തിരുവനന്തപുരം: സ്ത്രീധനമെന്ന സാമൂഹിക തിന്മയെക്കുറിച്ച് പൊതുജനങ്ങളിൽ അവബോധം സൃഷ്ടിക്കുന്നതിന് എ.പി.ജെ. അബ്ദുൾ കലാം സാങ്കേതിക സർവകലാശാല എൻജിനിയറിംഗ് വിദ്യാർത്ഥികൾക്കായി 'സ്ത്രീധനത്തോട് നോ പറയാം' എന്ന വിഷയത്തിൽ പോസ്റ്റർ ഡിസൈൻ മത്സരം നടത്തും.

എ 4 സൈസ് പേപ്പറിലാണ് പോസ്റ്ററുകൾ വരക്കേണ്ടത്. ആവശ്യമെങ്കിൽ ഡിസൈൻ ഉപകരണങ്ങൾ ഉപയോഗിക്കാം. ഓരോ കോളേജുകൾക്കും pro@ktu.edu.in എന്ന മെയിലിലേക്ക് മികച്ച മൂന്ന് പോസ്റ്ററുകൾ അയയ്ക്കാം. അവസാന തീയതി ഒക്ടോബർ 13.