കൊല്ലം: ഡോക്ടർമാരോടും ആരോഗ്യ പ്രവർത്തകരോടും മോശമായി പെരുമാറുന്നത് ദുഷിച്ച പ്രവണതയാണെന്നും അവരെ ആരോഗ്യ മേഖലയിൽ വൈദഗ്ദ്ധ്യമുള്ളവരായി കണ്ട് ബഹുമാനിക്കണമെന്നും അസി. കളക്ടർ ഡോ. അരുൺ എസ്. നായർ പറഞ്ഞു. ആരോഗ്യ പ്രവർത്തകരുടെയും ആരോഗ്യമേഖലയുടെയും വില മനസിലായ കാലത്തിൽ കൂടിയാണ് നാം കടന്നുപോകുന്നത്. ഹൃദയം എന്നത് സ്നേഹത്തിന്റെയും ബന്ധങ്ങളുടെയും ചിഹ്നം കൂടിയാണ്. അതിനാൽ ജാതിമത ചിന്തകൾക്കപ്പുറം ബന്ധങ്ങളുടെ സാമൂഹിക പ്രാധാന്യം കൂടി ഓരോ ഹൃദയ ദിനത്തിനുമുണ്ട്. അത്തരം ചിന്തകൾ കൂടി ബോധവത്കരണത്തിന്റെ ഭാഗമായി ഉയർന്നുവരണം. താൻ ഡോക്ടറായ ശേഷമാണ് ഐ.എ.എസ് പദവിയിലെത്തിയതെന്നും അദ്ദേഹം പറഞ്ഞു.