കുറ്റ്യാടി: നെൽകൃഷി എന്നും ഒരു 'ചടങ്ങ് 'തന്നെയാണ്. നിലമൊരുക്കണം, വിത്തുപാകി മുളപ്പിച്ച് ഞാറാക്കണം, പാടം പാകമായാൽ ഞാറു നടണം... അങ്ങനെ നൂറുകൂട്ടം കാര്യങ്ങൾ. എന്നാൽ ഇതൊന്നുമില്ലാതെ കൊയ്യാൻ പാകമായ കതിരുകൾ തലയാട്ടി നിൽക്കുന്ന കാഴ്ചയുണ്ട് മൊകേരിയിൽ. കുറ്റ്യാടി- നാദാപുരം റോഡിൽ മൊകേരി ടൗണിനടുത്താണ് റോഡിനോട് ചേർന്ന സ്ഥലത്ത് നെൽച്ചെടികൾ കതിരണിഞ്ഞു നിൽക്കുന്നത്. അന്യസംസ്ഥാനങ്ങളിൽ നിന്ന് കൊണ്ടുവരുന്ന വൈക്കോൽ കെട്ടിലെ നെൽമണികൾ വീണ് മുളച്ചുണ്ടായതാണ് ഈ നെൽച്ചെടികൾ. വലിയ ലോറികളിൽ കൊണ്ടുവരുന്ന വൈക്കോൽ ചെറിയ വാഹനങ്ങളിലേക്ക് മാറ്റിയിരുന്നത് ഇവിടെവച്ചായിരുന്നു. അതിനിടെ വീണ വൈക്കോലിലെ നെൽമണികൾ മുളച്ച് ചെടിയാവുകയായിരുന്നു. നെൽമണികൾ പെറുക്കാൻ പക്ഷികൾ കൂട്ടമായെത്തുന്നത് ഇവിടുത്തെ കൗതുക കാഴ്ചയാണെങ്കിലും കതിരണിഞ്ഞുനിൽക്കുന്ന നെൽച്ചെടികൾ ഇതാദ്യമായാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |