SignIn
Kerala Kaumudi Online
Friday, 29 March 2024 6.37 AM IST

ഹർഭജനും സച്ചിനും വേണമെങ്കിൽ ചെയ്തോട്ടെ, പക്ഷെ തനിക്ക് ഈ പണി പറ്റില്ലെന്ന് ധോണി

mahendra-singh-dhoni

മുംബയ്: നിരവധി ക്രിക്കറ്റ് താരങ്ങൾ കളിക്കളത്തിൽ നിന്ന് വിരമിച്ച ശേഷം അഭിനയരംഗത്ത് തങ്ങളുടെ ഭാഗ്യം പരീക്ഷിച്ചിട്ടുണ്ട്. എന്നാൽ താനതിന് ഒരുക്കമല്ലെന്നാണ് മുൻ ഇന്ത്യൻ ക്യാപ്ടനും ചെന്നൈ സൂപ്പർ കിംഗ്സ് നായകനുമായ മഹേന്ദ്ര സിംഗ് ധോണി പറയുന്നത്. അഭിനയം തനിക്ക് പറ്റിയ പണിയല്ലെന്നും ഏതാനും ചില പരസ്യചിത്രങ്ങളിൽ അഭിനയിച്ചുവെങ്കിലും സിനിമ പോലുള്ള വമ്പൻ സംരംഭങ്ങളിൽ അഭിനയിക്കാനുള്ള കഴിവൊന്നും തനിക്കില്ലെന്ന് ധോണി പറഞ്ഞു. അഭിനയത്തിന്രെ കാര്യത്തിൽ താൻ കുറച്ചെങ്കിലും അടുത്തെത്തുന്നത് പരസ്യ ചിത്രങ്ങളിലാണ്. എന്നാൽ ബോളിവുഡ് അങ്ങനെയല്ല. അഭിനയിക്കാൻ അറിയാവുന്ന നിരവധി പേർ ഇന്ന് രാജ്യത്തുണ്ട്. അവരുടെ പണി അവര് ചെയ്യട്ടെയെന്നും ധോണി പറഞ്ഞു.

ധോണിയുടെ ജീവിതകഥ സിനിമയാക്കിയപ്പോൾ അന്തരിച്ച നടൻ സുശാന്ത് സിംഗ് രജ്പുത്ത് ആയിരുന്നു നായകനായി എത്തിയത്. എന്നാൽ സച്ചിൻ ടെൻഡുൽക്കറിന്റെ ജീവചരിത്രം ഡോക്യുമെന്ററി രൂപത്തിൽ പുറത്തിറങ്ങിയപ്പോൾ സച്ചിനും അതിൽ പ്രത്യക്ഷപ്പെട്ടിരുന്നു. കൂടാതെ ഈയടുത്ത് മുൻ ഇന്ത്യൻ സ്പിന്നർ ഹർഭജൻ സിംഗ് ഒരു തമിഴ് ചിത്രത്തിൽ അഭിനയിച്ചിരുന്നു. ക്രിക്കറ്റർമാരായ ബ്രെറ്റ് ലീ, വിനോദ് കാംബ്ലി, അജയ് ജഡേജ, കപിൽ ദേവ് എന്നിവരും സിനിമയിൽ അഭിനയിച്ചിട്ടുള്ളവരാണ്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, SPORTS, MAHENDRA SINGH DHONI, SACHIN TENDULKAR, HARBHAJAN SINGH, BOLLYWOOD, CINEMA
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.