ശബരിമല: മണ്ഡല - മകര വിളക്കിന് മുന്നോടിയായി അഗ്നിരക്ഷാ വകുപ്പ് നിലയ്ക്കൽ മുതൽ സന്നിധാനം വരെ പരിശോധന നടത്തി. അയ്യപ്പഭക്തരുടെ സുരക്ഷയ്ക്കായി ഏർപ്പെടുത്തേണ്ട മുൻകരുതലുകളും കൊവിഡ് പശ്ചാത്തലത്തിൽ ഡ്യൂട്ടി നോക്കുന്ന ജീവനക്കാർക്കായി ഏർപ്പെടുത്തേണ്ട ക്രമീകരണങ്ങളുമാണ് പരിശോധിച്ചത്. റിപ്പോർട്ട് ഡയറക്ടർ ജനറലിനും ജില്ലാ കളക്ടർക്കും നൽകുമെന്ന് ജില്ലാ ഫയർ ഓഫീസർ ഹരികുമാർ പറഞ്ഞു. അടൂർ സ്റ്റേഷൻ ഓഫീസർ വി. വിനോദ് കുമാർ, പത്തനംതിട്ട അസിസ്റ്റന്റ് സ്റ്റേഷൻ ഓഫീസർ അജിത് കുമാർ എന്നിവർ പരിശോധനാ സംഘത്തിൽ ഉണ്ടായിരുന്നു. സന്നിധാനത്ത് തിരുമുറ്റത്തേയും അരവണ പ്ലാന്റ്, പിൽഗ്രിം സെന്ററുകൾ, ഹോട്ടലുകൾ എന്നിവിടങ്ങളിലെയും സുരക്ഷാ സാഹചര്യങ്ങൾ സംഘം വിലയിരുത്തി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |