തിരുവനന്തപുരം: കേരളത്തിന്റെ സാഹോദര്യവും മതസൗഹാർദ്ദവും നിലനിറുത്താൻ ഇന്നലെ തലസ്ഥാനത്ത് ചേർന്ന വിവിധ മത മേലധക്ഷ്യന്മാരുടെ യോഗം ആഹ്വാനം ചെയ്തു. മറ്റു സമൂഹങ്ങൾക്ക് മുറിവേൽക്കാതിരിക്കാൻ എല്ലാവരുടെയും ഭാഗത്തു നിന്ന് ശ്രദ്ധയും കരുതലും ഉണ്ടാകണമെന്നാണ് യോഗത്തിൽ പൊതുവായുണ്ടായ നിർദ്ദേശമെന്ന് കർദിനാൾ മാർ ബസേലിയോസ് ക്ലിമ്മിസ് പിന്നീട് വാർത്താ സമ്മേളനത്തിൽ പറഞ്ഞു. പാലാ ബിഷപ്പിന്റെ വിവാദ പ്രസ്താവനയെ തുടർന്നാണ് യോഗം വിളിച്ചതെങ്കിലും, ബിഷപ്പ് മാപ്പ് പറയണമെന്ന മുസ്ലിം സംഘടനകളുടെ ആവശ്യത്തെക്കുറിച്ച് ഈ സമിതിയിൽ തീരുമാനമെടുക്കാൻ കഴിയില്ല. സമുദായ സ്പർദ്ധകളുണ്ടാകുന്നത് സമൂഹത്തിന്റെ താഴെത്തട്ടിലാണ്.അതിനാൽ പ്രാദേശികമായി ഇത്തരം ഫോറങ്ങൾ ഉണ്ടാക്കണമെന്ന അഭിപ്രായമാ് ചർച്ചയിലുണ്ടായതെന്നും അദ്ദേഹം പറഞ്ഞു.

എല്ലാ മതനേതാക്കളും ഒരുമിച്ചിരുന്നാൽ ഏതുവിഷയവും ചർച്ച ചെയ്ത് പരിഹരിക്കാമെന്ന് പാണക്കാട് മുനവറലി ശിഹാബ് തങ്ങൾ പറഞ്ഞു. സഹവർത്തിത്വം വീണ്ടെടുക്കാനും മുറിവുണക്കാനുമാണ് യോഗം വിളിച്ചത് . ആരെയെങ്കിലും അപലപിക്കാൻ വേണ്ടിയല്ല . താൻ കുടുംബത്തെ പ്രതിനിധീകരിച്ചാണ് എത്തിയതെങ്കിലും, മുസ്ലിം ലീഗും സമസ്തയുമെല്ലാം ഇതിനെ അനുകൂലിച്ചിട്ടുണ്ടെന്നും അദ്ദേഹം പറഞ്ഞു.

എല്ലാ മതമേലദ്ധ്യന്മാരും അവരുടെ നിലപാടുകളിൽ ഊന്നി നിന്നുകൊണ്ട് സമാധാനപരമായ അന്തരീക്ഷത്തിന് ശ്രമിക്കുമെന്ന് സ്വാമി ഗുരുരത്‌നം ജ്ഞാനതപസ്വി പറഞ്ഞു. സ്വാമി സൂക്ഷ്മാനന്ദ, ആർച്ച് ബിഷപ്പ് സൂസപാക്യം,ബിഷപ്പ് ജോസഫ് മാർ ബർണബാസ്‌, ബിഷപ്പ് ഗബ്രിയേൽ മാർ ഗ്രിഗോറിയോസ്,ബിഷപ്പ് മാത്യുസ് മാർ അന്തിമോസ്, ഡോ .വി.പി സുഹൈബ് മൗലവി, ഡോ .ഹുസൈൻ മടവൂർ, കരമന ബയാർ , സ്വാമി അശ്വതി തിരുനാൾ, അൽഅമീൻ ബീമാപള്ളി, അഷ്‌റഫ് കടയ്ക്കൽ എന്നിവരും പങ്കെടുത്തു.

 സ​മ​സ്ത​യും​ ​ച​ങ്ങ​നാ​ശേ​രി ബി​ഷ​പ്പും​ ​വി​ട്ടു​നി​ന്നു

പാ​ലാ​ ​ബി​ഷ​പ്പി​ന്റ​ ​വി​വാ​ദ​ ​പ്ര​സ്‌​താ​വ​ന​യി​ൽ​ ​പ്ര​ത്യ​ക്ഷ​ത്തി​ൽ​ ​എ​തി​ർ​പ്പ് ​പ്ര​ക​ടി​പ്പി​ച്ച​ ​സു​ന്നി​ ​സം​ഘ​ട​ന​ക​ളാ​യ​ ​സ​മ​സ്‌​ത​യു​ടെ​ ​ര​ണ്ടു​ ​വി​ഭാ​ഗ​ത്തി​ൽ​ ​നി​ന്നു​ള്ള​വ​രും​ ​യോ​ഗ​ത്തി​ൽ​ ​നി​ന്നും​ ​വി​ട്ടു​നി​ന്നു.​ ​കാ​ന്ത​പു​രം​ ​വി​ഭാ​ഗ​ത്തി​ൽ​ ​നി​ന്നും​ ​ഇ.​കെ.​ ​വി​ഭാ​ഗ​ത്തി​ൽ​ ​നി​ന്നു​മു​ള്ള​ ​നേ​താ​ക്ക​ൾ​ ​എ​ത്തു​മെ​ന്നാ​ണ് ​പ്ര​തീ​ക്ഷി​ച്ച​തെ​ങ്കി​ലും​ ​എ​ത്തി​യി​ല്ല.​ ​ജ​മാ​അ​ത്തെ​ ​ഇ​സ്ലാ​മി​ ,​ ​ദ​ക്ഷി​ണ​ ​കേ​ര​ള​ ​ജം​മി​യ​ത്തു​ൽ​ ​ഉ​ല​മ​ ​എ​ന്നീ​ ​സം​ഘ​ന​ക​ളി​ൽ​ ​നി​ന്നു​ള്ള​ ​നേ​താ​ക്ക​ളും​ ​എ​ത്തി​യി​ല്ല.​എ​ന്നാ​ൽ​ ​കേ​ര​ള​ ​ന​ദ്വ​ത്തു​ൽ​ ​മു​ജാ​ഹി​ദ് ​സം​ഘ​ട​ന​യു​ടെ​ ​പ്ര​തി​നി​ധി​ ​പ​ങ്കെ​ടു​ത്തു.​ ​പാ​ലാ​ ​ഉ​ൾ​ക്കൊ​ള്ളു​ന്ന​ ​ച​ങ്ങ​നാ​ശേ​രി​ ​അ​തി​രൂ​പ​ത​ ​ആ​ർ​ച്ച് ​ബി​ഷ​പ്പ് ​ജോ​സ​ഫ് ​പെ​രു​ന്തോ​ട്ടം​ ​എ​ത്തു​മെ​ന്നാ​ണ് ​ആ​ദ്യം​ ​അ​റി​യി​ച്ച​തെ​ങ്കി​ലും​ ,​പി​ന്നീ​ട് ​ഒ​ഴി​വാ​യി.