SignIn
Kerala Kaumudi Online
Monday, 06 December 2021 4.47 AM IST

യു എന്നിൽ മോദി പറഞ്ഞ വാക്ക് പാലിച്ചു, രാജ്യത്ത് കൊവിഡ് കുറഞ്ഞതോടെ വാക്സിൻ മൈത്രി പുനരാരംഭിച്ചു, ഈ നാല് രാജ്യങ്ങൾക്ക് അയക്കുന്നത് പത്ത് കോടി ഡോസ്

covid-vaccine-

ന്യൂഡൽഹി : കൊവിഡ് രണ്ടാം തരംഗം ആരംഭിച്ചപ്പോൾ താത്കാലികമായി നിർത്തി വച്ച വാക്സിൻ കയറ്റുമതി വീണ്ടും ആരംഭിച്ച് ഇന്ത്യ. ഈ പ്രതിസന്ധിക്കാലത്ത് ലോകരാജ്യങ്ങളെ വാക്സിൻ നൽകി സഹായിക്കുമെന്ന് യു എൻ പൊതുസഭയെ അഭിസംബോധന ചെയ്യവെ ഇന്ത്യൻ പ്രധാനമന്ത്രി ഉറപ്പ് നൽകിയിരുന്നു. ഇതിന് പിന്നാലെയാണ് ഇന്ത്യ വാക്സിൻ മൈത്രി പുനരാരംഭിച്ചത്. ആദ്യ ഘട്ടത്തിൽ ബംഗ്ലാദേശ്, നേപ്പാൾ, മ്യാൻമർ, ഇറാൻ എന്നിവിടങ്ങളിലേക്ക് പത്ത് കോടി വാക്സിനുകളാണ് നൽകുന്നത്. ലോകത്തിലെ ഏറ്റവും വലിയ വാക്സിൻ നിർമ്മാണ സംവിധാനം ഇന്ത്യയിലാണ്. എന്നാൽ രാജ്യത്തിന്റെ ആഭ്യന്തര ആവശ്യം മുൻനിർത്തിയാണ് കഴിഞ്ഞ ഏപ്രിലിൽ കയറ്റുമതി താൽക്കാലികമായി നിർത്തിവച്ചത്.

ലോകാരോഗ്യ സംഘടനയുടെ കോവക്സ് പ്രോഗ്രാമിൽ ഏറ്റവും വലിയ സംഭാവന നൽകുന്ന രാജ്യങ്ങളിലൊന്നാണ് ഇന്ത്യ. ബന്ധശത്രുക്കളായ പാകിസ്ഥാന് പോലും ഇതിൽ നിന്നും മെയ്ഡ് ഇൻ ഇന്ത്യ വാക്സിൻ ലഭിച്ചിരുന്നു. ഇനിയും രാജ്യത്തിന്റെ ആഭ്യന്തര ആവശ്യത്തിന് പ്രാധാന്യം നൽകിയാവും വാക്സിൻ കയറ്റുമതി ചെയ്യുക. ഇന്ത്യ സ്വന്തമായി വികസിപ്പിച്ച കൊവാക്സിന് ഉടൻ ലോകാരോഗ്യ സംഘടനയുടെ അംഗീകാരം ലഭിക്കുമെന്നും റിപ്പോർട്ടുകളുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, INDIA, MODI, COVID, VACCIN MYTRI, VACCINE EXPORT, INDIA COVID
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.