ​ത​യ്യാ​റാ​ക​ണ​മെ​ന്നും​ ​സ​തീ​ശ​ൻ​ ​ആ​വ​ശ്യ​പ്പെ​ട്ടു.