മല​യാ​ള ​സി​നി​മ​യു​ടെ​ ​സ്വ​ന്തം​ ​മ​മ്മൂ​ക്ക​യ്‌​ക്ക് ​എ​ഴു​പ​താം​ ​പി​റ​ന്നാ​ളി​ന്റെ​ ​ ന​വ​യൗ​വ്വ​നം.​ ​സെപ്തംബർ ഏഴിനാണ് പിറന്നാൾ. കാ​ലം​ ​ക​ഴി​യു​ന്തോ​റും​ ​ഹൃ​ദ​യ​ത്തോ​ടു​ ​ചേ​ർ​ന്നു​ ​നി​ൽ​ക്കു​ന്ന​ ​എ​ത്ര​യോ​ ​ക​ഥാ​പാ​ത്ര​ങ്ങ​ൾ,​ ​അ​ഭി​ന​യ​മു​ഹൂ​ർ​ത്ത​ങ്ങ​ൾ,​ ​പ​ക​ർ​ന്നാ​ട്ട​ങ്ങ​ൾ.​ ​മ​മ്മൂ​ക്ക​ ​എ​ന്ന​ ​വ്യ​ക്തി​യെ​ക്കു​റി​ച്ച്,​ ​പ്രി​യ​പ്പെ​ട്ട​ ​ന​ട​നെ​ക്കു​റി​ച്ച് ​ഒ​രു​പാ​ട് ​സി​നി​മ​ക​ളി​ൽ​ ​മ​മ്മൂ​ട്ടി​യുടെ നാ​യി​ക​യാ​യി ​ ​മ​ല​യാ​ളി​ക​ളു​ടെ​ ​മ​ന​സി​ൽ ഇടംനേടിയ​ ​ ​സു​ഹാ​സി​നി​ ​മ​ണി​ര​ത്നം​ ​സം​സാ​രി​ക്കു​ന്നു.

ബ്രി​ല്യ​ന്റ് ​ആ​ക്‌​ട​ർ​ ​മ​മ്മൂ​ക്ക വള​രെ​ ​ബ്രി​ല്ല്യ​ന്റാ​യ​ ​ആ​ക്‌​ട​റാ​ണ് ​മ​മ്മൂ​ക്ക.​ ​മ​മ്മൂ​ക്ക​യു​ടെ​ ​എ​ഴു​പ​താം​ ​പി​റ​ന്നാ​ളാ​ണ​ല്ലോ.​ ​എ​നി​ക്ക് 60​ ​വ​യ​സാ​യി.​ ​ഞ​ങ്ങ​ൾ​ ​ത​മ്മി​ൽ​ ​പ​ത്തു​വ​യ​സി​ന്റെ​ ​വ്യ​ത്യാ​സമാണ്.​ ​പ​ത്മ​രാ​ജ​ൻ​ ​സം​വി​ധാ​നം​ ​ചെ​യ്‌​ത​ ​'കൂ​ടെ​വി​ടെ​"​ ​സി​നി​മ​യു​ടെ​ ​സെ​റ്റി​ൽ​ ​വ​ച്ചാ​ണ് ​മ​മ്മൂ​ക്ക​യെ​ ​ആ​ദ്യ​മാ​യി​ ​കാ​ണു​ന്ന​ത്.​ ​ഒ​രു​ ​ആ​ർ​മി​ ​ഓ​ഫീ​സ​റു​ടെ​ ​വേ​ഷ​ത്തി​ലാ​യി​രു​ന്നു​ ​മ​മ്മൂ​ക്ക​ ​അ​ന്ന് ​ഷൂ​ട്ടിം​ഗ് ​സെ​റ്റി​ൽ​ ​നി​ന്നി​രു​ന്ന​ത്.​ ​ഞാ​ൻ​ ​ശ​രി​ക്കും​ ​അ​തൊ​രു​ ​ആ​ർ​മി​ ​ഓ​ഫീ​സ​റാ​ണെ​ന്ന് ​ത​ന്നെ​യാ​ണ് ​വി​ചാ​രി​ച്ചി​രു​ന്ന​ത്.​ ​ഊ​ട്ടി​യി​ലാ​യി​രു​ന്നു​ ​'​കൂ​ടെ​വി​ടെ​"​ ​സി​നി​മ​യു​ടെ​ ​ലൊ​ക്കേ​ഷ​ൻ.​ ​ഒ​രു​പാ​ട് ​ര​സ​ക​ര​മാ​യ​ ​മു​ഹൂ​ർ​ത്ത​ങ്ങ​ൾ​ ​ലൊ​ക്കേ​ഷ​നി​ൽ​ ​ഉ​ണ്ടാ​യി​ട്ടു​ണ്ട്.​ ​ഒരിക്കൽ ലൈറ്റിംഗ് ശരിയല്ലാതിരുന്നതിനാൽ ഒരു സീ​നെ​ടു​ക്കു​ന്ന​തി​നി​ട​യി​ൽ​ ഞാ​ൻ​ ​ത​ന്നെ​ ​ക​ട്ട് ​പ​റ​ഞ്ഞു. ​അ​തി​ന്റെ​ ​പേ​രി​ൽ​ ​പി​ന്നെ​യെ​പ്പോ​ഴും​ ​മ​മ്മൂ​ക്ക​ ​ക​ളി​യാ​ക്കു​മാ​യി​രു​ന്നു.​ ​കോ​ട​മ്പാ​ക്ക​ത്തെ​ ​ന​ടി​ ​എ​ന്നാ​ണ് ​അ​ന്ന​ത്തെ​ ​ആ​ ​സം​ഭ​വ​ത്തി​ന്റെ​ ​പേ​രി​ൽ​ ​പി​ന്നീ​ട് ​ക​റേ​നാ​ൾ​ ​മ​മ്മൂ​ക്ക​ ​എ​ന്നെ​ ​ക​ളി​യാ​ക്കി​ ​വി​ളി​ച്ചു​കൊ​ണ്ടി​രു​ന്ന​ത്.​ ​അ​ങ്ങ​നെ​ ​ര​സ​ക​ര​മാ​യ​ ​​അനുഭവ​ങ്ങ​ൾ​ ​മ​ല​യാ​ളം​ ​സി​നി​മാ​ലൊ​ക്കേ​ഷ​നു​ക​ളി​ൽ​ ​ഉ​ണ്ടാ​യി​ട്ടു​ണ്ട്.​

​പ്രി​യ​നോ​ടൊ​പ്പം​ ​(​പ്രി​യ​ദ​ർ​ശ​ൻ)​ ​ചെ​യ്ത​ ​സി​നി​മ​യു​ടെ​ ​ലൊ​ക്കേ​ഷ​നി​ൽ​ ​ഒ​രു​ ​സം​ഭ​വ​മു​ണ്ടാ​യി.​ ​സാ​ധാ​ര​ണ​ ​ത​മി​ഴ് ​സി​നി​മാ​ലൊ​ക്കേ​ഷ​നി​ലൊ​ക്കെ​ ​രാ​ത്രി​ 12​ ​മ​ണി​ ​ക​ഴി​ഞ്ഞു​ ​ഷൂ​ട്ട് ​തു​ട​ർ​ന്നാ​ൽ​ ​ബ്ര​ഡ്,​ ​ബ​ട്ട​ർ,​ ​ജാം​ ​വി​ത​ര​ണം​ ​ചെ​യ്യു​ന്ന​ ​ഒ​രു​ ​പ​രി​പാ​ടി​യു​ണ്ട്.​ ​അ​ന്ന് 12​ ​മ​ണി​ ​ക​ഴി​ഞ്ഞി​ട്ടും​ ​ഷൂ​ട്ട് ​തീ​ർ​ന്നി​ല്ല.​ ​എ​നി​ക്ക് ​ന​ന്നാ​യി​ ​വി​ശ​ക്കു​ന്നു​ണ്ടാ​യി​രു​ന്നു.​ ​ഞാ​ൻ​ ​ബ്ര​ഡ്,​ ​ബ​ട്ട​ർ,​ ജാം​ ​എ​ന്ന് ​വി​ളി​ച്ചു​ ​പ​റ​ഞ്ഞു.​ ​അ​തു​ ​കേ​ട്ട​പ്പോ​ൾ​ ​സെ​റ്റി​ൽ​ ​എ​ല്ലാ​വ​രും​ ​ചി​രി​യാ​യി.​ ​അ​തി​ന്റെ​ ​പേ​രി​ൽ​ ​എ​ല്ലാ​വ​രും​ ​കൂ​ടി​ ​എ​ന്നെ​ ​ക​ളി​യാ​ക്കി.​ ​'​'​ദേ​ ​ചെ​ന്നൈ​ ​മ​ദ്രാ​സ് ​ഗേ​ൾ​ ​ബ്ര​ഡ്,​ ബ​ട്ട​ർ,​ ജാം​ ​ചോ​ദി​ക്കു​ന്നു.​"​"​ ​എ​ന്ന് ​പ​റ​ഞ്ഞാ​യി​രു​ന്നു​ ​അ​ന്ന​ത്തെ​ ​ചി​രി.

മ​മ്മൂ​ക്ക​യോ​ട് ​ ഇ​ന്നും​ ​ആ​രാ​ധന
അ​ഭി​ന​യ​ത്തി​ന്റെ​ ​കാ​ര്യ​ത്തി​ലാ​ണെ​ങ്കി​ലും​ ​സൗ​ന്ദ​ര്യ​ത്തി​ന്റെ​ ​കാ​ര്യ​ത്തി​ലാ​ണെ​ങ്കി​ലും​ ​മ​മ്മൂ​ക്ക​ ​എ​ന്നും​ ​ന​മ്പ​ർ​ വ​ൺ​ ​ത​ന്നെ.​ ​ഇ​പ്പോ​ഴും​ ​ഒ​രു​ ​നാ​ല്പ​തു​കാ​ര​നെ​പ്പോ​ലെ​യ​ല്ലേ​ ​മ​മ്മൂ​ക്ക.​ ​സി​നി​മ​യി​ലെ​ ​മാ​ർ​ക്ക​ണ്ഡേ​യ​നാ​യാ​ണ് ​ഞാ​ൻ​ ​മ​മ്മൂ​ക്ക​യെ​ ​വി​ശേ​ഷി​പ്പി​ക്കു​ന്ന​ത്.​ ​മ​മ്മൂ​ക്ക​യു​ടെ​ ​ആ​ക്ടിം​ഗ് ​ക​ണ്ട് ​ഞാ​ൻ​ ​അ​ത്ഭു​ത​പ്പെ​ട്ട് ​പോ​യി​ട്ടു​ണ്ട്.​ ​'​മ​ണി​വ​ത്തൂ​രി​ലെ​ ​ആ​യി​രം​ ​ശി​വ​രാ​ത്രി​ക​ൾ​"​ ​എന്ന സി​നി​മ​യി​ൽ​ ​അ​ഭി​ന​യി​ക്കു​ന്ന​ ​സ​മ​യം.​ ​എ​ന്റെ​ ​ക​ഥാ​പാ​ത്രം​ ​മ​ര​ണ​പ്പെ​ട്ട് ​കി​ട​ക്കു​ന്ന​ ​രം​ഗ​മാ​ണ് ​ഷൂ​ട്ട് ​ചെ​യ്യു​ന്ന​ത്.​ ​മ​മ്മൂ​ക്ക​യു​ടെ​ ​ക​ഥാ​പാ​ത്രം​ ​വീ​ൽ​ചെ​യ​റി​ൽ​ ​എ​ന്റ​ടു​ത്തേ​ക്ക് ​വ​ന്ന് ​വി​തു​മ്പു​ക​യാ​ണ്.​ ​മരിച്ചുകിടക്കുന്ന രീ​തി​യി​ൽ​ ​ക​ണ്ണു​ക​ളെ​ല്ലാം​ ​അ​ട​ച്ചു​വ​ച്ച​ ​ അ​വ​സ്ഥ​യി​ലാ​ണ് ​ഞാ​നെ​ങ്കി​ലും​ ​അ​ന്ന് ​മ​മ്മൂ​ക്ക​യു​ടെ​ ​മു​ഖ​ത്തെ​ ​ആ​ ​ഭാ​വ​വ്യ​ത്യാ​സ​ങ്ങ​ളു​ടെ​ ​ആ​ക്‌​ടിം​ഗ് ​ബ്രി​ല്ല്യ​ൻ​സ്​ ​ഞാ​ൻ​ ​തൊ​ട്ട​ടു​ത്ത് ​നി​ന്ന് ​അ​നു​ഭ​വി​ച്ച​റി​ഞ്ഞു​. ​ 'നെറ്റിയിൽ പൂവുള്ള സ്വർണച്ചിറകുള്ള പക്ഷീ..."എല്ലാകാലത്തും പ്രിയപ്പെട്ട പാട്ടല്ലെ. മമ്മൂക്ക സ്വർണച്ചിറകുള്ള പ്രതിഭ തന്നെയാണ്. ഏ​തൊ​രു​ ​ക​ഥാ​പാ​ത്ര​ത്തി​ലേ​ക്കും​ ​ത​ന്റെ​ ​നൂ​റു​ശ​ത​മാ​ന​ത്തി​ന​പ്പു​റ​മാ​ണ് ​അ​ദ്ദേ​ഹം​ ​സ​മ​ർ​പ്പി​ക്കു​ന്ന​ത്.​ ​അ​തു​ത​ന്നെ​യാ​ണ് ​അ​ദ്ദേ​ഹ​ത്തി​ന്റെ​ ​വി​ജ​യ​വും.​ ​മ​മ്മൂ​ക്ക​യു​ടെ​ ​സി​നി​മ​ക​ളൊ​ക്കെ​ ​ഞാ​ൻ​ ​കാ​ണാ​റു​ണ്ട്.​ ​വ​ൺ,​ ​ദ പ്രീ​സ്റ്റ് ​തു​ട​ങ്ങി​യ​ ​പു​തി​യ​ ​സി​നി​മ​ക​ളും​ ​ക​ണ്ടു.​ ​അ​ഭി​ന​യ​ത്തി​ന്റെ​ ​കാ​ര്യ​ത്തി​ൽ​ ​ഇ​പ്പോ​ഴും​ ​ഒ​രു​ ​ഇ​രു​പ​തു​വ​യ​സു​കാ​ര​ന്റെ​ ​ചു​റു​ചു​റുക്കോ​ടു​കൂ​ടി​യാ​ണ് ​അ​ദ്ദേ​ഹം​ ​മുന്നോ​ട്ട് ​പോ​കു​ന്ന​ത്.​ ​ക​ഥാ​പാ​ത്ര​ത്തെ​ ​ആ​ഴ​ത്തി​ൽ​ ​ഉ​ൾ​ക്കൊ​ള്ളു​ക​ ​എ​ന്ന് ​പ​റ​യു​ന്ന​ത് ​എ​ല്ലാ​വ​ർ​ക്കും​ ​പ​റ്റു​ന്ന​ ​ഒ​രു​ ​കാ​ര്യ​മ​ല്ല.​ ​ഒ​രു​വ്യ​ക്തി​ ​എ​ന്ന​ ​നി​ല​യി​ലും​ ​ആ​ക്‌​ട​ർ​ ​എ​ന്ന​ ​നി​ല​യി​ലും​ ​എ​ന്നും​ ​മ​മ്മൂ​ക്ക​യോ​ട് ​ബ​ഹു​മാ​ന​മാ​ണ്.​ ​എ​ന്നോ​ട് ​ഒരിക്കൽ പ​റ​ഞ്ഞി​രു​ന്നു,​ ​''ത​മി​ഴും​ ​തെ​ലു​ങ്കു​മൊ​ന്നും​ ​ചെ​യ്യ​ണ്ട,​ ​മ​ല​യാ​ള​ത്തി​ൽ​ ​അ​ഭി​ന​യി​ച്ചാ​ൽ​ ​മ​തി​യെ​ന്ന്.​"​"​ ​വ​ള​രെ​ ​ന​ല്ല​ ​രീ​തി​യി​ൽ​ ​സൗ​ഹൃ​ദ​ങ്ങ​ൾ​ ​സൂ​ക്ഷി​ക്കു​ന്ന​ ​ഒ​രാ​ൾ​ ​കൂ​ടി​യാ​ണ് ​മ​മ്മൂ​ക്ക.​ ​ഏ​റ്റ​വും​ ​ഒ​ടു​വി​ൽ​ ​തെ​ലു​ങ്കി​ൽ​ ​ഒ​രു​ ​സി​നി​മ​യാ​ണ് ​ഞ​ങ്ങ​ൾ​ ​ഒ​ന്നി​ച്ച​ഭി​ന​യി​ച്ച​ത്.​ ​ഇ​പ്പോ​ൾ​ ​കു​റ​ച്ചു​നാ​ളാ​യി​ ​നേ​രി​ൽ​ ​ക​ണ്ടി​ട്ട്.​ ​ഇ​ട​യ്‌​ക്ക് ​കു​റ​ച്ച് ​നാ​ളു​ക​ൾ​ക്കു​മു​മ്പ് ​ക​ർ​ണാ​ട​ക​യി​ലെ​ ​ഒ​രു​ ​സി​നി​മാ​ ​ലൊ​ക്കേ​ഷ​ന്റെ​ ​കാ​ര്യം​ ​സം​സാ​രി​ക്കാ​ൻ​ ​വി​ളി​ച്ചി​രു​ന്നു.​ ​മ​മ്മൂ​ക്ക​ ​പ​റ​ഞ്ഞ​തു​പോ​ലെ​ ​മ​ല​യാ​ള​ത്തി​ൽ​ ​കൂ​ടെ​വി​ടെ​യും​ ​മ​ണി​വ​ത്തൂ​രി​ലെ​ ​ആ​യി​രം​ ​ശി​വ​രാ​ത്രി​ക​ളും​ ​പോ​ലെ​ ​ന​ല്ലൊ​രു​ ​പ്രോ​ജ​ക്ട് ​ഒ​രു​പ​ക്ഷേ​ ​ മ​മ്മൂ​ട്ടി​യ്‌​ക്കും​ ​സു​ഹാ​സി​നി​ക്കും​ ​വേ​ണ്ടി​ ​ഇ​നി​യും​ ​കാ​ത്തി​രി​ക്കു​ന്നു​ണ്ടാ​വും.​ ​(​ചി​രി​ക്കു​ന്നു​).

മ​മ്മൂ​ക്ക​ ​എ​ന്റെ​ ​ വ​ക്കീൽ
പ​ദ്മ​രാ​ജ​ൻ​ ​സം​വി​ധാ​നം​ ​ചെ​യ്‌​ത​ ​'​കൂ​ടെ​വി​ടെ​"​ ​ ​ഒ​രു​ ​ത​മി​ഴ് ​നോ​വ​ലി​നെ​ ​ആ​സ്‌​പ​ദ​മാ​ക്കി​യു​ള്ള​ ​തി​ര​ക്ക​ഥ​യാ​യി​രു​ന്നു.​ ​ആ​ലീ​സ് ​എ​ന്ന​ ​ഒ​രു​ ​ടീ​ച്ച​റു​ടെ​ ​ക​ഥാ​പാ​ത്ര​മാ​യി​രു​ന്നു​ ​എ​ന്റേ​ത്.​ ​മ​മ്മൂ​ക്ക​യു​ടേ​ത് ​അ​ല്പം​ ​പ​രു​ക്ക​നാ​യ​ ​ക​ണി​ശ​ക്കാ​ര​നാ​യ​ ​ഒ​രു​ ​ക​ഥാ​പാ​ത്ര​വുമാ​യി​രു​ന്നു.​ ​ആ​ലീ​സ് ​അ​ല്പം​ ​പ​ക്വ​ത​യാ​ർ​ന്ന​ ​ഒ​രു​ ​കാര​ക്‌​ട​റാ​യി​ട്ടാ​ണ് ​ക​ഥ​യി​ലു​ള്ള​ത്.​ ​ശ​രി​ക്കും​ ​ഞാ​ൻ​ ​അ​ന്ന് ​സെ​റ്റി​ൽ​ ​ചെ​ന്ന​ ​സ​മ​യ​ത്ത് ​പ​ദ്മ​രാ​ജ​ൻ​ ​സാ​റിനും​ ​ടീ​മിനും​ ​എ​ന്നെ​ കണ്ടപ്പോൾ ആ​ലീ​സ് ​എ​ന്ന​ ​ക​ഥാ​പാ​ത്ര​ത്തി​ന്റെ​ ​പ​ക്വ​ത​ ​ഉ​ൾ​ക്കൊ​ള്ളാ​ൻ​ ​ക​ഴി​യു​ന്ന​ ​ഒ​രാ​ളാ​യി​ട്ട് ​തോ​ന്നി​യി​ല്ല.​ ​ഒ​രു​ ​കോ​ളേ​ജ് ​വി​ദ്യാ​ർ​ത്ഥി​നിയായി ​എ​ന്നെ​ ​കാ​സ്റ്റ് ​ചെ​യ്യാ​ൻ​ ​പ​റ്റു​മെ​ന്നാണ് പ​ദ്മ​രാ​ജ​ൻ​ ​സാ​റി​നും​ ​മ​റ്റും​ ​തോ​ന്നി​യ​ത്.​ ​എ​ന്നെ​ ​അ​ല്പം​ ​മാ​റ്റി​ ​നി​റു​ത്തി​യി​ട്ട് ​മ​മ്മൂ​ക്ക​യോ​ട് ​അ​വ​ർ​ ​സം​സാ​രി​ച്ചി​രു​ന്നു.​ ​ഈ​ ​കു​ട്ടി​ ​ശ​രി​യാ​വി​ല്ല,​ ​ഇ​തി​നെ​ ​ന​മു​ക്ക് ​പ​റ​ഞ്ഞു​വി​ടാം​ ​എ​ന്ന്. ​പ​ക്ഷേ​ ​അ​ന്ന് ​മ​മ്മൂ​ക്ക​ ​അ​തി​ന് ​സ​മ്മ​തി​ച്ചി​ല്ല.​ ​ഞാ​ൻ​ ​ക​മ​ല​ഹാ​സ​ന്റെ​ ​ചേ​ട്ട​ന്റെ​ ​ മ​ക​ളാ​ണെ​ന്നും​ ​അ​ങ്ങ​നെ​ ​പ​റ​ഞ്ഞു​വി​ട്ടാ​ൽ​ ​അ​ത് ​വ​ലി​യ​ ​വി​വാ​ദ​മാ​കു​മെ​ന്നു​മൊ​ക്കെ​ ​പ​റ​ഞ്ഞ് ​മ​മ്മൂ​ക്ക​ ​എ​നി​ക്ക് ​വേ​ണ്ടി​ ​വാ​ദി​ച്ചു.​ ​അ​ങ്ങ​നെ​ ​മ​മ്മൂ​ക്ക​ ​പ​റ​ഞ്ഞ​ത് ​കേ​ട്ടാ​ണ് ​ആ​ലീ​സ് ​എ​ന്ന​ ​ക​ഥാ​പാ​ത്ര​ത്തെ​ ​എ​ന്നെ ​ത​ന്നെ​ ​ഏ​ൽ​പ്പി​ക്കു​ന്ന​ത്.​ ​ഒ​രു​ ​സീ​ൻ​ ​ക​ഴി​ഞ്ഞ​പ്പോ​ൾ​ ​ത​ന്നെ​ ​പ​ദ്മ​രാ​ജ​ൻ​ ​സാ​ർ​ ​ഹാ​പ്പി​യാ​യി.​ ​അ​ഭി​ന​യി​ച്ചു​തു​ട​ങ്ങി​യ​പ്പോ​ൾ​ ​ആ​ളെ​ങ്ങ​നെ​ ​ഇ​ങ്ങ​നെ​യാ​യി​ ​എ​ന്ന് ​സാ​ർ​ ​ചോ​ദി​ച്ചു.​ ​അ​ന്ന് ​എ​നി​ക്ക് ​വേ​ണ്ടി​ ​മ​മ്മൂ​ക്ക​ ​സം​സാ​രി​ച്ച​തൊ​ന്നും​ ​ഞാ​ന​റി​ഞ്ഞി​രു​ന്നി​ല്ല.​ ​കു​റേ​ ​വ​ർ​ഷ​ങ്ങ​ൾ​ക്കു​ശേ​ഷ​മാ​ണ് ​മ​മ്മൂ​ക്ക​ ​എ​ന്നോ​ട് ​അ​ന്നു​ന​ട​ന്ന​ ​ക​ഥ​ ​പ​റ​ഞ്ഞ​ത്.​ ​'​'​ഞാ​നാ​ണ് ​നി​ന​ക്ക് ​വേ​ണ്ടി​ ​വാ​ദി​ച്ച​ ​അ​ഡ്വ​ക്കേ​റ്റ്.​"​"​ ​എ​ന്ന് ​മ​മ്മൂ​ക്ക​ ​ത​മാ​ശ​യ്‌​ക്ക് ​പ​റ​യു​മാ​യി​രു​ന്നു.

മ​മ്മൂക്ക ​ക​ണി​ശ​ക്കാ​ര​നാ​ണോ?
ചി​ല​രൊ​ക്കെ​ ​എ​ന്നോ​ട് ​പ​റ​ഞ്ഞി​ട്ടു​ണ്ട്,​ ​മ​മ്മൂ​ക്ക​ ​ഷൂ​ട്ടിം​ഗ് ​ലൊ​ക്കേ​ഷ​നി​ൽ ​ ​ഭ​യ​ങ്ക​ര​ ​ഗൗ​ര​വ​ക്കാ​ര​നല്ലേ...​ ​അ​ധി​ക​മാ​രോ​ടും​ ​സം​സാ​രി​ക്കി​ല്ല​ല്ലോ​ ​എ​ന്നൊ​ക്കെ.​ ​പ​ക്ഷേ,​ ​സ​ത്യം​ ​അ​ത​ല്ല.​ ​ഞാ​ൻ​ ​ക​ണ്ടി​ട്ടു​ള്ള​ ​മ​മ്മൂ​ക്ക​ ​അ​തി​ൽ​ ​നി​ന്നെ​ല്ലാം​ ​വ​ള​രെ​ ​വ്യ​ത്യ​സ്‌​ത​നാ​യ​ ​ആ​ക്‌​ടീ​വാ​യ​ ​ഒ​രു​ ​പേ​ഴ്‌​സാ​ണാ​ലി​റ്റി​യാ​ണ്.​ ​'​കൂ​ടെ​വി​ടെ​"​ ​യു​ടെ​ ​ഷൂ​ട്ടിം​ഗ് ​സ​മ​യ​ത്ത് ​മ​മ്മൂ​ക്ക​യു​ടെ​ ​ഭാ​ര്യ​ ​സു​ലു​ ​ര​ണ്ടാ​മ​തും​ ​ഗ​ർ​ഭി​ണി​യാ​യി​രു​ന്നു.​ ​വ​ലി​യ​ ​സ​ന്തോ​ഷ​ത്തി​ലാ​യി​രു​ന്നു​ ​മ​മ്മൂ​ക്ക.​ ​ലൊ​ക്കേ​ഷ​നി​ൽ​ ​വ​ള​രെ​ ​ജോ​ളി​യാ​ണ്.​ ​കാ​റി​ലൊ​ക്കെ​ ​പോ​കു​മ്പോ​ൾ​ ​ഇ​ള​യ​രാ​ജ​ ​സാ​റി​ന്റെ​ ​ത​മി​ഴ്‌​ ​പാ​ട്ടൊ​ക്കെ​ ​മ​മ്മൂ​ക്ക​ ​പാ​ടു​മാ​യി​രു​ന്നു.​ ​ലൊ​ക്കേഷ​നി​ലെ​ ​ഇ​ട​വേ​ള​ക​ളി​ലാ​ണെ​ങ്കി​ലും​ ​മ​മ്മൂ​ക്ക​ ​വെ​റു​തെ​ ​ഇ​രി​ക്കി​ല്ല.​ ​സെ​റ്റി​ലെ​ ​എ​ല്ലാ​വ​രു​മാ​യും​ ​സം​സാ​രി​ക്കു​ക​യും​ ​സൗ​ഹൃ​ദം​ ​പ​ങ്കി​ടു​ക​യു​മൊ​ക്കെ​ ​ചെ​യ്യു​ന്ന​ ​പ്ര​കൃ​തം.​ ​ഞാ​നി​പ്പോ​ഴു​മോ​ർ​ക്കു​ന്നു​ണ്ട് ​തോ​ർത്തൊക്കെ​ എ​ടു​ത്ത് ​ത​ല​യി​ൽ​ ​കെ​ട്ടി​വ​ച്ച് ​ മ​മ്മൂ​ക്ക​ ​ഒ​രു​ ​ലൊ​ക്കേ​ഷ​നി​ൽ​ ​ഡാ​ൻ​സ് ​ചെ​യ്‌​ത​ത്.​ ​അ​തെ​ല്ലാം​ ​വ​ള​രെ​ ​സു​ന്ദ​ര​മാ​യ​ ​ഓ​ർമ​ക​ളാ​ണ്.​ ​പ​ക്ഷേ,​ ​ഇ​ട​യ്‌​ക്കൊ​ക്കെ​ ​ദേ​ഷ്യ​വും​ ​വ​രാ​റു​ണ്ട്.​ ​ഒ​രി​ക്ക​ൽ​ ​ഊ​ട്ടി​യി​ൽ​ ​വ​ച്ച് ​ഒ​രു​ ​സം​ഭ​വ​മു​ണ്ടാ​യി.​ ​ഒ​രു​ ​സീ​ൻ​ ​എ​ടു​ക്കു​ന്ന​തി​നെ​പ്പ​റ്റി​യു​ള്ള​ ​ച​ർ​ച്ച​യി​ലാ​യി​രു​ന്നു.​ ​മ​ണി​യ​ൻ​ ​പി​ള്ള​ ​രാ​ജു​വും ഉ​ണ്ടാ​യി​രു​ന്നു.​ ​സം​സാ​ര​ത്തി​നി​ട​യി​ൽ​ ​മ​മ്മൂ​ക്ക​ ​ചെ​റു​താ​യി​ ​ദേ​ഷ്യ​പ്പെ​ടു​ന്ന​ത് ​ക​ണ്ടു.​ ​അ​ന്നാ​ണ് ​ഞാ​ൻ​ ​മ​മ്മൂ​ക്ക​യു​ടെ​ ​മു​ഖ​ത്തെ​ ​ദേ​ഷ്യം​ ​ആ​ദ്യ​മാ​യി​ ​ക​ണ്ട​ത്.

വൈ​കി​ ​വ​ന്ന​ ​അ​ഭി​ന​ന്ദ​നം
'സി​ന്ധു​ഭൈ​ര​വി"​ സിനിമയി​ൽ​ ​എ​നി​ക്ക് ​ദേ​ശീ​യ​ ​അ​വാ​ർ​ഡ് ​കി​ട്ടി​യ​ ​സ​മ​യ​ത്ത് ​ഞാ​ൻ​ ​ഊ​ട്ടി​യി​ൽ​ ​ഒ​രു​ ​ഷൂ​ട്ടിം​ഗി​ലാ​യി​രു​ന്നു.​ ​ഊ​ട്ടി​യി​ൽ​ ​ത​ന്നെ​ ​വേ​റൊ​രു​ ​ലൊ​ക്കേ​ഷ​നി​ൽ​ ​ മ​മ്മൂ​ക്ക​യു​ടെ​ ​ഷൂ​ട്ടു​ണ്ടാ​യി​രു​ന്നു.​ ​അ​വാ​ർ​ഡ് ​കി​ട്ടി​യ​തി​ന്റെ​ ​പേ​രി​ൽ​ ​മ​മ്മൂ​ക്ക​യു​ടെ​ ​ലൊ​ക്കേ​ഷ​നി​ൽ​ ​നി​ന്ന് ​എ​ല്ലാ​വ​രും​ ​അ​ഭി​ന​ന്ദ​ന​മ​റി​യി​ച്ചു.​ ​ആ​ ​സ​മ​യ​ത്ത് ​ നടി രാ​ധ​യ്ക്ക് ​ദേ​ശീ​യ​ ​അ​വാ​ർ​ഡ് ​കി​ട്ടേ​ണ്ടാ​യി​രു​ന്നു​ ​ എ​ന്നൊ​രു​ ​ച​ർ​ച്ച​ ​ന​ട​ക്കു​ന്നു​ണ്ടാ​യി​രു​ന്നു.​ ​എ​ല്ലാ​വ​രും​ ​അ​ഭി​ന​ന്ദ​ന​മ​റി​യി​ച്ച​പ്പോ​ഴും​ ​മ​മ്മൂ​ക്ക​ ​മാ​ത്രം​ ​ഒ​ന്നും​ ​പ​റ​ഞ്ഞി​ല്ല.​ ​പി​ന്നെ​ ​മ​മ്മൂ​ക്ക​ ​എ​ന്നെ​ ​ഫോ​ൺ​ ​ചെ​യ്‌​തു,​ ​'​'​ഞാ​ൻ​ ​സി​ന്ധു​ഭൈ​ര​വി​ ​ക​ണ്ടി​ട്ടി​ല്ല.​ ​രാ​ധ​ ​അ​ഭി​ന​യി​ച്ച​ ​സി​നി​മ​ ​ക​ണ്ടി​രു​ന്നു.​ ​അ​തു​കൊ​ണ്ട് ​സി​ന്ധു​ഭൈ​ര​വി​ ​ക​ണ്ടി​ട്ട് ​പ​റ​യാം,​ ​ദേ​ശീ​യ​ ​അ​വാ​ർ​ഡി​നു​ള്ള​ ​മൂ​ല്യം​ ​അ​ഭി​ന​യ​ത്തി​നു​ണ്ടാ​യി​രു​ന്നോ​ ​എ​ന്ന്.​"​"​ ​ഇ​പ്പോ​ഴും​ ​ഞാ​ൻ​ ​ഓ​ർ​ക്കു​ന്നു​ണ്ട് ​ആ​ ​വാ​ക്കു​ക​ൾ.​ ​അ​ത്ര​ ​സ​ത്യ​സ​ന്ധ​നാ​ണ് ​മ​മ്മൂ​ക്ക.​ ​പി​ന്നെ​ ​ഒ​രു​ ​മാ​സ​ത്തി​നു​ള്ളി​ൽ​ ​എ​ന്നെ​ ​വി​ളി​ച്ച് ​അ​ഭി​ന​ന്ദ​ന​ങ്ങ​ൾ​ ​അ​റി​യി​ച്ചു.​ ​ആ​ ​വാ​ക്കു​ക​ൾ​ ​എ​ന്നെ​ ​ഏ​റെ​ ​സ​ന്തോ​ഷി​പ്പി​ച്ചു.​ ​കാ​മ​റ​യു​ടെ​ ​മു​ന്നി​ൽ​ ​മാ​ത്ര​മാ​ണ് ​മമ്മൂക്കയുടെ അ​ഭി​ന​യം,​ ​ജീ​വി​ത​ത്തി​ൽ​ ​നേ​രു​ള്ള​ ​മ​നു​ഷ്യ​നാണ്.

അ​ന്നും​ ​ഇ​ന്നും​ ​സിം​പിൾ
'​രാ​ക്കു​യി​ലി​ൻ​ ​രാ​ഗ​സ​ദ​സി​"​ ​ൽ​ ​സിനിമയിലേക്ക് എ​ന്നെ​ ​വി​ളി​ക്കു​മ്പോ​ൾ​ ​എ​നി​ക്ക് ​പ്രി​യ​ദർശനെ​ ​അ​ത്ര​ ​പ​രി​ച​യ​മു​ണ്ടാ​യി​രു​ന്നി​ല്ല.​ ​കൂ​ടു​ത​ലും​ ​കോ​മ​ഡി​ ​കേ​ന്ദ്രീ​ക​രി​ച്ചു​ള്ള​ ​സി​നി​മ​ക​ളാ​ണ് ​പ്രി​യ​ൻ​ ​ചെ​യ്യു​ന്ന​തെ​ന്ന് ​പ​ല​രും​ ​എ​ന്നോ​ട് ​പ​റ​ഞ്ഞി​രു​ന്നു.​ ​അ​ത് ഞാ​ൻ​ ​പ്രി​യ​നോ​ട് ​ത​ന്നെ​ ​നേ​രി​ട്ട് ​പ​റ​ഞ്ഞി​ട്ടു​ണ്ട്.​ ​കോ​മ​ഡി​ ​ട്രാ​ക്കി​ലൂ​ടെ​ ​പോ​കു​ന്ന​ ​ക​ഥാ​പാ​ത്ര​മാ​ണെ​ങ്കി​ൽ​ ​എ​നി​ക്ക് ​ചെ​യ്‌​ത് ​ശീ​ല​മി​ല്ല,​ ​പി​ന്നെ​ ​മ​മ്മൂ​ക്ക​ ​പ​റ​ഞ്ഞി​ട്ടാ​ണ് ​ ആ​ ​സി​നി​മ​ ​ ഞാ​ൻ​ ​ചെ​യ്തത്.​ ​ഷൂ​ട്ടിം​ഗ് ​തു​ട​ങ്ങി​ ​ആ​ദ്യ​ദി​വ​സ​ങ്ങ​ളി​ൽ​ ​മ​മ്മൂ​ക്ക​ ​ഉ​ണ്ടാ​യി​രു​ന്നി​ല്ല.​ ​അ​ദ്ദേ​ഹം​ ​വേ​റൊ​രു​ ​ലൊ​ക്കേ​ഷ​നി​ലാ​യി​രു​ന്നു.​ ​ചെ​റി​യ​ ​ചെ​റി​യ​ ​ചി​ല​ ​സീ​നു​ക​ളൊ​ക്കെ​യാ​യി​രു​ന്നു​ ​ആ​ ​സ​മ​യ​ത്ത്.​ ​അ​തി​നി​ടെ​ ​ഒ​രു​ ​ദി​വ​സം​ ​മ​മ്മൂ​ക്ക​ ​എ​ന്നെ​ ​വി​ളി​ച്ച് ​പ​റ​ഞ്ഞു,​ ​''സു​ഹാ​സി​നിയെ​ക്കു​റി​ച്ച് ​ര​ണ്ടു​കാ​ര്യ​ങ്ങ​ളാ​ണ് ​എ​ല്ലാ​വ​രും​ ​പ​റ​യു​ന്ന​ത്.​ ​ഒ​ന്ന് ​ ​ന​ല്ലൊ​രു​ ​ന​ടി​യാ​ണ്,​ ​ര​ണ്ട് ​ ​ന​ല്ലൊ​രു​ ​വ്യ​ക്തി​ത്വ​ത്തി​നു​ട​മ​യാ​ണ്.​"​"​ ​പ​റ​ഞ്ഞു​ ​തു​ട​ങ്ങി​യ​പ്പോ​ഴേ​ ​എ​നി​ക്ക് ​കാ​ര്യം​ ​മ​ന​സി​ലാ​യി.​ ​ഏ​തോ​ ​ഒ​രു​ ​സീ​ൻ​ ​എ​ടു​ത്ത​പ്പോ​ൾ​ ​ഞാ​ൻ​ ​ശ്ര​ദ്ധി​ച്ചി​ല്ലെ​ന്ന് ​പ്രി​യ​ൻ​ ​പ​റ​ഞ്ഞി​രു​ന്നു.​ ​അ​ത് ​പ്രി​യ​ൻ​ ​മ​മ്മൂ​ക്ക​യെ​ ​വി​ളി​ച്ച് ​പ​റ​ഞ്ഞ​താ​ണ് ​സം​ഭ​വം.മണിരത്നത്തിന്റെ '​ദ​ള​പ​തി​"​ ​സി​നി​മ​യു​ടെ​ ​ഷൂ​ട്ടിം​ഗ് ​സ​മ​യ​ത്ത് ​ഞാ​ൻ​ ​മൂ​ന്നു​മാ​സം​ ​ഗ​ർ​ഭി​ണി​യാ​യി​രു​ന്നു.​ ​അ​ന്ന് ​ഇടയ്ക്ക് ലൊ​ക്കേ​ഷ​നി​ലെത്തുമ്പോൾ ​ ​ഞാ​ൻ​ ​മാ​ങ്ങ​ ​കൊ​ണ്ടു​പോ​കും.​ ​ഷൂ​ട്ടിം​ഗ് ​ഇ​ട​വേ​ള​ക​ളി​ൽ​ ​മു​റി​ച്ച് ​ക​ഴി​ക്കാ​നാ​യി​രു​ന്നു​ ​പ്ളാ​ൻ.​ ​ഒ​രു​ത​വ​ണ​ ​മ​മ്മൂ​ക്ക​ ​അ​ത് ​ക​ണ്ടു.​ ​മാ​ങ്ങ​ ​വേ​ണ​മെ​ന്ന് ​പ​റ​ഞ്ഞ് ​മ​മ്മൂ​ക്ക​യും​ ​കൂ​ടി.​ ​അ​ത്ര​യും​ ​സിം​പി​ൾ​ ​ആ​ണ് ​അ​ന്നും​ ​ഇ​ന്നും​ ​ ​ ​മ​മ്മൂ​ക്ക.​ ​ഞാ​ൻ​ ​'ഇ​ന്ദിര"​ ​സി​നി​മ​ ​സം​വി​ധാ​നം​ ​ചെ​യ്യു​ന്ന​ ​സ​മ​യ​ത്ത് ​ഷൂ​ട്ടിം​ഗ് ​കേ​ര​ള​ത്തി​ലാ​യി​രു​ന്നു.​ ​അ​ന്ന് ​മ​മ്മൂ​ക്ക​ ​വി​ളി​ച്ച് ​കേ​ര​ള​ത്തി​ൽ​ ​എ​ന്തെ​ങ്കി​ലും​ ​സ​ഹാ​യം​ ​ആ​വ​ശ്യ​മു​ണ്ടെ​ങ്കി​ൽ​ ​വി​ളി​ക്ക​ണം​ ​എ​ന്നു​ ​പ​റ​ഞ്ഞി​രു​ന്നു.​ ​മ​ണി​യു​മാ​യും​ ​വ​ള​രെ​ ​ന​ല്ല​ ​സൗ​ഹൃ​ദ​ത്തി​ലാ​ണ് ​മ​മ്മൂ​ക്ക.

പ്രി​യ​പ്പെ​ട്ട​ ​താ​ര​ജോ​ഡി

മ​മ്മൂ​ക്ക​യോ​ടൊ​പ്പം​ ​കു​റേ​ ​സി​നി​മ​ക​ളി​ൽ​ ​അ​ഭി​ന​യി​ക്കാ​ൻ​ ​ക​ഴി​ഞ്ഞ​ത് ​വ​ലി​യ​ ​കാ​ര്യ​മാ​ണ്.​ ​അ​ക്കാ​ല​ത്ത് ​മ​മ്മൂ​ട്ടി​ ​-സു​ഹാ​സി​നി​ ​എ​ന്ന​ത് ​പ്രേ​ക്ഷ​ക​രു​ടെ​ ​പ്രി​യ​ ​താ​ര​ജോ​ഡി​യാ​യി​രു​ന്നു.​ ​ഐ.​വി.​ ​ശ​ശി​യു​ടെ​ ​ഒ​രു​ ​സി​നി​മ​ ​കൊ​ടൈ​ക്ക​നാ​ലി​ൽ​ ​ഷൂ​ട്ട് ​ചെ​യ്യു​ന്ന​ ​സ​മ​യ​ത്ത് ​ഒ​രു​ ​സം​ഭ​വ​മു​ണ്ടാ​യി.​ ​ഒ​രു​ ​പ്ര​ണ​യ​ഗാ​ന​മാ​യി​രു​ന്നു.​ ​പ​ക്ഷേ,​ ​ഇ​ന്റി​മേ​റ്റ് ​സീ​നു​ക​ളാ​യി​രു​ന്നു​ ​പാ​ട്ടി​ൽ​ ​കൂ​ടു​ത​ലും.​ ​ഇ​ത്ര​യും​ ​ഇ​ന്റി​മേ​റ്റാ​യ​ ​അ​ഭി​ന​യം​ ​ബു​ദ്ധി​മു​ട്ടാ​ണെ​ന്ന് ​ഞാ​ൻ​ ​മ​മ്മൂ​ക്ക​യോ​ട് ​പ​റ​ഞ്ഞു.​ ​ഒ​രു​ ​നാ​യി​ക​ ​അ​ങ്ങ​നെ​ ​പ​റ​യു​മ്പോ​ൾ​ ​നാ​യ​ക​ന്മാർക്ക്​ ​അ​തി​ഷ്‌​ട​പ്പെ​ട​ണ​മെ​ന്നി​ല്ല​. ​ ആ ​ചി​ന്തയിൽ ന​ല്ല​ ​ടെ​ൻ​ഷ​നി​ലാ​ണ് ​ഞാ​ന​ത് ​പ​റ​ഞ്ഞ​ത്.​ ​മ​മ്മൂ​ക്ക​ ​പ​ക്ഷേ,​ ​എ​ന്നെ​ ​ഞെ​ട്ടി​ച്ചു.​ ​വ​ള​രെ​ ​സ​ന്തോ​ഷ​ത്തോ​ടെ,​ ​ചി​രി​ച്ചു​കൊ​ണ്ട് ​ഇ​ങ്ങ​നെ​ ​പ​റ​ഞ്ഞു,​'​'​എ​നി​ക്കും​ ​ഇ​ത്ര​ ​റൊ​മാ​ന്റി​ക്കാ​യ​ ​സീ​നു​ക​ളോ​ട് ​താ​ത്പ​ര്യ​മി​ല്ല.​ ​ന​മു​ക്ക് ​ര​ണ്ടു​പേ​ർ​ക്കും​ ​ഒ​രു​മി​ച്ച് ​പോ​യി​ ​സം​വി​ധാ​യ​ക​നോ​ട് ​കാ​ര്യം​ ​പ​റ​യാം.​"​"​ ​എ​ന്ന്.

എ​ന്നും​ ​പ്രി​യ​പ്പെ​ട്ട​ ​സു​ഹൃ​ത്ത്

മ​മ്മൂ​ക്ക​ ​എ​ന്നും​ ​എ​നി​ക്ക് ​ഒ​രു​ ​വ​ലി​യ​ ​സു​ഹൃ​ത്താണ്. ​ജീ​വി​ത​ത്തി​ൽ​ ​എ​ന്നും​ ​പ്ര​ധാ​നമാണെന്നു​ ​ക​രു​തു​ന്ന​ ​ഒ​രു​ ​സൗ​ഹൃ​ദ​മാ​ണ​ത്.​ ​സൗ​ഹൃ​ദം​ ​എ​ന്നും​ ​സൗ​ഹൃ​ദം​ ​തന്നെയാ​ണ്.​ ​സി​നി​മ​യെ​ക്കു​റി​ച്ച് ​ഞ​ങ്ങ​ൾ​ ​ഒ​രു​പാ​ട് ​സം​സാ​രി​ച്ചി​ട്ടുണ്ട്.​ ​സി​നി​മ​യെ​ക്കു​റി​ച്ചു​ള്ള​ ​എ​ന്റെ​ ​കാ​ഴ്‌​ച​പ്പാ​ടു​ക​ൾ,​ ​സ്വ​പ്‌​ന​ങ്ങ​ൾ​ ​അ​ങ്ങ​നെ​യെ​ല്ലാം​ ​മ​മ്മൂ​ക്ക​യോ​ട് ​തു​റ​ന്നു​ ​സം​വ​ദി​ച്ചി​രു​ന്നു.​ ​ന​മ്മ​ളെ​ ​കേ​ട്ടി​രി​ക്കാ​നു​ള്ള​ ​ഒ​രു​ ​ന​ല്ല​ ​മ​ന​സ് ​മ​മ്മൂ​ക്ക​യ്‌​ക്കു​ണ്ട്.​ ​അ​തേ​പോ​ലെ​ ​ത​ന്നെ​ ​സി​നി​മ​യെ​ക്കു​റി​ച്ച് ​എ​ന്ത് ​ചോ​ദി​ച്ചാ​ലും​ ​ഉ​ചി​ത​മാ​യ​ ​ഒ​രു​ ​ഉ​ത്ത​രം​ ​മ​മ്മൂ​ക്ക​യു​ടെ​ ​കൈ​യി​ലു​ണ്ടാ​കും.​ ​'​പ്ര​ണാ​മം"​ ​സി​നി​മ​യി​ൽ​ ​കു​റ​ച്ച് ​യു​വ​താ​ര​ങ്ങ​ളോ​ടൊ​പ്പ​മാ​ണ് ​ഞ​ങ്ങ​ൾ​ ​അ​ഭി​ന​യി​ച്ച​ത്.​ ​അ​വ​രോ​ടൊ​പ്പം​ ​മ​മ്മൂ​ക്ക​ ​അ​ടി​ച്ചു​പൊ​ളി​ക്കു​ന്ന​ത് ​ഞാ​ൻ​ ​നേ​രി​ൽ​ ​ക​ണ്ടു.​ ​അ​ത് ​ന​ല്ല​ ​അ​നു​ഭ​വങ്ങൾ ​സ​മ്മാ​നി​ച്ച​ ​സി​നി​മ​യാ​യി​രു​ന്നു.​ അന്ന് ​ചെ​ന്നൈ​യി​ൽ​ ​നി​ന്ന് ​മു​റു​ക്കും​ ​തേ​ൻ​കു​ഴ​ലു​മൊ​ക്കെ​ ​ഞാ​ൻ​ ​പാ​ക്ക​റ്രി​ലാ​ക്കി​ ​മ​മ്മൂ​ക്ക​യ്‌​ക്ക് ​കൊ​ണ്ടു​കൊ​ടു​ക്കുമായിരുന്നു.​ ​അ​തൊ​ക്കെ​ ​അ​ദ്ദേ​ഹ​ത്തി​ന് ​വ​ലി​യ​ ​ഇ​ഷ്‌​ട​മാ​ണ്.​ ​ ഞാ​നി​പ്പോ​ൾ​ ​ഹൈ​ദ​രാ​ബാ​ദി​ലാ​ണു​ള്ള​ത്.​ ​മ​മ്മൂക്കയുടെ പിറന്നാൾ​ ​വ​രി​ക​യാ​ണെ​ന്ന് ​എ​നി​ക്ക​റി​യാ​മാ​യി​രു​ന്നു.​ ​ഇ​വി​ടെ​ ​നാ​ഗാ​ർ​ജു​ന​യോ​ടും​ ​രാ​ധി​ക​യോ​ടും​ ​ചി​ര​ഞ്ജീ​വി​യോ​ടു​മൊ​ക്കെ​ ​ഞാ​ൻ​ ​പ​റ​ഞ്ഞു​ ​മ​മ്മൂ​ക്ക​യു​ടെ​ ​എ​ഴു​പ​താം​ ​ജ​ന്മ​ദി​ന​മാ​ണെ​ന്ന്.​ ​അ​വ​രെ​ല്ലാം​ ​വ​ള​രെ​ ​സ​ന്തോ​ഷ​ത്തി​ലാ​ണ്.​ ​ഇ​പ്പോ​ഴും​ ​ഒ​രു​ ​നാ​ൽ​പ്പ​തി​ന​പ്പു​റം​ ​ പ്രായം പ​റ​യാ​ൻ​ ​പ​റ്രി​ല്ലെ​ന്നാ​ണ് ​എ​ല്ലാ​വ​രും​ ​പ​റ​യു​ന്ന​ത്.​ ​ആ​രാ​ണ് ​മ​മ്മൂ​ക്ക​യെ​ ​ഇ​ഷ്ട​പ്പെ​ടാ​ത്ത​ത്?​ ​അ​തു​ത​ന്നെ​യാ​ണ് ​അ​ദ്ദേ​ഹ​ത്തി​ന്റെ​ ​ഏ​റ്റ​വും​ ​വ​ലി​യ​ ​പ്ള​സ് ​പൊ​യി​ന്റ്.​ ​ഇ​ത്ര​യും​ ​സു​ന്ദ​ര​നും​ ​സു​മു​ഖ​നും​ ​ബ്രി​ല്ല്യ​ന്റു​മാ​യ​ ​ആ​ക്ട​ർ,​ ​ഈ​ ​ജ​ന്മ​ദി​ന​ത്തി​ൽ​ ​മ​മ്മൂ​ക്ക​യ്‌​ക്ക് ​എ​ല്ലാ​വി​ധ​ ​ആ​ശം​സ​ക​ളും​ ​നേ​രു​ന്നു,​ ​ഹാ​പ്പി​ ​ബ​ർ​ത്ത് ​ഡേ​ ​മ​മ്മൂ​ക്കാ...