SignIn
Kerala Kaumudi Online
Tuesday, 17 May 2022 4.04 AM IST

വൈറലായി സനുഷ് കൃഷ്ണയുടെ ആകാശ സെൽഫി

selfi
സനുഷിന്റെ ആകാശ സെൽഫി

കാസർകോട് : കടപ്പുറത്തെ പൂഴിയിൽ മൊബൈൽ ഫോൺ ഉറപ്പിച്ച് നിർത്തി വായുവിൽ തുള്ളിയുയർന്ന് സനുഷ് കൃഷ്ണ എന്ന എട്ടാംക്ളാസുകാരൻ എടുത്ത സെൽഫി വൈറലായി.തൃക്കണ്ണാട് കടപ്പുറത്ത് കുടുംബസമേതം പോയപ്പോൾ കൂടെയുള്ളവരുടെ കണ്ണ് വെട്ടിച്ച് ക്ഷേത്രത്തിന് മുന്നിലെ പൂഴിയിൽ വച്ച് എടുത്ത സെൽഫിയാണ് ആളുകൾ ആഘോഷമാക്കിയത്.

ഓൺലൈൻ പഠനത്തിനായി വാങ്ങിച്ചുകൊടുത്ത ഫോണിൽ വീട്ടുകാർ അറിയാതെയാണ് ഈ സെൽഫി എടുത്തത്. മാസങ്ങൾക്ക് ശേഷം ചിത്രം വൈറലായപ്പോഴാണ് മകന്റെ ചിത്രത്തിലുള്ള കമ്പം രക്ഷിതാക്കളുടെ ശ്രദ്ധയിൽപെട്ടത്. അറിയപ്പെടുന്ന നൃത്തപരിശീലകനായ പാലക്കുന്നിലെ സുകേഷിന്റെ മകനാണ് സനുഷ്.ഫോട്ടോഗ്രാഫിയിലെ മകന്റെ സാമർത്ഥ്യം മനസിലാക്കിയ പിതാവ് ഇപ്പോൾ ട്രൈപ്പോഡ് നൽകിയിരിക്കുകയാണ്. ഇതും പിടിച്ച് പ്രകൃതിയിലെ കൗതുകങ്ങളെ ഒപ്പിയെടുക്കുകയാണ് ഉദുമ ഗവ.ഹയർസെക്കൻഡറി സ്കൂൾ വിദ്യാർത്ഥിയായ സനുഷ്.

വൈക്കം മുഹമ്മദ്‌ ബഷീറിനെ അനുകരിച്ച് എടുത്ത സെൽഫിയും സനുഷിന് ഇഷ്ടം പോലെ ലൈക്ക് നേടിക്കൊടുത്തിട്ടുണ്ട്. നന്നായി വരക്കുന്ന സനുഷ് ജനസംഖ്യ ദിനം, ഹിരോഷിമ ദിനം എന്നിവ പ്രമേയമാക്കി ശ്രദ്ധേയമായ ചിത്രങ്ങൾ വരച്ചിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KANNUR
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.