SignIn
Kerala Kaumudi Online
Saturday, 16 October 2021 5.10 PM IST

സുധാകരന്റേത് സംഘപരിവാർ മനസ്, പ്രശ്നങ്ങൾ വഷളാക്കിയത് വേണുഗോപാൽ: അനിൽകുമാർ

kp-anilkumar-and-cpm

തിരുവനന്തപുരം: കേരളത്തിലെ കോൺഗ്രസിനെ നയിക്കുന്നത് സംഘപരിവാർ മനസുള്ളയാളാകുമ്പോൾ എവിടെയാണ് നീതി ഉറപ്പാവുകയെന്ന് കോൺഗ്രസ് വിട്ട് സി.പി.എമ്മിൽ ചേർന്ന കെ.പി.സി.സി മുൻ സംഘടനാ ജനറൽ സെക്രട്ടറി കെ.പി. അനിൽകുമാർ കുറ്റപ്പെടുത്തി. പാർട്ടിയിലെ പ്രശ്നങ്ങൾ ഇത്രയും വഷളാക്കിയത് കെ.സി. വേണുഗോപാലാണ്.

കോൺഗ്രസിനെ ലിക്വിഡേറ്റ് ചെയ്യാൻ ചിലർ ക്വട്ടേഷനെടുത്തിരിക്കുകയാണ്. ആ ലിക്വിഡേഷൻ പ്രക്രിയയാണിപ്പോൾ നടക്കുന്നത്. കെ.പി.സി.സി പ്രസിഡന്റ് സ്ഥാനം കിട്ടിയില്ലെങ്കിൽ ബി.ജെ.പിയിൽ ചേരുമെന്ന് പരസ്യമായി പ്രഖ്യാപിച്ചയാളാണ് കെ. സുധാകരൻ. കോൺഗ്രസിന്റെ ഉന്നത നേതാക്കളെ പരസ്യമായി തെറിവിളിക്കുന്ന ഒരാളെ കെ.എസ് ബ്രിഗേഡ് എന്നുപറഞ്ഞ് ആദരിക്കുന്നയാൾക്ക് അച്ചടക്കത്തെക്കുറിച്ച് പറയാനെന്താണ് അർഹത? താലിബാൻ തീവ്രവാദികൾ അഫ്ഗാൻ പിടിച്ചെടുത്തത് പോലെയാണ് അദ്ദേഹം കെ.പി.സി.സി പിടിച്ചെടുത്തത്.

 'പിന്നിൽ നിന്ന് കുത്തേറ്റ് മരിക്കാൻ തയ്യാറല്ല'

തന്റെ തലയറുക്കാൻ കാത്തിരിക്കുന്നയാളാണ് നേതൃത്വത്തിൽ എന്നതിനാലും പിന്നിൽ നിന്ന് കുത്തേറ്റ് മരിക്കാൻ തയ്യാറല്ലാത്തതിനാലും 43 വർഷത്തെ കോൺഗ്രസ് ബന്ധം ഉപേക്ഷിക്കുകയാണ്.

കൊടിക്കുന്നിൽ സുരേഷ് കെ.പി.സി.സി പ്രസിഡന്റാകാൻ ആഗ്രഹിച്ചപ്പോൾ അദ്ദേഹത്തെ ജാതീയമായി വരെ ആക്ഷേപിച്ച് ബഹളമായിരുന്നില്ലേ. സുധാകരന്റേതല്ലാതെ മറ്റൊരു പേര് ചർച്ച ചെയ്യാൻ സമ്മതിച്ചോ കേരളത്തിൽ? കോൺഗ്രസിൽ ഇപ്പോൾ ഏകാധിപത്യമാണ്. സെമി കേഡർ എന്നൊരു സംവിധാനം എവിടെയും കേട്ടിട്ടില്ല. കേഡർ പാർട്ടിയും കേഡർ സ്വഭാവമുള്ള പാർട്ടികളുമെന്നേ ഉള്ളൂ. ലിബറൽ ഡെമോക്രാറ്റിക് പാർട്ടിയായ കോൺഗ്രസിനെ കേ‌ഡർ സംവിധാനത്തിലേക്ക് മാറ്റണമെങ്കിൽ ഭരണഘടന ഭേദഗതി ചെയ്യണം. അല്ലാതെ കെ.പി.സി.സി പ്രസിഡന്റും ഡി.സി.സി പ്രസിഡന്റുമാരും ചേർന്ന് ശില്പശാല നടത്തി തീരുമാനിക്കാവുന്നതല്ലെന്നും അനിൽ കുമാർ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KP ANILKUMAR AND CPM
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.