ന്യൂഡൽഹി : ഇൻഷ്വറൻസ് പരിരക്ഷയുളള തൊഴിലാളികളുടെ മക്കൾക്ക് സംവരണം ചെയ്തിട്ടുളള മെഡിക്കൽ സീറ്റിലേയ്ക്ക് ഐ.പി വാർഡ് സർട്ടിഫിക്കറ്റിന് വേണ്ടി അപേക്ഷിക്കാനുള്ള സമയപരിധി നീട്ടണമെന്നാവശ്യപ്പെട്ട് എൻ.കെ. പ്രേമചന്ദ്രൻ എം.പി കേന്ദ്ര തൊഴിൽ മന്ത്രിക്കും, ഇ.എസ്.ഐ.സി. ഡയറക്ടർ ജനറലിനും ഇമെയിൽ നിവേദനം നല്കി. ഈ മാസം 13ന് പ്രസിദ്ധീകരിച്ച വിജ്ഞാപന പ്രകാരം 15 മുതൽ 20 വരെയുള്ള തീയതിക്കുളളിൽ അപേക്ഷ സമർപ്പിച്ചിരിക്കണമെന്നാണ് നിർദ്ദേശം. 5 ദിവസം കൊണ്ട് ആവശ്യമായ സർട്ടിഫിക്കറ്റുകൾ സഹിതം അപേക്ഷ നൽകുക എന്നുളളത് ഇന്നത്തെ സാഹചര്യത്തിൽ ദുഷ്‌കരമാണെന്നും അദ്ദേഹം പറഞ്ഞു.