SignIn
Kerala Kaumudi Online
Monday, 04 July 2022 8.08 AM IST

ബില്ലടച്ചില്ലെങ്കിൽ ഇനി കറണ്ടു പോകും

kseb

തിരുവനന്തപുരം:വൈദ്യുതി കുടിശികക്കാരുടെ കണക്‌ഷൻ വിച്ഛേദിക്കാൻ കെ.എസ്.ഇ.ബി തീരുമാനം. ഇതിനുള്ള നിർദ്ദേശം ചെയർമാൻ ഡെപ്യൂട്ടി ചീഫ് എൻജിനീയർമാർക്ക് നൽകി. കുടിശികക്കാരുടെ വൈദ്യുതി വിച്ഛേദിക്കാൻ ബോർഡ് ഈ വർഷം ആദ്യം ഉത്തരവിറക്കിയെങ്കിലും ലോക്ക് ഡൗൺ പശ്ചാത്തലത്തിൽ സർക്കാർ നിർദ്ദേശം അനുസരിച്ചു തീരുമാനം മരവിപ്പിച്ചു. അതിന്റെ മറവിൽ ഉപയോക്താക്കൾ ബിൽ അടയ്ക്കാതിരുന്നതു ബോർഡിനു വൻ ബാദ്ധ്യതയായതിനാലാണ് ഉത്തരവ്.

ജൂലായ് 31 വരെ ഗാർഹിക ഉപയോക്താക്കളുടെ മാത്രം കുടിശിക 1389.42 കോടി രൂപയാണ്. കുടിശിക അടയ്ക്കാൻ 21 ദിവസത്തെ നോട്ടീസ് നൽകി കണക്‌ഷൻ വിച്ഛേദിക്കാമെന്നാണ് ഉത്തരവ്. കുടിശിക ഗഡുക്കളായി പിരിക്കാൻ നോട്ടീസ് നൽകാൻ ഒരു മാസം മുമ്പ് ബോർഡ് ഉത്തരവിറക്കിയിരുന്നു. എല്ലാ സെക്‌ഷൻ ഓഫീസുകളിലും കുടിശികക്കാർക്കു നോട്ടിസ് നൽകിയിട്ടുണ്ട്. അതിനാൽ പുതിയ ഉത്തരവിലെ 21 ദിവസം ഇവർക്കു ലഭിക്കുമെന്ന് ഉറപ്പില്ല. വലിയതോതിൽ വൈദ്യുതി ഉപയോഗിക്കുന്നവർ പോലും ഡിസ്‌കണക്‌ഷൻ ഉത്തരവു മരവിപ്പിച്ചതിന്റെ മറവിൽ ബിൽ അടയ്ക്കുന്നതിൽ വീഴ്ചവരുത്തി. വീട്ടിലെത്തി റീഡിംഗ് എടുക്കുന്നവർ നൽകുന്ന സ്ലിപ്പിൽ ബിൽ തുകയ്ക്കൊപ്പം കണക്‌ഷൻ വിച്ഛേദിക്കുന്ന തീയതിയും രേഖപ്പെടുത്തിയിട്ടുണ്ടാകും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSEB
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.