ഗ്യാസ് സബ്സിഡി കുടിശിക സഹിതം നൽകണം: പി.സി.തോമസ്

തിരുവനന്തപുരം: ഗാർഹിക ആവശ്യത്തിനുള്ള പാചക വാതക സബ്സിഡി നിറുത്തിയോ, ഇല്ലയോ എന്നതിനെക്കുറിച്ച് കേന്ദ്രം ഒന്നും പറയാതിരിക്കുന്നത് എന്തുകൊണ്ടാണെന്ന് കേരള കോൺഗ്രസ് വർക്കിംഗ് ചെയർമാൻ പി.സി. തോമസ് ചോദിച്ചു. ഇതുസംബന്ധിച്ച് അടിയന്തരമായി വസ്തുത വ്യക്തമാക്കണമെന്നും സബ്സിഡി കുടിശിക സഹിതം ഉടൻ നൽകണമെന്നും ആവശ്യപ്പെട്ട് പ്രധാനമന്ത്രിക്കും പെട്രോളിയം വകുപ്പ് മന്ത്രിക്കും ഇ-മെയിൽ സന്ദേശം അയച്ചു. ഗ്യാസ് വില അമിതമായി വർദ്ധിപ്പിച്ചിരിക്കുന്നതു കാരണം സാധാരണക്കാരന് പിടിച്ചുനിൽക്കാൻ ആവുന്നില്ലെന്നും അദ്ദേഹം പറഞ്ഞു.