കോട്ടയം: പാലാ ബിഷപ്പ് ജോസഫ് കല്ലറങ്ങാട്ട് പൊട്ടിച്ച 'നാർക്കോട്ടിക് ജിഹാദ് ബോംബ്' നിർവീര്യമാക്കാനുള്ള നീക്കം മുറുകി. ബിഷപ്പിനെ അനുകൂലിച്ചും എതിർത്തും ക്രൈസ്തവ, മുസ്ലിം സംഘടനകൾ പോർവിളി നടത്തിയ പാലായിൽ ഡിവൈ.എസ്.പിയുടെ നേതൃത്വത്തിൽ സമാധാനയോഗം ചേർന്നു.സാമൂഹ്യ മാദ്ധ്യമങ്ങളിലടക്കം സമാധാനാന്തരീക്ഷം തകർക്കുന്ന പ്രചാരണം നടത്തുന്നവർക്കെതിരെ നടപടി സ്വീകരിക്കുമെന്ന്​ യോഗത്തിൽ പൊലീസ്​ മുന്നറിയിപ്പു നൽകി.

സി.എസ്.ഐ ബിഷപ്പ് ഡോ.മലയിൽ സാബുകോശി ചെറിയാനും, താഴത്തങ്ങാടി ഇമാം ഷംസുദ്ദീൻ മൗലവിയും സംയുക്ത വാർത്താസമ്മേളനത്തിൽ സമാധാനാഹ്വാനം നടത്തിയിരുന്നു. ഇതിന്റെ തുടർച്ചയായി ഇന്നലെ കെ.പി.സി.സി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും പാലാ രൂപതയുടെ ചുമതലയുള്ള ചങ്ങനാശേരി അതിരൂപതാ ആർച്ച് ബിഷപ്പ് ജോസഫ് പെരുന്തോട്ടം,ജോസഫ് പവ്വത്തിൽ എന്നിവരുമായി ഒരു മണിക്കൂറോളം ചർച്ച നടത്തി. സമവായത്തിന് മുൻകൈയെടുക്കാൻ തയ്യാറാണെന്ന് കോൺഗ്രസ് നേതാക്കൾ അറിയിച്ചു. സി.എസ്.ഐ ബിഷപ്പിനെയും താഴത്തങ്ങാടി മുസ്ലിംപള്ളി ഇമാമിനെയും സതീശൻ കണ്ടു. ഇമാമുമായി ചർച്ച നടത്തിയ സുധാകരൻ, പിന്നീട് പാലാ അരമനയിലെത്തി ബിഷപ്പിനെയും കണ്ടു.

മതസ്പർദ്ധ്യ വളർത്തുന്ന തരത്തിൽ വിവാദം വളർന്നിട്ടും സമവായ ശ്രമത്തിനുള്ള ഉത്തരവാദിത്തം ഏറ്റെടുക്കാതെ തമ്മിലടി കണ്ട് ചോര കുടിക്കാൻ ശ്രമിക്കുന്ന ചെന്നായെപ്പോലെയാണ് സർക്കാർ പെരുമാറുന്നതെന്ന് സുധാകരൻ പറഞ്ഞു. മതസൗഹാർദ്ദം നിലനിറുത്താനുള്ള ധാർമിക ഉത്തരവാദിത്തം കോൺഗ്രസിനാണെന്ന് മനസിലാക്കിയാണ് സമുദായ നേതാക്കളെ കണ്ടതെന്നും സുധാകരൻ പറഞ്ഞു.

സുരേഷ്ഗോപി എം.പിയും ജോസ് കെ. മാണിയും പാലാ ബിഷപ്പിനെ സന്ദർശിച്ചു. ബിഷപ്പ് വർഗീയ പരാമർശങ്ങൾ നടത്തിയിട്ടില്ലെന്നും, തീവ്രവാദമെന്ന് പറയുമ്പോഴേക്കും ഒരു മതവിഭാഗം അതവരെയാകും ഉദ്ദേശിച്ചതെന്ന് വ്യാഖ്യാനിച്ചാൽ എങ്ങനെ ശരിയാകുമെന്നും സുരേഷ് ഗോപി പ്രതികരിച്ചു.

 ബി​ഷ​പ്പ് ​ന​ട​ത്തി​യ​ത് വ​ർ​ഗീ​യ​ ​പ​രാ​മ​ർ​ശ​മല്ല​: സു​രേ​ഷ് ​ഗോ​പി

പാ​ലാ​​:​ ​പാ​ലാ​ ​ബി​ഷ​പ്പ് ​വ​ർ​ഗീ​യ​ ​പ​രാ​മ​ർ​ശം​ ​ന​ട​ത്തി​യി​ട്ടി​ല്ലെ​ന്നും,​ ​ഒ​രു​ ​മ​ത​ത്തേ​യും​ ​അ​ദ്ദേ​ഹം​ ​പ​രാ​മ​ർ​ശി​ച്ചി​ട്ടി​ല്ലെ​ന്നും​ ​സു​രേ​ഷ് ​ഗോ​പി​ ​എം.​പി​ ​പ​റ​ഞ്ഞു.​ ​രാ​ഷ്ട്രീ​യ​ക്കാ​ര​നാ​യ​ല്ല​ ,​എം.​പി​ ​എ​ന്ന​ ​നി​ല​യി​ലാ​ണ് ​ബി​ഷ​പ്പി​നെ​ ​സ​ന്ദ​ർ​ശി​ച്ച​തെ​ന്ന് ​അ​ദ്ദേ​ഹം​ ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു
രാ​ഷ്ട്രീ​യം​ ​നോ​ക്കി​ ​സ​ല്യൂ​ട്ട് ​പാ​ടി​ല്ല.​ ​പൊ​ലീ​സ് ​അ​സോ​സി​യേ​ഷ​ൻ​ ​രാ​ഷ്ട്രീ​യം​ ​ക​ളി​ക്ക​രു​ത്.​ ​എം.​പി​ക്ക് ​സ​ല്യൂ​ട്ട് ​പാ​ടി​ല്ലെ​ന്ന് ​ഡി.​ജി.​പി​യു​ടെ​ ​സ​ർ​ക്കു​ല​റു​ണ്ടോ​?.​ ​ഉ​ണ്ടെ​ങ്കി​ൽ​ ​അ​ത് ​കാ​ണി​ക്ക​ട്ടേെ​-​ ​സു​രേ​ഷ് ​ഗോ​പി​ ​പ​റ​ഞ്ഞു.