മൂന്നാർ: എന്റെ ജന്മദിനത്തിൽ ആശംസകൾ അറിയിച്ചവരിൽ വ്യക്തിപരമായി അറിയാവുന്നവരും ഒരിക്കൽ പോലും കണ്ടിട്ടില്ലാത്തവരുമായ ഒട്ടനവധി പേരുണ്ട്. എല്ലാവരുടെയും സ്നേഹത്തിന് നന്ദി- നടൻ മമ്മൂട്ടി ഇന്നലെ ഫേസ്ബുക്കിൽ കുറിച്ചു.

മുഖ്യമന്ത്രിയുൾപ്പെടെയുള്ള പ്രമുഖ രാഷ്ട്രീയ നേതാക്കൾ,​ അമിതാഭ് ബച്ചൻ,​ മോഹൻലാൽ,​ കമലഹാസൻ തുടങ്ങിയ സിനിമാമേഖലയിൽ നിന്നുള്ള നിരവധി പേർ,​ സാങ്കേതിക വിദഗ്ദ്ധർ,​ മാദ്ധ്യമ പ്രവർത്തകർ,​ ചാനലുകൾ,​പ്രസിദ്ധീകരണങ്ങൾ,​ സിനിമാ ആരാധകർ,​ പ്രേക്ഷകർ എന്നിവർ എനിക്ക് ആശംസകളും സ്നേഹവും ചൊരിഞ്ഞു. വലിയ രീതികളിൽ ജന്മദിനം ആഘോഷിക്കുന്നതിൽ വിമുഖതയുള്ളയാളാണ് ഞാൻ. എന്നിട്ടും എനിക്ക് അറിയാവുന്നവരും അതിൽ കൂടുതൽ ഞാനുമായി നേരിട്ട് പരിചയമില്ലാത്തവരും എന്നെ അവരുടെ കുടുംബത്തിലെ ഒരംഗമായിക്കണ്ട് ഈ ദിവസം ആഘോഷിച്ചു. നിങ്ങൾ എനിക്ക് സമ്മാനിച്ച സ്നേഹത്തിന് ഞാൻ എന്നും കടപ്പെട്ടിരിക്കുന്നു. ആ സ്നേഹം ഞാൻ പതിന്മടങ്ങായി ഓരോരുത്തർക്കും നല്കുന്നു. എനിക്ക് കഴിയുന്നിടത്തോളം കാലം ഇനിയും സിനിമയിലൂടെ എല്ലാവരെയും ആനന്ദപ്പിക്കാൻ ശ്രമിക്കും- മമ്മൂട്ടി പറയുന്നു.