SignIn
Kerala Kaumudi Online
Wednesday, 27 October 2021 9.23 PM IST

ഉത്തരേന്ത്യയിൽ നടത്തുന്ന തട്ടിപ്പ് മലയാളിയുടെ മുന്നിൽ നടക്കില്ലെന്ന് റെയിൽവേക്ക് മനസിലായി, ട്രെയിനിൽ കുടിവെള്ളത്തിന് അമിത ചാർജ് ഈടാക്കിയതിന് കിട്ടിയത് മുട്ടൻ പണി

indian-railway

കൊല്ലം: മംഗള - ലക്ഷദ്വീപ് എക്സ്പ്രസ് ട്രെയിനിൽ കുടിവെള്ളത്തിന് അമിത ചാർജ് ഈടാക്കിയതിന് മലയാളി യാത്രക്കാരൻ ഐ ആർ ടി സി കരാറുകാരന് നൽകിയത് എട്ടിന്റെ പണി. തന്റെ കമ്പാർട്ട്മെന്റിലുള്ളവർക്കെല്ലാം സൗജന്യമായി ഓരോ കുപ്പി വെള്ളം നൽകണമെന്നുള്ള ആവശ്യം കരാറുകാരന് ഒടുവിൽ സമ്മതിക്കേണ്ടതായി വന്നു. കൊല്ലം ചവറ സ്വദേശിയായ അരുൺകുമാറാണ് ഐ ആർ ടി സി കരാറുകാരനെ ഒരു പാഠം പഠിപ്പിച്ചത്.

ഇന്നലെ ഡൽഹിയിലെ ഹസ്രത്ത് നിസാമുദീനിൽ നിന്നും എറണാകുളത്തേക്കുള്ള മംഗള എക്സ്പ്രസിൽ യാത്ര ചെയ്യുകയായിരുന്ന അരുൺകുമാറിൽ നിന്നും ഒരു കുപ്പി വെള്ളത്തിന് ഇരട്ടിയോളം തുകയാണ് കാറ്ററിംഗ് ജീവനക്കാർ ഈടാക്കിയത്. ഉടൻ തന്നെ ഐ ആർ ടി സി സൈറ്റിൽ കയറി വില വിവരം നോക്കിയ അരുൺകുമാർ തന്നിൽ നിന്നും അമിത നിരക്ക് ഈടാക്കിയെന്ന് കാണിച്ച് പരാതി രജിസ്റ്റർ ചെയ്തു. ഉടൻ പ്രതികരിച്ച റെയിൽവേയുടെ നിർദേശാനുസരണം ഒത്തുതീർപ്പിനെത്തിയ കരാറുകാരൻ അരുൺകുമാറിന്റെ കയ്യിൽ നിന്നും അമിതമായി വാങ്ങിയ തുക തിരിച്ചു നൽകാമെന്നും പ്രശ്നം വഷളാക്കരുതെന്നും അഭ്യർത്ഥിച്ചു. തന്നിൽ നിന്നും മാത്രമല്ല ആ കമ്പാർട്ട്മെന്റിലെ എല്ലാ യാത്രക്കാരിൽ നിന്നും കുടിവെള്ളത്തിന് അമിത തുക ഈടാക്കിയെന്ന് മനസിലാക്കിയ അരുൺകുമാർ, എല്ലാ യാത്രക്കാർക്കും ഓരോ കുപ്പി വെള്ളം സൗജന്യമായി നൽകിയാൽ മാത്രമേ താൻ ഒത്തു തീർപ്പിന് തയ്യാറാകുകയുള്ളൂവെന്ന് കരാറുകാരനെ അറിയിച്ചു. നിവൃത്തിയില്ലാതെ ഇതിനു വഴങ്ങിയ കരാറുകാരൻ ആ കമ്പാർട്ട്മെന്റിലെ എല്ലാ യാത്രക്കാർക്കും ഓരോ കുപ്പി വെള്ലം സൗജന്യമായി നൽകി പ്രശ്നം അവസാനിപ്പിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: INDIAN RAILWAY, IRTC, OVER PRICE, MANGALA EXPRESS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.