തിരുവനന്തപുരം: പെട്രോൾ, ഡീസൽ, പാചകവാതക വില അടിക്കടി വർദ്ധിപ്പിക്കുന്ന കേന്ദ്രസർക്കാർ നടപടി പ്രതിഷേധാർഹമാണെന്ന് സി.പി.ഐ സംസ്ഥാന കൗൺസിൽ പ്രമേയത്തിൽ പറഞ്ഞു. പെട്രോൾ, ഡീസൽ, പാചകവാതക വിലവർദ്ധനവ് സാധാരണ ജനങ്ങളുടെ കുടുംബ ബഡ്ജറ്റ് താളം തെറ്റിക്കുകയാണ്. മോദി സർക്കാരിന്റെ ഇത്തരം ജനവിരുദ്ധ നയങ്ങൾക്കെതിരെ കക്ഷിരാഷ്ട്രീയത്തിന് അതീതമായി ജനകീയഐക്യം വളർത്തിക്കൊണ്ടുവരണം. ഗൾഫ് നാടുകളിലേക്കുള്ള വിമാനയാത്രാ നിരക്ക് വർദ്ധനവ് അടിയന്തരമായി പിൻവലിക്കണം. വിമാനത്താവളങ്ങളിലെ കൊവിഡ് പരിശോധനയ്ക്ക് ഈടാക്കുന്ന തുകയിൽ കുറവ് വരുത്തണം. പ്രവാസികളെ കൊള്ളയടിക്കുന്ന വിമാനക്കമ്പനികളെ നിയന്ത്രിക്കാൻ കേന്ദ്രസർക്കാർ ഇടപെടണമെന്നും സി.പി.ഐ ആവശ്യപ്പെട്ടു.