കൊച്ചി: ഇന്ത്യൻ ക്രിക്കറ്റ് ക്യാപ്ടൻ വിരാട് കൊഹ്ലി ഉപയോഗിച്ചിരുന്ന ലംബാർഗിനി കാർ കൊച്ചിയിൽ വില്പനയ്ക്കെത്തി. കൊച്ചിയിലെ ആഡംബര കാറുകൾ വിൽക്കുന്ന ഒരു യൂസ്ഡ് കാർ ഷോറൂമിലാണ് ഈ വാഹനം നിലവിൽ വില്പനയ്ക്ക് എത്തിയിരിക്കുന്നത്. ലംബോർഗിനിയുടെ ഗലാർഡോ സീരീസിലുള്ള സ്പൈഡർ മോഡൽ വാഹനമാണ് വില്പനയ്ക്കെത്തിയിട്ടുള്ളത്. 2013 മോഡൽ വാഹനം 2015ലാണ് കൊഹ്ലി സ്വന്തമാക്കുന്നത്. അധികം നാൾ കഴിയുന്നതിനു മുമ്പ് തന്നെ ഈ വാഹനം കൊഹ്ലി വിൽക്കുകയും ചെയ്തു.
എൽ പി 560 - 4 മോഡൽ വാഹനത്തിന് നാലു സെക്കൻഡിനുള്ളിൽ മണിക്കൂറിൽ 100 കിലോമീറ്റർ വേഗത കൈവരിക്കാൻ സാധിക്കും. മണിക്കൂറിൽ 324 കിലോമീറ്റർ വരെ വേഗത്തിൽ സഞ്ചരിക്കാൻ ലംബോർഗിനിയുടെ ഈ വാഹനത്തിന് സാധിക്കും. 5.2 ലിറ്റർ വി 10 എൻജിൻ ഉത്പാദിപ്പിക്കുന്ന 560 പി എസ് പവറാണ് ഇത്രയേറെ വേഗത്തിൽ സഞ്ചരിക്കാൻ ഈ വാഹനത്തെ സഹായിക്കുന്നത്. പതിനായിരം കിലോമീറ്ററിന് ഉള്ളിൽ മാത്രം ഓടിയിട്ടുള്ള ഈ വാഹനം 1.35 കോടി രൂപയ്ക്കാണ് നിലവിൽ വില്പനയ്ക്ക് വച്ചിരിക്കുന്നത്. കൊൽക്കത്തയിലെ ലക്ഷ്വറി സെക്കൻഡ് ഹാൻഡ് വാഹനങ്ങൾ വിൽക്കുന്ന ഒരു സ്ഥാപനത്തിൽ നിന്നുമാണ് ഈ വാഹനം ഇപ്പോൾ കൊച്ചിയിലെത്തിയിരിക്കുന്നത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |