കൊൽക്കത്ത : ഇന്നലെ നടന്ന ക്വാർട്ടർ ഫൈനലിൽ ആർമി ഗ്രീനിനെ രണ്ടിനെതിരെ മൂന്നുഗോളുകൾക്ക് കീഴടക്കി ബെംഗളുരു എഫ്.സി ഡുറൻഡ് കപ്പ് ഫുട്ബാളിന്റെ സെമിഫൈനലിലെത്തി.

ഒൻപതാം മിനിട്ടിൽ ലല്ലാം കിമയിലൂടെ ആർമിയാണ് ആദ്യം സ്കോർ ചെയ്തത്.20-ാം മിനിട്ടിൽ മുയിരംഗിലൂടെ സമനില പിടിച്ച ബെംഗളുരുവിനായി 47-ാം മിനിട്ടിൽ ലിയോൺ അഗസ്റ്റിനും ,74-ാംമിനിട്ടിൽ നംഗ്യാൽ ബൂട്ടിയയും സ്കോർ ചെയ്തു. 89-ാം മിനിട്ടിൽ ടി.വി വിബിന്റെ ഗോളിലൂടെ ആർമി വീണ്ടും ആരവമുയർത്തിയെങ്കിലും ബെംഗളുരുവിന്റെ സെമി പ്രവേശനം തടയാനായില്ല.