മുംബയ്: ടോക്കിയോ ഒളിമ്പിക്‌സിൽ സ്വർണം നേടി ഇന്ത്യയുടെയാകെ അഭിമാനമായി മാറിയ നീരജ് ചോപ്രയോട് അനാവശ്യ ചോദ്യം ചോദിച്ച് വെട്ടിലായി കലാ ചരിത്രകാരൻ രാജീവ് സേഥി. താരത്തിന്റെ ലൈംഗിക ജീവിതത്തെ കുറിച്ചുള‌ള ചോദ്യമാണ് രാജീവ് സേഥി ചോദിച്ചത്.

ഒളിമ്പിക്‌സ് വിജയത്തിന് ശേഷം നിരവധി അഭിമുഖങ്ങളിലാണ് 23കാരനായ നീരജ് ചോപ്ര പങ്കെടുത്തത്. ഇക്കൂട്ടത്തിലൊന്നാണ് രാജീവ് സേഥിയുമായുള‌ള വെർച്വൽ അഭിമുഖം. 'താങ്കൾ വളരെ സുന്ദരനായ ഒരു ചെറുപ്പക്കാരനാണല്ലോ? ഈ കഠിന പരിശീലങ്ങൾക്കിടയിൽ ലൈംഗിക ജീവിതം എങ്ങനെ ഒത്തുകൊണ്ടുപോകുന്നു' എന്നായിരുന്നു നീരജിനോട് രാജീവ് സേഥി ചോദിച്ചത്.

If you thought Malishka was Cringe WATCH Rajeev Sethi go a STEP FURTHER 😡 He asked Neeraj Chopra : "How Do you Balance your Sеx Life with your training??" Disgusted Neeraj replied "Aapke question se mera mann bhar gaya" #NeerajChopra #RajeevSethi pic.twitter.com/qwVd7hAot4

— Rosy (@rose_k01) September 3, 2021

അഭിമുഖത്തിന്റെ വീ‌ഡിയോ ട്വിറ്ററിൽ വൈറലായതോടെ രാജീവിന് വലിയ വിമർശനമാണ് നേരിടുന്നത്. രാജീവിന്റെ ചോദ്യത്തോടുള‌ള അതൃപ്‌തി നീരജ് ചോപ്രയുടെ ശരീരഭാഷയിൽ വ്യക്തമാകുന്നുമുണ്ട്. ഒരിക്കൽ രാജീവിന്റെ ചോദ്യത്തോട് നീരജ് ഒഴിഞ്ഞുമാറുമ്പോൾ വീണ്ടും അതേ ചോദ്യം ചോദിച്ച് നീരജിനെ ബുദ്ധിമുട്ടിക്കുന്നതും വീ‌ഡിയോയിൽ കാണാം. സമൂഹത്തിലെ ഉന്നതർ ഉൾപ്പടെ രാജീവ് സേഥിയുടെ ചോദ്യത്തോട് രൂക്ഷമായ ഭാഷയിലാണ് പ്രതികരിച്ചത്.