തിരുവല്ല: വിശ്വകർമ്മ ഐക്യവേദി നേതൃത്വത്തിൽ വിശ്വകർമ്മ ജയന്തി ആഘോഷിച്ചു. അഖിലകേരള വിശ്വകർമ്മ സഭ ബോർഡ് അംഗവും ജില്ലാ ചെയർമാനുമായ തെക്കേകുറ്റ് ബാലചന്ദ്രൻ ടി.ആർ ഉദ്ഘാടനം ചെയ്തു. കേരള വിശ്വകർമ്മ സർവീസ് സൊസൈറ്റി ജില്ലാ പ്രസിഡന്റ് പ്രകാശ് കൃഷ്ണ അദ്ധ്യക്ഷത വഹിച്ചു. അഖിലകേരള വിശ്വകർമ്മ മുൻ താലൂക്ക് യൂണിയൻ പ്രസിഡന്റ് ഒട്ടത്തിൽ മുരളി സന്ദേശം നൽകി. വിവിധ സമുദായ സംഘടനാ നേതാക്കളായ അനിൽ പെരിങ്ങര, ഗോപേഷ് മല്ലപ്പള്ളി, അനിൽ പെരുന്തുരുത്തി, പ്രകാശ്, മനോജ് എന്നിവർ പ്രസംഗിച്ചു. ക്ഷേത്ര ശിൽപ്പിയും പള്ളിയോടം നിർമ്മാണവും നടത്തുന്ന അയിരൂർ ഐക്കര സന്തോഷിന് ഋഷിപഞ്ചമി പുരസ്കാരം നൽകി ആദരിച്ചു.