അഹമ്മദാബാദ്: ഗുജറാത്ത് മുഖ്യമന്ത്രിയായി ഭൂപേന്ദ്ര പട്ടേൽ സത്യപ്രതിജ്ഞ ചെയ്തു. കേന്ദ്ര ആഭ്യന്തരമന്ത്രി അമിത് ഷാ ചടങ്ങിൽ സന്നിഹിതനായിരുന്നു. രാജ്ഭവനിൽ നടന്ന ചടങ്ങിൽ ഗവർണർ ആചാര്യ ദേവരഥ് സത്യവാചകം ചൊല്ലിക്കൊടുത്തു. 59 വയസുകാരനായ ഭൂപേന്ദ്ര പട്ടേൽ ഗുജറാത്തിന്റെ പതിനേഴാമത്തെ മുഖ്യമന്ത്രിയാണ്. ഇന്നലെയാണ് ബിജെപി നിയമസഭാ കക്ഷി യോഗം വിജയ് രൂപാണിയുടെ പിൻഗാമിയായി പട്ടേലിനെ തിരഞ്ഞെടുത്തത്.
ഇന്നലെ ഗാന്ധിനഗറിൽ ചേർന്ന യോഗത്തിൽ രൂപാണി തന്നെയാണ് ഭുപേന്ദ്ര പട്ടേലിനെ പുതിയ മുഖ്യമന്ത്രിയായി നിർദ്ദേശിച്ചത്.മുൻ മുഖ്യമന്ത്രി ആനന്ദിബെൻ പട്ടേലിന്റെ അടുത്ത അനുയായിയാണ് ഭുപേന്ദ്ര പട്ടേൽ.
ഘട്ലോദിയയിൽ നിന്നുള്ള എം എൽ എയാണ് ഭുപേന്ദ്ര പട്ടേൽ . 1.17ലക്ഷം വോട്ടിന്റെ റെക്കാർഡ് ഭൂരിപക്ഷത്തോടെ ആയിരുന്നു 2017ലെ തിരഞ്ഞെടുപ്പിൽ വിജയിച്ചത്. ഒറ്റത്തവണ മാത്രം എം എൽ എ ആയ അദ്ദേഹം അപ്രതീക്ഷിതമായിട്ടാണ് മുഖ്യമന്ത്രി കസേരയിലെത്തുന്നത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |