തൃശൂർ : രണ്ട് ദിവസമായി രണ്ട് ലക്ഷത്തോളം വാക്‌സിൻ ലഭിച്ചിട്ടും, ഓൺലൈൻ സ്‌ളോട്ട് ഇട്ടിട്ടും ബുക്ക് ചെയ്യാനാളില്ല. പല പഞ്ചായത്തുകളിലും ആയിരം ഡോസ് വീതം നൽകി മെഗാ വാക്‌സിനേഷൻ ക്യാമ്പുകൾ സംഘടിപ്പിച്ചെങ്കിലും വാക്‌സിനെടുക്കാൻ ആളുകൾ എത്താത്തത് മൂലം ലക്ഷ്യം കൈവരിക്കാനായിട്ടില്ല.

വ്യാഴാഴ്ച്ച ഒരു ലക്ഷം ഡോസ് വാക്‌സിൻ ജില്ലയിൽ ഉണ്ടായിരുന്നെങ്കിലും 70,000 പേരാണ് വാക്‌സിൻ സ്വീകരിച്ചത്. കഴിഞ്ഞ ദിവസം ബാക്കിയുണ്ടായിരുന്ന 30,000 ഡോസിന് പുറമേ ലഭിച്ച 40,000 ഡോസ് കൈവശമുണ്ടായിരുന്നു. ഇതിന്റെ അടിസ്ഥാനത്തിൽ ജില്ലയിൽ 18 വയസിന് മുകളിലുള്ള മുഴുവൻ പേർക്കും ആദ്യ ഡോസ് കോവിഷീൽഡ് ലഭ്യമാക്കുക എന്ന ലക്ഷ്യം പൂർത്തീകരിക്കാനായി ഇന്നലെ എല്ലാ സർക്കാർ ആരോഗ്യ സ്ഥാപനങ്ങളിലും വാക്‌സിനേഷൻ സൗകര്യം ഒരുക്കിയിരുന്നു.

എന്നാൽ ഓരോ വാർഡിൽ നിന്നും നാമമാത്രമായ ആളുകളേ വാക്‌സിനെടുക്കാനെത്തിയുള്ളൂ. ആരോഗ്യ വകുപ്പിന്റെ കണക്ക് അനുസരിച്ച് ആദ്യ ഡോസ് 80 ശതമാനം പൂർത്തിയായി. എന്നാൽ ജില്ലയിലെ കണക്ക് പ്രകാരം അത് 86 ശതമാനമാണ്. ഇതുവരെ 22 ലക്ഷത്തിലധികം പേർ ആദ്യ ഡോസ് സ്വീകരിച്ചപ്പോൾ ഒമ്പത് ലക്ഷത്തോളം പേർക്ക് രണ്ടാം ഡോസും ലഭിച്ചു.

വാക്‌സിനെടുക്കാൻ വിമുഖത

ചിലർ ഇപ്പോഴും വാക്‌സിനെടുക്കാൻ വിമുഖത പ്രകടിപ്പിക്കുന്നുണ്ട്. ഇവരെ നിർബന്ധപൂർവ്വം വാക്‌സിനേഷൻ കേന്ദ്രങ്ങളിലെത്തിക്കാനുള്ള ശ്രമമാണ് നടക്കുന്നത്. അലർജിയുള്ളവരും മറ്റും വാക്‌സിനെടുക്കാൻ ഭയപ്പെടുന്നുണ്ട്. കൂടാതെ കൊവിഡ് വന്ന് മാറിയവർക്ക് മൂന്ന് മാസത്തിന് ശേഷം മാത്രമേ വാക്‌സിനെടുക്കാൻ പാടുള്ളൂവെന്ന നിബന്ധന മൂലം മാറ്റി നിറുത്തപ്പെട്ടവരുമുണ്ട്. ഈ ആഴ്ച അവസാനത്തോടെ ആദ്യ ഡോസ് പരമാവധി പേരിലെത്തിക്കാനുള്ള തീവ്രശ്രമമാണ് നടത്തുന്നത്. ആദ്യ ഡോസ് പൂർത്തിയായാൽ രണ്ടാം ഡോസ് കൃത്യമായ ഇടവേളകളിൽ ആളുകളിലെത്തിക്കാൻ സാധിക്കുമെന്നാണ് ആരോഗ്യ വകുപ്പ് അധികൃതർ പറയുന്നത്.

84 ദിവസം കഴിഞ്ഞവർക്ക്
രണ്ടാം ഡോസ്

ആദ്യ ഡോസ് കഴിഞ്ഞ് 84 ദിവസം കഴിഞ്ഞവർക്ക് രണ്ടാം ഡോസ് എടുക്കാനുള്ള സൗകര്യം നിലവിലുണ്ടെന്ന് ആരോഗ്യ വകുപ്പ് അധികൃതർ പറഞ്ഞു. നേരത്തെ പലർക്കും 112 ദിവസം കഴിഞ്ഞിട്ടും വാക്‌സിൻ ലഭിക്കാതെ നെട്ടോട്ടം ഓടിയിരുന്ന സാഹചര്യമുണ്ടായിരുന്നു.

തിരക്ക് കുറഞ്ഞു

സർക്കാർ സംവിധാനത്തിൽ കൂടുതൽ വാക്‌സിനെത്തിയതോടെ സ്വകാര്യ സ്ഥാപനങ്ങളിൽ തിരക്ക് കുറഞ്ഞു. നേരത്തെ പല സന്നദ്ധ സംഘടനകളും നിരക്ക് കുറച്ച് ക്യാമ്പുകൾ നടത്തിയിരുന്നതും നിറുത്തി. സ്വകാര്യ സ്ഥാപനങ്ങളിൽ ധാരാളം വാക്‌സിൻ കെട്ടിക്കിടക്കുന്നുണ്ട്.

വാ​ക്‌​സി​നെ​ടു​ക്കാ​ൻ​ ​രാ​ത്രി​യും​ ​സൗ​ക​ര്യം

ആ​ദ്യ​ ​ഡോ​സ് ​വാ​ക്‌​സി​ൻ​ ​സ്വീ​ക​രി​ക്കാ​ൻ​ ​സാ​ധി​ക്കാ​ത്ത​വ​ർ​ക്ക് ​ഇ​ന്ന് ​എ​ല്ലാ​ ​സ​ർ​ക്കാ​ർ​ ​ആ​രോ​ഗ്യ​കേ​ന്ദ്ര​ങ്ങ​ളി​ലും​ ​വാ​ക്‌​സി​നേ​ഷ​ൻ​ ​(​കോ​വി​ഷീ​ൽ​ഡ് ​വാ​ക്‌​സി​ൻ​)​ ​സൗ​ക​ര്യം​ ​ഒ​രു​ക്കി​യി​ട്ടു​ണ്ട്.​ ​ഓ​ൺ​ലൈ​ൻ​ ​വ​ഴി​യോ​ ​/​ ​അ​ടു​ത്തു​ള​ള​ ​സ​ർ​ക്കാ​ർ​ ​കേ​ന്ദ്ര​ങ്ങ​ളു​മാ​യി​ ​ബ​ന്ധ​പ്പെ​ട്ടോ​ ​വാ​ക്‌​സി​നേ​ഷ​ൻ​ ​കേ​ന്ദ്രം​ ​തെ​ര​ഞ്ഞെ​ടു​ത്ത് ​വാ​ക്‌​സി​ൻ​ ​സ്വീ​ക​രി​ക്കാം.​ ​ഔ​ദ്യോ​ഗി​ക,​ ​തൊ​ഴി​ൽ​ ​സം​ബ​ന്ധ​മാ​യ​ ​പ​ല​ ​കാ​ര​ണ​ങ്ങ​ളാ​ലും​ ​പ​ക​ൽ​ ​വാ​ക്‌​സി​നേ​ഷ​നാ​യി​ ​എ​ത്തി​ച്ചേ​രാ​ൻ​ ​സാ​ധി​ക്കാ​ത്ത​വ​ർ​ക്ക് ​തൃ​ശൂ​ർ​ ​ജ​ന​റ​ൽ​ ​ആ​ശു​പ​ത്രി​യി​ൽ​ ​ഇ​ന്ന് ​വൈ​കീ​ട്ട് 5​ ​മു​ത​ൽ​ ​രാ​ത്രി​ 10​ ​വ​രെ​ ​പ്ര​ത്യേ​ക​ ​വാ​ക്‌​സി​നേ​ഷ​ൻ​ ​ക്യാ​മ്പ് ​സ​ജ്ജീ​ക​രി​ച്ചി​ട്ടു​ണ്ട്.

വാ​ക്‌​സി​നേ​ഷ​ൻ​ ​സൗ​ക​ര്യം​ ​പ​ര​മാ​വ​ധി​ ​പ്ര​യോ​ജ​ന​പ്പെ​ടു​ത്തി​ ​ജി​ല്ല​യെ​ ​സ​മ്പൂ​ർ​ണ്ണ​ ​വാ​ക്‌​സി​നേ​ഷ​ൻ​ ​നേ​ടി​യ​ ​ജി​ല്ല​ ​എ​ന്ന​ ​ല​ക്ഷ്യ​ത്തി​ലെ​ത്തി​ക്കാ​ൻ​ ​ഏ​വ​രും​ ​സ​ഹ​ക​രി​ക്ക​ണം.​ ​വാ​ക്‌​സി​ൻ,​ ​അ​ണു​ബാ​ധ​യി​ൽ​ ​നി​ന്ന് ​സം​ര​ക്ഷി​ക്കും.​ ​വാ​ക്സി​ൻ​ ​രോ​ഗം​ ​ഗു​രു​ത​ര​മാ​കാ​നു​ള്ള​ ​സാ​ദ്ധ്യ​ത​യും,​ ​മ​ര​ണ​ത്തി​ന്റെ​ ​തോ​തും​ ​ഗ​ണ്യ​മാ​യി​ ​കു​റ​യ്ക്കും.​ ​

ഡോ.​ ​കെ.​ജെ.​ ​റീ​ന​

ജി​ല്ലാ​ ​മെ​ഡി​ക്ക​ൽ​ ​ഓ​ഫീ​സർ