കാബൂൾ: കാബൂൾ വിമാനത്താവളത്തിന് നേർക്ക് കൂടുതൽ ഭീകരാക്രമണത്തിടയുണ്ടെന്ന മുന്നറിയിപ്പുമായി അമേരിക്ക. അഫ്ഗാനിസ്ഥാനിലെ അമേരിക്കൻ സുരക്ഷാസേനയെ ആഗസ്റ്റ് 31നകം പിൻവലിക്കുമെന്ന് വ്യക്തമാക്കവെ വൈറ്റ്ഹൗസ് വക്താവ് ജെൻ സാക്കിയാണ് ഇക്കാര്യം വെളിപ്പെടുത്തിയത്.

അഫ്ഗാനിലെ ഒഴിപ്പിക്കൽ 31നകം പൂർത്തിയാക്കണമെന്നതിൽ ഉറച്ചുനിൽക്കാനുള്ള കാരണം താലിബാനല്ലെന്നും ഇസ്ലാമിക് സ്റ്റേറ്റാണെന്നും പ്രസിഡന്റ് ജോ ബൈഡൻ ഇന്നലെ വ്യക്തമാക്കിയിരുന്നു.

'ഞങ്ങൾ അഫ്ഗാനിൽ തുടരുന്ന ഓരോ ദിവസവും ഐസിസ് കെ വിമാനത്താവളം ലക്ഷ്യമിടുന്നുവെന്നും അമേരിക്കക്കാരെയും സഖ്യകക്ഷികളെയും നിരപരാധികളായ അഫ്ഗാൻ പൗരൻമാരെയും ആക്രമിക്കാൻ പദ്ധതിയിടുന്നുവെന്നും വ്യക്തമായിട്ടുണ്ട്. ഐസിസ് ഭീകരസംഘടന, താലിബാന്റെ ‘പ്രഖ്യാപിത ശത്രു’ ആണെന്ന് അദ്ദേഹം ചൂണ്ടിക്കാട്ടി.

അതേസമയം, വ്യാഴാഴ്ച വൈകിട്ട് കാബൂളിൽ നടന്ന ഇരട്ട ചാവേർ ആക്രമണത്തിന്റെ ഉത്തരവാദിത്വം ഐസിസ് ഖൊരാസൻ ഏറ്റെടുത്തു. ബെൽറ്റ് ബോംബുപയോഗിച്ചാണ് സ്ഫോടനം നടത്തിയതെന്നാണ് വിവരം.

ഇറാക്കിലും സിറിയയിലും 2014ൽ രൂപീകരിച്ച ഐസിസ് ഭീകരസംഘടനയുടെ പിന്തുടർച്ചയാണിത്.

ഐസിസ് നേതാവ് അബൂബക്കർ അൽ ബാഗ്ദാദിക്ക് പിന്തുണ പ്രഖ്യാപിച്ച് പാക് താലിബാനിൽ നിന്ന് വിട്ടുപോയ ഭീകരരാണ് സംഘടന രൂപീകരിച്ചത്. യു.എസുമായി കരാറിലേർപ്പെട്ടതോടെ താലിബാനെയും ശത്രുപക്ഷത്താണ് ഐ.എസ് ഖൊരാസൻ കാണുന്നത്.

രക്ഷാദൗത്യം പുനരാരംഭിച്ചു

കാബൂൾ വിമാനത്താവളത്തിൽ രക്ഷാദൗത്യം പുനരാരംഭിച്ചു. കാബൂളിൽനിന്ന് ഒരു ലക്ഷത്തിലധികം ആളുകളെ രക്ഷപ്പെടുത്തിയതായും ആയിരത്തോളം അമേരിക്കക്കാരെ ഇനിയും ഒഴിപ്പിക്കാനുണ്ടെന്നുമാണ് വിവരം. എന്നാൽ രക്ഷാപ്രവർത്തനങ്ങൾ അവസാനിപ്പിച്ചതായി സ്‌പെയിനും ജർമ്മനിയും ആസ്ട്രേലിയയും അറിയിച്ചു. അഫ്ഗാനിലെ സ്ഫോടനത്തിന് പിന്നാലെ മണിക്കൂറുകൾക്കുള്ളിൽ ഒഴിപ്പിക്കൽ അവസാനിപ്പിക്കുമെന്ന് ബ്രിട്ടനും അറിയിച്ചിട്ടുണ്ട്.

അപലപിച്ച് യു.എൻ

കാബൂളിലെ സ്ഫോടനത്തെ ഐക്യരാഷ്ട്ര സഭ ശക്തമായി അപലപിച്ചു. സംഭവത്തിൽ ജീവൻ നഷ്ടപ്പെട്ടവരുടേയും പരിക്കേറ്റവരുടേയും ദുഖത്തിൽ പങ്ക് ചേരുന്നതായി യു.എൻ സെക്രട്ടറി ജനറൽ അന്റോണിയോ ഗുട്ടെറസ് അറിയിച്ചു. അഫ്ഗാനിലേക്ക് അടിയന്തിരമായി സഹായമെത്തിക്കുമെന്നും അദ്ദേഹം അറിയിച്ചു.

വി​ല​ക്ക​യ​റ്റ​ത്തി​ൽ​ ​ന​ട്ടം​ ​തി​രി​ഞ്ഞ് ​അ​ഫ്ഗാ​ൻ​ ​ജ​നത
ഒരു കു​പ്പി​ ​വെ​ള്ള​ത്തി​ന് 3000​ ​രൂപ

​അഫ്ഗാൻ ജനത ദാരിദ്രത്താൽ ​പൊ​റു​തി​മു​ട്ടു​ക​യാ​ണെ​ന്ന് ​ഐ​ക്യ​രാ​ഷ്ട്ര​ ​സ​ഭ.കാ​ബൂ​ൾ​ ​വി​മാ​ന​ത്താ​വ​ള​ ​പ​രി​സ​ര​ത്ത് ​വി​ൽക്കുന്ന അ​വ​ശ്യ​വ​സ്തു​ക്ക​ളു​ടെ​ ​വി​ല​ ​കു​തി​ച്ചു​യ​രു​ക​യാ​ണെ​ന്നാ​ണ് ​റി​പ്പോ​ർ​ട്ടു​ക​ൾ.​ ​ഒ​രു​ ​കു​പ്പി​ ​കു​ടി​വെ​ള്ള​ത്തി​ന് 40​ ​ഡോ​ള​ർ​ ​(​ഏ​ക​ദേ​ശം​ 3000​ ​രൂ​പ​),​ ​ഒ​രു​ ​പ്ലേ​റ്റ് ​ചോ​റി​ന് 100​ ​ഡോ​ള​ർ​ ​(7400​ ​രൂ​പ​)​ ​വ​രെ ക​ച്ച​വ​ട​ക്കാ​ർ​ ​ഈ​ടാ​ക്കു​ന്നു​വെ​ന്നാ​ണ് ​റി​പ്പോ​ർ​ട്ടു​ക​ൾ.​ ​അ​ഫ്ഗാ​ൻ​ ​ക​റ​ൻ​സി​ക്ക് ​പ​ക​രം​ ​ഡോ​ള​ർ​ ​ത​ന്നെ​യാ​ണ് ​ക​ച്ച​വ​ട​ക്കാ​ർ​ ​ആ​വ​ശ്യ​പ്പെ​ടു​ന്ന​ത്.​ ​ഇ​ത് ​സാ​ധാ​ര​ണ​ക്കാ​രെ​ ​കൂ​ടു​ത​ൽ​ ​ദു​രി​ത​ത്തി​ലാ​ഴ്ത്തു​ന്നു.​ ​നി​ല​വി​ൽ​ ​സ​ന്ന​ദ്ധ​ ​സം​ഘ​ട​ന​ക​ളാ​ണ് ​കു​ട്ടി​ക​ളും സ്ത്രീ​ക​ളും അ​ട​ക്ക​മു​ള്ള​വ​ർ​ക്ക് ​സ​ഹാ​യ​മെ​ത്തി​ക്കു​ന്ന​ത്.​ ​രാ​ജ്യ​ത്തെ​ ​ഭൂ​രി​ഭാ​ഗം​ ​ബാ​ങ്കു​ക​ളും പ്ര​വ​ർ​ത്തി​ക്കാ​ത്ത​തി​നാ​ൽ​ ​എ.​ടി.​എ​മ്മു​ക​ൾ​ ​പ​ണ​മി​ല്ലാ​താ​യി. തു​റ​ന്ന​ ​ബാ​ങ്കു​ക​ൾ​ക്ക് ​മു​ന്നി​ൽ​ ​ഉ​പ​ഭോ​ക്താ​ക്ക​ളു​ടെ​ ​നീ​ണ്ട​ ​നി​ര​യാ​ണ് ​ദൃ​ശ്യ​മാ​കു​ന്ന​ത്. താ​ലി​ബാ​ൻ​ ​ഭ​ര​ണം​ ​പി​ടി​ച്ച​തോ​ടെ​ ​വി​ദേ​ശ​ ​രാ​ജ്യ​ങ്ങ​ൾ​ ​ഉ​പ​രോ​ധം​ ​പ്ര​ഖ്യാ​പി​ച്ച​തും​ ​ലോ​ക​ബാ​ങ്ക് ​സ​ഹാ​യം​ ​താ​നി​റു​ത്തിവ​ച്ച​തും​ ​സ്ഥി​തി​ ​രൂ​ക്ഷ​മാ​ക്കി​യി​ട്ടു​ണ്ട്.