രണ്ട് കീഴുദ്യോഗസ്ഥർക്കും തടവും പിഴയും

തലശ്ശേരി: കൈക്കൂലി വാങ്ങിയ കേസിൽ ചെക്ക് പോസ്റ്റ് ഉദ്യോഗസ്ഥർക്ക് തടവും പിഴയും ശിക്ഷ. കൂട്ടുപുഴ കിളിയന്തറ ചെക്ക് പോസ്റ്റിൽ 2012 ൽ കമേഴ്സ്യൽ ടാക്സ് ഇൻസ്പെക്ടറായിരുന്ന തളിപ്പറമ്പ് ചിറവക്കിലെ പള്ളിക്കൽ വീട്ടിൽ അബ്ദുൾ നാസർ (58), പ്യൂൺ ശ്രീകണ്ഠപുരം സ്വദേശി ചേലോറ വീട്ടിൽ ഇ.പി.സന്ദീപ് (39) എന്നിവരെയാണ് തലശ്ശേരി വിജിലൻസ് ജഡ്ജ് കെ.കെ. ബാലകൃഷ്ണൻ ശിക്ഷിച്ചത് .

അബ്ദുൾ നാസറിന് 2 വർഷം കഠിന തടവും 1,60,000 രൂപ പിഴയും, സന്ദീപിന് ഒരു വർഷം കഠിന തടവും 60,000 രൂപ പിഴയും ശിക്ഷ വിധിച്ചു. 2012 ൽ അന്നത്തെ വിജിലൻസ് ഡിവൈ.എസ്.പി സുനിൽ ബാബു കേളോത്തും കണ്ടിയാണ് കേസെടുത്തത്. പിന്നീട് , ഡിവൈ.എസ്.പി എ.വി. പ്രദീപാണ് കുറ്റപത്രം നൽകിയത്. സ്‌പെഷ്യൽ പ്രോസിക്യൂട്ടർ ഷൈലജൻ വിജിലൻസിനായി ഹാജരായി. പ്രതികൾക്ക് കോടതി ജാമ്യം അനുവദിച്ചു.