നാസിക്ക്: കല്യാൺ ജുവലേഴ്‌സിന്റെ 147-ാം ഷോറൂമിന് മഹാരാഷ്ട്രയിലെ നാസിക്കിലെ ന്യൂ പണ്ഡിറ്റ് കോളനിയിലെ ശരൺപുർ റോഡിൽ തുടക്കമായി. കല്യാൺ ജുവലേഴ്‌സിന്റെ മഹാരാഷ്ട്ര പ്രാദേശിക ബ്രാൻഡ് അംബാസഡർ പൂജ സാവന്ത് ഉദ്ഘാടനം ചെയ്തു. മഹാരാഷ്‌ട്രയിലെ ഒമ്പതാമത്തെയും നാസിക്കിലെ ആദ്യത്തെയും കല്യാൺ ജുവലേഴ്‌സ് ഷോറൂമാണിത്.

ഉദ്ഘാടനത്തോട് അനുബന്ധിച്ച് ഡയമണ്ട് ആഭരണങ്ങൾക്ക് 25 ശതമാനം ഇളവും സ്വർണാഭരണങ്ങൾക്ക് പണിക്കൂലിയിൽ 25 ശതമാനം വരെ ഇളവും ലഭ്യമാണെന്ന് കല്യാൺ ജുവലേഴ്‌സ് ചെയർമാനും മാനേജിംഗ് ഡയറക്‌ടറുമായ ടി.എസ്. കല്യാണരാമൻ പറഞ്ഞു. ഗ്രാമിന് 199 രൂപ മുതലാണ് പണിക്കൂലി. അൺകട്ട്, പ്രഷ്യസ് സ്‌റ്റോൺ ആഭരണങ്ങൾക്ക് 20 ശതമാനം വരെ ഇളവുണ്ട്.