SignIn
Kerala Kaumudi Online
Tuesday, 24 May 2022 1.26 AM IST

മലയോരത്ത് കനത്തമഴ

mazha

കോന്നി: കനത്ത മഴയെ തുടർന്നു അച്ചൻകോവിൽ, കല്ലാർ നദികൾ ജലനിരപ്പുയർന്നു. മലയോര മേഖലയിൽ പലയിടത്തും വൈദ്യുതി ബന്ധങ്ങൾ തകരാറിലായി. തുടർച്ചയായി മഴ പെയ്യുന്നതിനാൽ പലയിടത്തും മണ്ണിടിച്ചിൽ ഭീഷിണി നിലനിൽക്കുന്നു. ഇന്നലെ ഉച്ചകഴിഞ്ഞു പെയ്ത മഴയിൽ പലയിടങ്ങളിലും വെള്ളം കയറി. ശക്തമായ മഴവെള്ള പാച്ചിലിനെ തുടർന്ന് കൂടൽ ജംഗ്ഷനിൽ വെള്ളം കയറി . പുനലൂർ - മുവാറ്റുപുഴ സംസ്ഥാനപാതയിൽ ഗതാഗതം തടസപ്പെട്ടു. ഇവിടുത്തെ വ്യാപാര സ്ഥാപനങ്ങളിലും വെള്ളം കയറി. കൂടൽ വലിയതോട് കരകവിഞ്ഞതിനെ തുടർന്ന് കലഞ്ഞൂർ കുറ്റുമണ്ണിലും വീടുകളിൽ വെള്ളം കയറി. മഴവെള്ളത്തിൽ ഒലിച്ചു വന്ന പാമ്പ്‌ കൂടൽ ജംഗ്ഷനിലെ പച്ചക്കറി കടയിൽ കയറിയത് പരിഭ്രാന്തിക്ക് കാരണമായി. കിഴക്കുപുറത്തു തോട്ടിൽ മട വീണ് വയലിലേക്ക് വെള്ളം കയറി. വെട്ടൂർ , അട്ടച്ചാക്കൽ, വകയാർ പ്രദേശങ്ങളിലും വയലിൽ വെള്ളം കയറി. പുനലൂർ - മുവാറ്റുപുഴ സംസ്ഥാനപാതയിലെ വകയാർ കരിക്കുടുക്കയിൽ റോഡിൽ വെള്ളം കയറി. കഴിഞ്ഞ മഴയിൽ വീടിന്റെ സംരക്ഷണ ഭിത്തി തകർന്ന വകയാർ കൊല്ലൻപടി മണികണ്ഠവിലാസത്തിൽ ഷാജിയുടെ വീട് അപകടാവസ്ഥയിലായി. ഇടത്തറ, രാധാപടി തുടങ്ങിയ പ്രദേശങ്ങളിലും വയലുകളിൽ വെള്ളം കയറിയിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PATHANAMTHITTA
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.