തൃശൂർ: ഗവൺമെന്റ് ഏജൻസി ഇടപാടുകൾ നടത്താൻ ധനലക്ഷ്മി ബാങ്കിന് റിസർവ് ബാങ്കിന്റെ അനുമതി. ഇതിനുള്ള ധാരണാപത്രത്തിൽ റിസർവ് ബാങ്കും ധനലക്ഷ്മി ബാങ്കും ഒപ്പുവച്ചു. കേന്ദ്ര-സംസ്ഥാനങ്ങൾക്കായി നികുതികൾ സ്വീകരിക്കുക, പെൻഷൻ വിതരണം, സർക്കാർ ചെറുകിട നിക്ഷേപ പദ്ധതികളിൽ ഉപഭോക്താക്കൾക്ക് സേവനം നൽകുക, സ്റ്റാമ്പ് ഡ്യൂട്ടി സ്വീകരിക്കുക തുടങ്ങിയ സേവനങ്ങളാണ് ധനലക്ഷ്മി ബാങ്ക് ഇതുവഴി ലഭ്യമാക്കുക.
15 സംസ്ഥാനങ്ങളിലായുള്ള 245 ശാഖകളിലൂടെയും ഡിജിറ്റൽ ബാങ്കിംഗിലൂടെയും ഉപഭോക്തൃ ആവശ്യങ്ങൾ നിറവേറ്റാൻ ഈ അംഗീകാരം സഹായകമാകുമെന്ന് മാനേജിംഗ് ഡയറക്ടറും സി.ഇ.ഒയുമായ ജെ.കെ. ശിവൻ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |