കൊച്ചി​: ബി​.ജെ.പി​ സംസ്ഥാന നേതൃത്വത്തി​നെതി​രെ ഇന്നലെ ചേർന്ന പാർട്ടി ​ കോർ കമ്മി​റ്റി​ യോഗത്തി​ൽ കടുത്ത വി​മർശനം. തിരഞ്ഞെടുപ്പ് തോൽവി അന്വേഷിക്കാൻ നിയോഗിച്ച കമ്മിഷന്റെ റിപ്പോർട്ട് ചർച്ച ചെയ്യാനായിരുന്നു നെടുമ്പാശേരി​ ഗോൾഫ് വ്യൂവി​ലെ യോഗം. തോൽവി​യുടെയും പാർട്ടി​ സ്വീകരി​ച്ച നി​ലപാടുകളുടെയും പേരി​ൽ സംസ്ഥാന പ്രസി​ഡന്റ് കെ .സുരേന്ദ്രനെയും സംഘടനാ സെക്രട്ടറി എം. ഗണേശനെയും അംഗങ്ങൾ പലരും കുറ്റപ്പെടുത്തി.

എറണാകുളത്തുണ്ടായി​ട്ടും മുൻ സംസ്ഥാന പ്രസി​ഡന്റ് സി.കെ. പത്മനാഭൻ യോഗത്തി​ൽ പങ്കെടുത്തി​ല്ല. കോർ കമ്മി​റ്റി​ യോഗം തീരും മുമ്പേ ജി​ല്ല വി​ട്ടുപോയി. ഒ. രാജഗോപാലും പെട്ടെന്ന് യോഗത്തി​ൽ നി​ന്ന് മടങ്ങി​. കുറച്ചുനാളായി യോഗങ്ങളിൽ നിന്ന് വിട്ടുനിന്നിരുന്ന സഹസംഘടനാ സെക്രട്ടറി സുഭാഷ് ഇന്നലത്തെ യോഗത്തിൽ പങ്കെടുത്തതും ശ്രദ്ധിക്കപ്പെട്ടു. സംസ്ഥാന പ്രസിഡന്റ് കെ. സുരേന്ദ്രൻ അദ്ധ്യക്ഷത വഹിച്ചു. കേന്ദ്ര മന്ത്രി വി. മുരളീധരൻ, കുമ്മനം രാജശേഖരൻ, പി.കെ. കൃഷ്ണദാസ്, സംസ്ഥാന വൈസ് പ്രസി​ഡന്റ് എ.എൻ. രാധാകൃഷ്ണൻ, ജനറൽ സെക്രട്ടറി​മാരായ എം.ടി. രമേശ്, ജോർജ് കുര്യൻ, പി​. സുധീർ, സി​. കൃഷ്ണകുമാർ എന്നിവരും പങ്കെടുത്തു.

സംഘടനയിൽ അഴിച്ചുപണി

ബി.ജെ.പി സംസ്ഥാന, ജില്ലാ തലങ്ങളിലും അഴിച്ചുപണിക്ക് സാദ്ധ്യത. പകുതി​യോളം ജി​ല്ലാ പ്രസി​ഡന്റുമാരെ മാറ്റുന്നതു സംബന്ധിച്ചും യോഗത്തിൽ ചർച്ചയുണ്ടായി. 14 റവന്യൂ ജില്ലകൾക്ക് പകരം 20 സംഘടനാ ജി​ല്ലകളും 200 മണ്ഡലങ്ങളും രൂപീകരി​ക്കാനാണ് ആലോചന. ഉച്ചയ്ക്ക് മൂന്നു മണിക്ക് ആരംഭിച്ച യോഗം രാത്രി ഒമ്പതരയ്ക്കും അവസാനിച്ചിരുന്നില്ല.

ലൗ ജിഹാദ് ആയുധമാക്കാൻ ധാരണ

കേരളത്തിൽ ക്രൈസ്‌തവ സഭകൾ ഉയർത്തികൊണ്ടുവന്ന ലൗ ജിഹാദ് വിഷയം ആയുധമാക്കാൻ ബിജെപിയിൽ ധാരണ. ബി.ജെ.പി. നേരത്തേതന്നെ കേരളീയ സമൂഹത്തിൽ ഉന്നയിച്ചിട്ടുള്ള ഈ ആശങ്ക ക്രൈസ്തവ സമുദായം ഏറ്റെടുത്തത് രാഷ്ട്രീയമായി ഉപയോഗിക്കാനാണ് പാർട്ടിയുടെ തീരുമാനം. വിഷയം ദേശീയ ശ്രദ്ധയിലേക്ക് കൊണ്ടുവരുന്നതിന്റെ ഭാഗമായി പാർട്ടി സംസ്ഥാന ജനറൽ സെക്രട്ടറി ജോർജ് കുര്യൻ കേന്ദ്ര ആഭ്യന്തരമന്ത്രിക്ക് കത്തയച്ചിട്ടുണ്ട്.പാലാ ബിഷപ്പ് ഹൗസിലേക്ക് മാർച്ച് നടത്തിയത് മത തീവ്രവാദികളാണെന്നും ഈ സാഹചര്യത്തിൽ ബിഷപ്പിന് സംരക്ഷണം നൽകാൻ കേന്ദ്രം ഇടപെടണമെന്നുമാണ് കത്തിലെ ആവശ്യം.