അഞ്ചൽ: അഞ്ചൽ ടൗൺ ലയൺസ് ക്ലബ് 25-ാം വാർഷിക ദിനാചരണവും കുടുംബ സംഗമവും റോയൽ ഓഡിറ്റോറിയത്തിൽ നടന്നു. ക്ലബ് പ്രസിഡന്റ് എം. നിർമ്മലൻ അദ്ധ്യക്ഷത വഹിച്ചു. അഞ്ചൽ സെന്റ് ജോൺസ് കോളേജ് മുൻ പ്രിൻസിപ്പൽ പ്രൊഫ. കെ.വി. തോമസ് കുട്ടി മുഖ്യപ്രഭാഷണം നടത്തി. സെക്രട്ടറി എം. രാജൻ കുഞ്ഞ് റിപ്പോർട്ട് അവതരിപ്പിച്ചു. ട്രഷറർ വി.എൽ. അനിൽകുമാർ, സി.എൽ.എൽ പ്രസിഡന്റ് രാധാമണി ഗുരുദാസ്, ജി. രാജേന്ദ്രൻപിള്ള, ഡോ. ശ്രീകുമാർ, കെ. ശ്രീധരൻ, രചന ഗ്രാനൈറ്റ്സ് എം.ഡി. കെ. യശോധരൻ, കെ. ദേവേന്ദ്രൻ, ബിജുകുമാർ അ‌ഞ്ചൽ, എൻജിനീയർ എസ്. ബിനു എന്നിവർ സംസാരിച്ചു. മികച്ച പ്രവർത്തനത്തിന് പത്രാധിപർ അവാർഡ് ലഭിച്ച കേരള കൗമുദി അഞ്ചൽ ലേഖകൻ അഞ്ചൽ ബി. ജഗദീശനെ ചടങ്ങിൽ അനുമോദിച്ചു. ക്ലബ്ബിന്റെ സ്ഥാപക അംഗങ്ങളായ റിട്ട. ഡി.എഫ്.ഒ വി.എൻ. ഗുരുദാസ്, കെ. യശോധരൻ, പി. അരവിന്ദൻ, ഡി. കൃഷ്ണൻകുട്ടി, പി.ടി. കുഞ്ഞുമോൻ, ഡി. ശശിധരൻ, കെ. ദേവേന്ദ്രൻ, ഡോ. ശ്രീകുമാർ എന്നിവരെ ചടങ്ങിൽ ആദരിച്ചു.