കോട്ടയം: വിവരാവകാശ നിയമം അനുസരിച്ച് അപേക്ഷ കൊടുക്കുന്നവർക്ക്, വിവരം ലഭ്യമല്ല എന്ന മറുപടി കൊടുക്കുന്ന രീതി തുടരുന്നത് നിയമവിരുദ്ധമാണെന്ന് കേരള കോൺഗ്രസ് വർക്കിംഗ് ചെയർമാൻ പി.സി.തോമസ് അഭിപ്രായപ്പെട്ടു. വിവരാവകാശ നിയമപ്രകാരം അപേക്ഷ കിട്ടുമ്പോൾ, വിവരം ലഭ്യമല്ലെങ്കിൽ ഏത് ഓഫീസിലാണോ ആ വിവരം ലഭ്യമാകുന്നത്, ആ ഓഫീസിലേക്ക് അവിടെനിന്നു തന്നെ അയച്ചു കൊടുക്കണമെന്നും, ആ വിവരം അപേക്ഷകനെ അറിയിക്കണമെന്നുമാണ് വിവരാവകാശ നിയമത്തിന്റെ 6(3)വകുപ്പ് വ്യക്തമാക്കുന്നത്. ഒഴിഞ്ഞു മാറുന്ന രീതി പല ഓഫീസുകളും അവലംബിക്കുന്നതിന് സർക്കാർ ഇടപെട്ട് അടിയന്തര പരിഹാരം ഉണ്ടാക്കണമെന്ന് തോമസ് ആവശ്യപ്പെട്ടു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |