കഴിഞ്ഞ ദിവസം സംസ്ഥാന സർക്കാർ മികച്ച ടെലിവിഷൻ പരിപാടികൾക്കുള്ള അവാർഡുകൾ പ്രഖ്യാപിച്ചിരുന്നു. ഇതിൽ ഇക്കുറി സീരിയലുകൾക്ക് അവാർഡ് നൽകിയില്ല. തങ്ങളുടെ മുൻപിലെത്തിയ സീരിയലുകളിൽ മികച്ച ഒരെണ്ണവും ഉണ്ടായിരുന്നില്ല എന്ന അഭിപ്രായമാണ് ഇതിന് കാരണമായി ജൂറി അഭിപ്രായപ്പെട്ടത്. ഇതിനെ വിമർശിച്ച് കൊണ്ട് നടൻ ഹരീഷ് പേരടി രംഗത്ത് വന്നു. ഫേസ്ബുക്കിലാണ് അദ്ദേഹം വിയോജനകുറിപ്പ് പങ്കുവച്ചത്.
ഫേസ്ബുക്ക് പോസ്റ്റിന്റെ പൂർണരൂപം
ഈ നിൽക്കുന്നവരുടെ വീട്ടിലേക്ക് വൈകുന്നേരം ചെന്നാൽ 7മണിമുതൽ 9 മണി വരെ സീരിയലുകൾ ഓടികൊണ്ടിരിക്കുകയായിരിക്കും...അവരുടെ അച്ഛനോ അമ്മയോ ഭാര്യയോ ആരെങ്കിലും സിരിയലുകൾ കണ്ടുകൊണ്ടിരിക്കുകയായിരിക്കും...ഇവരുടെ വീടുകളിൽ തകരാത്ത എന്ത് നിലവാരമാണ് മറ്റു വീടുകളിൽ തകരാൻ പോകുന്നത്..നിങ്ങളുടെ മുന്നിൽ വന്ന സിരിയലുകൾ ജഡ്ജ് ചെയ്യാനാണ് നിങ്ങളെ വിളിച്ചത്...അല്ലാതെ നിലവാരം പരിശോധിക്കാനല്ല...അതിന് വേറെ കമറ്റിയെ സർക്കാർ നിയോഗിക്കും...പറഞ്ഞ പണിയെടുത്താൽ പോരെ...അല്ലെങ്കിൽ നിങ്ങളുടെയൊക്കെ കഥകൾക്കും സിനിമകൾക്കും ഭയങ്കര നിലവാരമല്ലെ?..നിങ്ങളുടെ സൃഷ്ടികളുടെ നിലവാരം കൊണ്ടാണല്ലോ ഇവിടെ ഇത്രയധികം ബലാൽസംഗങ്ങളും രാഷ്ട്രിയ കൊലപാതങ്ങളും കുറഞ്ഞ് കുറഞ്ഞ് വരുന്നത്...കേരളത്തിലെ സിനിമ വിലയിരുത്തുമ്പോൾ കുറോസോവയുടെ സിനിമയുടെ നിലവാരമുണ്ടോ ?..കേരളത്തിലെ കഥകൾ വിലയിരുത്തുമ്പോൾ പൗലോ കൊയ്ലോയുടെ നിലവാരമുണ്ടോ?..എന്ന് നോക്കിയിട്ടലല്ലോ നിങ്ങൾക്കൊന്നും പലപ്പോഴായി അവാർഡുകൾ തന്നത്...പഞ്ചായത്ത് തല കായിക മത്സരത്തിലെ 100 മീറ്റർ ഓട്ടത്തിന് പി.ടി.ഉഷയുടെ ഓട്ടത്തിന്റെ നിലവാരം ആരും പരിഗണിക്കാറില്ല...അല്ലെങ്കിലും സിനിമ,സാഹിത്യം തുടങ്ങിയ കലയിലെ സവർണ്ണർക്ക് പുച്ഛമായ എല്ലാവരും പരിഹസിക്കുന്ന കലയിലെ അവർണ്ണരായ സീരിയൽ കലാകാരൻമാരെ വിലയിരുത്താൻ ഒരു യോഗ്യതയൂമില്ല...എന്റെ വീട്ടിൽ സീരിയലുകൾ കാണാറുണ്ട്...ഞാൻ സീരിയലുകളിൽ അഭിനയിച്ച് കുറെ കാലം കുടുംബം പോറ്റിയിട്ടുമുണ്ട്...എന്നിട്ടും ഞങ്ങൾ ഞങ്ങളുടെ നിലപാടുകൾ ഉറക്കെ പറയാറുണ്ട്...സീരിയലുകൾ എഴുതാനുള്ള അവസരത്തിനു വേണ്ടി നടക്കുന്ന ഒരു പാട് ബുദ്ധിജീവികളെ ഞാൻ കണ്ടിട്ടുമുണ്ട്...ഇതൊക്കെ വെറും ജാഡ..അത്രയേയുള്ളൂ...
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |