തലയോലപ്പറമ്പ് : വൈക്കം മുഹമ്മദ് ബഷീർ സ്മാരക ലൈബ്രറിയിൽ 'സ്ത്രീധനം ഒരു സാമൂഹ്യ വിപത്ത് ' എന്ന വിഷയത്തിൽ ചർച്ച സംഘടിപ്പിച്ചു. എഴുത്തുകാരിയും സാമൂഹ്യ പ്രവർത്തകയുമായ ഡോ. സലില മുല്ലൻ വിഷയം അവതരിപ്പിച്ചു. മുൻ പഞ്ചായത്ത് അംഗം ബിസ്മിമോൾ അദ്ധ്യക്ഷത വഹിച്ചു. സുഭാഷ് പുഞ്ചക്കോട്ടിൽ, ആർ. പ്രസന്നൻ , വി.സി. ലൂക്കോസ്, എ. പത്രോസ്, അഡ്വ. രാജേഷ്, റഫ്‌സൽ മുഹമ്മദ് , അഡ്വ. പൊന്നു എന്നിവർ പ്രസംഗിച്ചു. ലൈബ്രറി സെക്രട്ടറി ഡോ.സി.എം കുസുമൻ സ്വാഗതവും ലൈബ്രേറിയൻ പ്രിയ പ്രദീപ് നന്ദിയും പറഞ്ഞു.