SignIn
Kerala Kaumudi Online
Wednesday, 18 May 2022 11.02 PM IST

മോൻസൺ മാവുങ്കലിന്റെ ചെമ്പോല താൻ നൽകിയതെന്ന് പുരാവസ്തു വില്പനക്കാരൻ

gopal

തൃശൂർ: മോൻസൺ മാവുങ്കലിന്റെ കൈവശമുള്ള ചെമ്പോല നൽകിയത് താനാണെന്നും സിനിമാ സംബന്ധമായ ആവശ്യത്തിനാണ് വില്പന നടത്തിയതെന്നും അവകാശപ്പെട്ട് പുരാവസ്തു വില്പനക്കാരൻ. ചെമ്പോലയിൽ ശബരിമല ക്ഷേത്രത്തിന്റെ അധികാരം സംബന്ധിച്ച് ഒന്നുമില്ലെന്നും വഴിപാടുകളെപ്പറ്റിയാണ് പറയുന്നതെന്നും തൃശൂർ വെളിയന്നൂർ സ്വദേശി ഗോപാൽ മാദ്ധ്യമങ്ങളോട് പറഞ്ഞു. ശബരിമലയിൽ നാളികേരം ഉടയ്ക്കാനും എടുക്കാനുമുള്ള അവകാശം ഒരാൾക്ക് കൈമാറുന്നത് വ്യക്തമാക്കുന്നതാണ് ചെമ്പോല. ഇരുന്നൂറ് കൊല്ലം പഴക്കമുള്ള ചെമ്പോലയാണ് അത്. മൂന്നുകൊല്ലം മുൻപാണ് തന്റെ കൈയിൽ എത്തിയത്. കോലെഴുത്തിലായതിനാൽ സാധാരണക്കാർക്ക് ചെമ്പോല വായിക്കാൻ കഴിയില്ല. സന്തോഷ് എന്ന വ്യക്തിയാണ് സിനിമയ്ക്ക് വേണ്ടി തന്റെ കൈയിൽ നിന്ന് വാങ്ങിയത്. എത്ര രൂപയ്ക്കാണ് നൽകിയതെന്ന് ഓർമ്മയില്ല. ഇതിൽ വിവാദമാക്കാൻ മാത്രം എന്താണുള്ളതെന്ന് അറിയില്ല. തൃശൂർ ഫിലാറ്റലിക് ക്ലബിൽ വച്ച് കാലപ്പഴക്കം തോന്നിയത് കൊണ്ടാണ് ഒരാളിൽ നിന്ന് ചെമ്പോല വാങ്ങിയത്. ക്ലബ് അംഗമായ ഒരു പുരാവസ്തു വിദഗ്ദ്ധനും ചെമ്പോല പരിശോധിച്ച് ആധികാരികത ഉറപ്പുവരുത്തിയിരുന്നു. ചെമ്പോല മോൻസന്റെ കൈയിലെത്തിയത് അറിഞ്ഞിരുന്നില്ല. മോൻസണുമായി നേരിട്ട് ഇടപാടൊന്നുമില്ല. വർഷങ്ങളായി പുരാവസ്തുക്കളുടെ വില്പനക്കാരനാണ് ഗോപാൽജി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MONSON
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.