SignIn
Kerala Kaumudi Online
Monday, 25 October 2021 12.46 PM IST

ഇരകൾക്ക് സംരക്ഷണം: ഡി.ജി.പിയോട് വിശദീകരണം തേടി

court

കൊച്ചി: പീഡനക്കേസുകളിലെ ഇരകളുടെ സംരക്ഷണം എങ്ങനെ ഉറപ്പാക്കാനാവുമെന്ന് ഡി.ജി.പി ഉൾപ്പെടെയുള്ളവർ അറിയിക്കാൻ ഹൈക്കോടതി നിർദ്ദേശിച്ചു. ഇതു സംബന്ധിച്ച് ഡി.ജി.പിയുടെ സർക്കുലർ നിലവിലുണ്ടെങ്കിലും ഇതു ഫലപ്രദമായി നടപ്പാക്കുന്നില്ലെന്നും ഹൈക്കോടതി കുറ്റപ്പെടുത്തി. തൃക്കാക്കര പൊലീസ് സ്റ്റേഷനിലെ സ്റ്റേഷൻ ഹൗസ് ഒാഫീസറും ഒരു സിവിൽ പൊലീസ് ഒാഫീസറും പീഡനക്കേസിലെ പ്രതിക്കുവേണ്ടി ഭീഷണിപ്പെടുത്തുന്നെന്നാരോപിച്ച് ഇരയായ യുവതി നൽകിയ ഹർജിയിൽ ജസ്റ്റിസ് ദേവൻ രാമചന്ദ്രനാണ് ഇൗ നിർദ്ദേശം നൽകിയത്.

പരാതിക്കാരി ബന്ധുവീട്ടിൽ അഭയം തേടിയിരിക്കുകയാണെന്ന് ചൂണ്ടിക്കാട്ടിയ ഹൈക്കോടതി ഇവർക്ക് സംരക്ഷണം നൽകാൻ സിറ്റി പൊലീസ് കമ്മിഷണർക്ക് നിർദ്ദേശം നൽകിയിട്ടുണ്ട്. ആരോപണ വിധേയരെ മാറ്റിനിറുത്തി വനിതകൾ ഉൾപ്പെടെ ഇതര സ്റ്റേഷനുകളിലെ പൊലീസുകാരെ സംരക്ഷണത്തിന് നിയോഗിക്കാവുന്നതാണെന്നും വ്യക്തമാക്കി. പീഡനക്കേസുകളിലെ പ്രതികളും ഇവരുടെ കൂട്ടാളികളും തങ്ങളെ ഭീഷണിപ്പെടുത്തുന്നുണ്ടെന്ന് കാണിച്ച് കോടതിക്ക് നിരന്തരം പരാതികൾ ലഭിക്കുന്നു. ഇരകളുടെ സുരക്ഷക്ക് അടിയന്തര നടപടി ആവശ്യമാണെന്ന് ഹൈക്കോടതി വ്യക്തമാക്കി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COURT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.