തിരുവനന്തപുരം: പ്രമുഖ നിരൂപകനും ബഹുഭാഷാ പണ്ഡിതനുമായിരുന്ന ഡോ. കെ. രാഘവൻ പിള്ളയുടെ ജന്മശതാബ്ദി ആഘോഷങ്ങളുടെ ഭാഗമായി കേന്ദ്ര സാഹിത്യ അക്കാഡമി സംഘടിപ്പിച്ച വെബിനാർ ബാലചന്ദ്രൻ വടക്കേടത്ത് ഉദ്ഘാടനം ചെയ്തു. അക്കാഡമി ഉപദേശകസമിതി അംഗം ഡോ. അജയപുരം ജ്യോതിഷ്‌കുമാർ അദ്ധ്യക്ഷത വഹിച്ചു. ഡോ. വിജയൻപിള്ള,​ ഡോ. കായംകുളം യൂനുസ് എന്നിവർ പ്രസംഗിച്ചു. സ്മൃതി സദസിൽ ഡോ. നടുവട്ടം ഗോപാലകൃഷ്ണൻ,​ ഡോ. സി.ആർ. രസാദ്,​ ഡോ. ഉഷ രാജാ വാര്യർ എന്നിവർ പ്രബന്ധം അവതരിപ്പിച്ചു. അക്കാഡമി റീജിയണൽ സെക്രട്ടറി എസ്.പി. മഹാലിംഗേശ്വർ സ്വാഗതം പറഞ്ഞു.