SignIn
Kerala Kaumudi Online
Sunday, 28 November 2021 2.38 AM IST

കാർട്ടൂണിലെ വരവൃക്ഷങ്ങൾ

ee

കാ​ർ​ട്ടൂ​ണി​ലെ​ ​കു​ല​പ​തി​യാ​യ​ ​ശ​ങ്ക​റി​നെ​ക്കു​റി​ച്ച് ​ എന്റെ പ്രി​യ​മി​ത്രം​ ​സു​ധീ​ർ​നാ​ഥ് ​എ​ഴു​തി​യ​ ​ജീ​വ​ച​രി​ത്ര​പു​സ്ത​കം​ ​ '​കാ​ർ​ട്ടൂ​ണി​സ്റ്റ് ​ശ​ങ്ക​ർ​ ​-​ ​ക​ല,​ ​കാ​ലം,​ ​ജീ​വി​തം​"​ ​ക​ഴി​ഞ്ഞ​യാ​ഴ്ച​യാ​ണ് ​വാ​യ​ന​ക്കെ​ടു​ത്ത​ത്.​ ​ഒ​രു​ ​മാ​സ​മാ​യി​ ​സു​ധീ​ർ​ ​ആ​ ​പു​സ്ത​കം​ ​അ​യ​ച്ചു​ത​ന്നി​ട്ട്.​ ​കി​ട്ടി​യ​പ്പോ​ൾ​ത്ത​ന്നെ​ ​മ​റി​ച്ചു​നോ​ക്കി​ ​വി​ശ​ദ​മാ​യ​ ​വാ​യ​ന​യ്ക്ക് ​മാ​റ്റി​വെ​ച്ച​താ​യി​രു​ന്നു.​ ​കാ​യം​കു​ള​ത്ത് ​ജ​നി​ച്ച് ​ഇ​ന്ത്യ​ൻ​ ​കാ​ർ​ട്ടൂ​ണി​ലെ​ ​സ​വി​ശേ​ഷ​ ​വ്യ​ക്തി​ത്വ​മാ​യി​ ​വ​ള​ർ​ന്ന​ ​കെ.​ ​ശ​ങ്ക​ര​പ്പി​ള്ള​ ​എ​ന്റെ​ ​മ​ന​സി​ൽ​ ​പ​തി​യെ​ ​വി​സ്മ​യം​ ​തീ​ർ​ക്കു​ക​യാ​യി​രു​ന്നു.​ ​ആ​മു​ഖ​വും​ ​അ​വ​താ​രി​ക​യും​ ​ആ​ദ്യ​ ​അ​ദ്ധ്യാ​യ​ങ്ങ​ളും​ ​പി​ന്നി​ട്ട​തേ​യു​ണ്ടാ​യി​രു​ന്നു​ള്ളൂ.​ ​അ​പ്പോ​ഴേ​ക്കും​ ​മൊ​ബൈ​ലി​ൽ​ ​സു​ധീ​ർ​നാ​ഥി​ന്റെ​ ​പേ​ര് ​തെ​ളി​ഞ്ഞു.
ഫോ​ണെ​ടു​ത്ത​യു​ട​നെ,​ ​വാ​യ​ന​ ​വൈ​കി​യ​തി​ലു​ള്ള​ ​കു​റ്റ​ബോ​ധ​ത്തോ​ടെ​ ​ഞാ​ൻ​ ​പ​റ​ഞ്ഞു​:​ ​''ഇതാ രാവിലെ തന്നെ നിന്റെ പു​സ്ത​കം​ ​വാ​യി​ച്ചു​കൊ​ണ്ടി​രി​ക്കു​ന്നു.​""
സു​ധീ​ർ​ ​പ​തി​യെ​ ​പ​റ​ഞ്ഞു​:​ ​''എ​ങ്കി​ൽ​ ​പു​സ്ത​ക​മ​ട​ച്ചു​വെ​ച്ച് ​ഒ​രു​ ​നി​മി​ഷം​ ​പ്രാ​ർ​ത്ഥി​ച്ചോ​ളൂ.​ ​ശ​ങ്ക​റി​ന്റെ​ ​പ്രി​യ​ശി​ഷ്യ​ൻ​ ​പു​ല​ർ​ച്ചെ​ ​ക​ട​ന്നു​പോ​യി.​""
ടി​വി​ ​ഓ​ൺ​ ​ചെ​യ്ത​പ്പോ​ൾ​ ​സ്‌​ക്രോ​ളു​ക​ൾ​ ​തു​ട​ങ്ങി​യി​രു​ന്നു​:​ ​കാ​ർ​ട്ടൂ​ണി​സ്റ്റ് ​യേ​ശു​ദാ​സ​ൻ​ ​രാ​വി​ലെ​ 3.45​ ​ന് ​അ​ന്ത​രി​ച്ചു.

ര​ണ്ട്

ശ​ങ്ക​റി​ന്റെ​ ​പ്ര​ശ​സ്ത​മാ​യ​ ​ശ​ങ്കേ​ഴ്സ് ​വീ​ക്കി​ലി​യി​ൽ​ ​യേ​ശു​ദാ​സ​ൻ​ ​പ്ര​വ​ർ​ത്തി​ച്ച​ ​കാ​ല​ത്തെ​ക്കു​റി​ച്ച് ​ '​ശ​ങ്ക​റി​ന്റെ​ ​ശി​ഷ്യ​ന്മാ​ർ​"​ ​എ​ന്ന​ ​പ​ത്തൊ​മ്പ​താം​ ​അ​ദ്ധ്യാ​യ​ത്തി​ൽ​ ​സു​ധീ​ർ​നാ​ഥ് ​ ഇ​ങ്ങ​നെ​ ​എ​ഴു​തു​ന്നു​:​ ​'1963​-​ൽ​ ​ഒ.​വി.​ ​വി​ജ​യ​ൻ​ ​രാ​ജി​വ​ച്ച​ ​ഒ​ഴി​വി​ലാ​ണ് ​കാ​ർ​ട്ടൂ​ണി​സ്റ്റ് ​യേ​ശു​ദാ​സ​ൻ​ ​എ​ത്തു​ന്ന​ത്.​ ​ക​മ്മ്യൂ​ണി​സ്റ്റ് ​പാ​ർ​ട്ടി​ ​ഒ​ഫ് ​ഇ​ന്ത്യ​യു​ടെ​ ​മു​ഖ​പ​ത്ര​മാ​യ​ ​ജ​ന​യു​ഗ​ത്തി​ൽ​ ​നി​ന്നാ​യി​രു​ന്നു​ ​വ​ര​വ്.​ ​ആ​റ് ​വ​ർ​ഷം​ ​മാ​ത്ര​മേ​ ​യേ​ശു​ദാ​സ​ൻ​ ​ശ​ങ്ക​റി​ന്റെ​ ​കൂ​ടെ​ ​ഉ​ണ്ടാ​യി​രു​ന്നു​ള്ളൂ.​ ​ശ​ങ്ക​റി​ന് ​ഏ​റെ​ ​പ്രി​യ​പ്പെ​ട്ട​ ​ശി​ഷ്യ​നാ​യി​രു​ന്നു​ ​യേ​ശു​ദാ​സ​ൻ.​ ​ശ​ങ്ക​റു​മാ​യി​ ​അ​ഭി​പ്രാ​യ​ ​വ്യ​ത്യാ​സ​മി​ല്ലാ​തെ​ ​രാ​ജി​വെ​ച്ച​ ​ശി​ഷ്യ​ൻ​ ​എ​ന്ന​ ​പേ​രും​ ​യേ​ശു​ദാ​സ​ന് ​അ​വ​കാ​ശ​പ്പെ​ട്ട​താ​ണ്."
ശ​രി​യാ​ണ്,​ ​തീ​ർ​ത്തും​ ​സൗ​മ്യ​സ്വ​ഭാ​വ​ത്തി​നു​ട​മ​യാ​യി​രു​ന്നു​ ​യേ​ശു​ദാ​സ​ൻ.​ ​ക​ല​ഹം​ ​വ്യ​ക്തി​ജീ​വി​ത​ത്തി​ല​ല്ല,​ ​കാ​ർ​ട്ടൂ​ണി​ൽ​ ​ആ​വ​ശ്യ​ത്തി​നാ​വാം​ ​എ​ന്ന് ​വി​ശ്വ​സി​ച്ചി​രു​ന്ന​ ​നേ​ര​സ്ഥ​ൻ.​ ​വി​മോ​ച​ന​സ​മ​ര​കാ​ല​ത്ത് ​ദേ​ശ​ബ​ന്ധു​വി​ൽ​ ​വ​ന്നി​രു​ന്ന​ ​കെ.​എ​സ്.​ ​പി​ള്ള​യു​ടെ​ ​'​വേ​ലു​ച്ചാ​ർ​"​ ​എ​ന്ന​ ​കാ​ർ​ട്ടൂ​ൺ​ ​സ്ട്രി​പ്പി​ന് ​ജ​ന​യു​ഗ​ത്തി​ൽ​ ​'​കി​ട്ടു​മ്മാ​വ​നി"ലൂ​ടെ​ ​ചു​ട്ട​ ​മ​റു​പ​ടി​ ​കൊ​ടു​ത്താ​ണ് ​യേ​ശു​ദാ​സ​ൻ​ ​ത​ന്റെ​ ​വ​ര​യു​ടെ​ ​മു​ന​ ​കൂ​ർ​പ്പി​ച്ച​ത്.​ ​എ​ൻ.​എ​സ്.​എ​സി​നും​ ​മ​ന്ന​ത്തി​നു​മൊ​ക്കെ​ ​ആ​ ​ന​ർ​മ​ശ​ര​ങ്ങ​ൾ​ ​മ​ർ​മ്മ​ത്തി​ൽ​ത്ത​ന്നെ​ ​ആ​ഞ്ഞു​ത​റ​ച്ചു.​ ​പ​ക്ഷേ,​ ​ശി​ഷ്യ​രോ​ട് ​മു​ഴു​വ​ൻ​ ​ക​ല​ഹി​ച്ച് ​ക​ഴി​ഞ്ഞ​ ​പ​ത്രാ​ധി​പ​ർ​ ​ശ​ങ്ക​റി​ന്റെ​ ​മ​ന​സ​റി​ഞ്ഞ് ​കൂ​ടെ​നി​ന്നു​ ​യേ​ശു​ദാ​സ​ൻ.​ ​അ​ത്ര​യേ​റെ​ ​ആ​ത്മാ​വി​ൽ​ ​നി​റ​ഞ്ഞ​ ​ബ​ന്ധ​മാ​യി​രു​ന്നു​ ​അ​വ​രു​ടേ​ത്.​ 1989​-​ലെ​ ​ക്രി​സ്മ​സി​ന്റെ​ ​പി​റ്റേ​ന്ന് ​ശ​ങ്ക​റി​നെ​ ​മ​ര​ണം​ ​കൊ​ണ്ടു​പോ​യ​പ്പോ​ൾ,​ ​മ​ന​സു​ല​ഞ്ഞ് ​യേ​ശു​ദാ​സ​ൻ​ ​എ​ഴു​തി​യ​ ​ഓ​ർ​മ്മ​ക്കു​റി​പ്പി​ന്റെ​ ​ശീ​ർ​ഷ​ക​ത്തി​ൽ​ ​പ​ക്ഷേ,​ ​അ​ദ്ദേ​ഹം​ ​കാ​ർ​ട്ടൂ​ണി​സ്റ്റി​ന്റെ​ ​ന​ർ​മം​ ​നി​ല​നി​ർ​ത്തി​:​ ​'​ക്രി​സ്‌മ​സ് ​അ​പ്പൂ​പ്പ​ൻ​ ​പോ​യി,​ ​ശ​ങ്ക​റ​പ്പൂ​പ്പ​നേ​യും​ ​കൊ​ണ്ട്."

മൂന്ന്

കേ​ര​ള​ ​ല​ളി​ത​ക​ലാ​ ​അ​ക്കാ​ഡ​മി​ക്കു​ ​വേ​ണ്ടി​ ​കാ​ർ​ട്ടൂ​ണി​സ്റ്റ് ​സു​ധീ​ർ​നാ​ഥ് ​ന​ട​ത്തി​യ​ ​ഭ​ഗീ​ര​ഥ​യ​ത്ന​മാ​ണ് ​ശ​ങ്ക​റി​ന്റെ​ ​ജീ​വ​ച​രി​ത്ര​ഗ്ര​ന്ഥം.​ ​മ​രു​മ​ക​ൾ​ ​അ​ൽ​ക്ക​ ​മു​മ്പെ​ഴു​തി​യ​ ​ഒ​രു​ ​ചെ​റി​യ​ ​ഇം​ഗ്ലീ​ഷ് ​ജീ​വ​ച​രി​ത്ര​പു​സ്ത​ക​മൊ​ഴി​ച്ചാ​ൽ​ ​ശ​ങ്ക​റി​നെ​ ​ഓ​ർ​ക്കാ​ൻ​ ​വേ​റൊ​ന്നു​മു​ണ്ടാ​യി​രു​ന്നി​ല്ല.​ ​സ​മ​കാ​ലി​ക​രു​ടെ​യും​ ​ശി​ഷ്യ​രു​ടെ​യും​ ​ഓ​ർ​മ​ക​ളി​ലൂ​ടെ​ ​ശ​ങ്ക​റി​നെ​ ​വീ​ണ്ടെ​ടു​ക്കു​ക​യാ​ണി​വി​ടെ​ ​സു​ധീ​ർ​നാ​ഥ്.​ ​ശ​ങ്ക​റി​ന്റെ​ ​പ്ര​ശ​സ്ത​ങ്ങ​ളാ​യ​ ​കാ​ർ​ട്ടൂ​ണു​ക​ളും​ ​ഫോ​ട്ടോ​ക​ളും​ ​രേ​ഖ​ക​ളും​ ​നി​റ​ഞ്ഞ​ ​ഈ​ ​പു​സ്ത​ക​ത്തി​ന്റെ​ ​ഓ​രോ​ ​താ​ളും​ ​ഒ​രു​ ​സു​വ​ർ​ണ​കാ​ല​ത്തി​ന്റെ​ ​തി​രു​ശേ​ഷി​പ്പു​ക​ളാ​യി​ ​അ​നു​ഭ​വ​പ്പെ​ടു​ന്നു.​ 2014​-​ൽ​ ​അ​ന്ന​ത്തെ​ ​സാം​സ്‌​കാ​രി​ക​വ​കു​പ്പു​മ​ന്ത്രി​ ​കെ.​സി.​ ​ജോ​സ​ഫി​ന്റെ​യും​ ​ല​ളി​ത​ക​ലാ​ ​അ​ക്കാ​ഡ​മി​ ​ചെ​യ​ർ​മാ​ൻ​ ​കെ.​ ​എ.​ ​ഫ്രാ​ൻ​സി​സി​ന്റേ​യും​ ​ഉ​ത്സാ​ഹ​ത്തി​ൽ​ ​കാ​യം​കു​ള​ത്ത് ​സ്ഥാ​പി​ത​മാ​യ​ ​'കാ​ർ​ട്ടൂ​ണി​സ്റ്റ് ​ശ​ങ്ക​ർ​ ​സ്മാ​ര​ക​ ​ദേ​ശീ​യ​ ​കാ​ർ​ട്ടൂ​ൺ​ ​മ്യൂ​സി​യം​" ​ഒ​രു​ക്കു​വാ​നാ​യി​ ​ഒ​പ്പം​ ​നി​ന്ന​ ​സു​ധീ​ർ​നാ​ഥി​ന് ​ഈ​ ​പു​സ്ത​ക​സ്മാ​ര​ക​ത്തി​ന്റെ​ ​പേ​രി​ലും​ ​അ​ഭി​മാ​നി​ക്കാം.​ ​ഇ​ത് ​ശ​ങ്ക​ർ​ ​എ​ന്ന​ ​കാ​ർ​ട്ടൂ​ണി​സ്റ്റി​ന്റെ​ ​മാ​ത്ര​മ​ല്ല,​ ​പ​ച്ച​യാ​യ​ ​മ​നു​ഷ്യ​ന്റെ​യും​ ​നേ​ർ​രേ​ഖ​യാ​ണ്.​ ​'​ഡോ​ൺ​ഡ് ​സ്‌​പെ​യ​ർ​ ​മീ​ ​ശ​ങ്ക​ർ​"​ ​എ​ന്ന് ​പ​റ​ഞ്ഞ​ ​നെ​ഹ്റു​വി​ന്റെ​ ​തോ​ളി​ൽ​ ​ചാ​ഞ്ഞു​ ​ന​ട​ക്കു​മ്പോ​ഴും​ ​അ​ദ്ദേ​ഹ​ത്തോ​ട് ​ക​ല​ഹി​ച്ചു​വ​ര​ച്ച​ ​ശ​ങ്ക​റി​നേ​യും,​ ​മ​ദ്യ​പാ​ന​സ​ദ​സു​ക​ളി​ൽ​ ​പൊ​ട്ടി​ച്ചി​രി​ക്കു​ന്ന​ ​ശ​ങ്ക​റി​നേ​യും,​ ​അ​ടി​യ​ന്തരാ​വ​സ്ഥ​ക്കാ​ല​ത്ത് ​ഇ​ന്ദി​രാ​ഗാ​ന്ധി​ ​അ​ഭ്യ​ർ​ത്ഥി​ച്ചി​ട്ടു​പോ​ലും​ ​വീ​ക്ക‌്ലി​ ​നി​ർ​ത്താ​നു​ള്ള​ ​ത​ന്റെ​ ​തീ​രു​മാ​ന​ത്തി​ൽ​നി​ന്ന് ​പി​ന്മാ​റാ​ത്ത​ ​ശ​ങ്ക​റി​നേ​യും​ ​ഈ​ ​പു​സ്ത​ക​ത്തി​ൽ​ ​കൃ​ത്യ​മാ​യി​ ​സു​ധീ​ർ​നാ​ഥ് ​അ​വ​ത​രി​പ്പി​ച്ചി​രി​ക്കു​ന്നു. (പ്രസാധനം:ലളിതകലാ അക്കാഡമി,​ തൃശൂർ)​

നാല്

1984​-​ൽ​ ​കാ​സ​ർ​കോ​ട് ​വ​ച്ച് ​കാ​ർ​ട്ടൂ​ൺ​ ​അ​ക്കാ​ഡ​മി​ ​ന​ട​ത്തി​യ​ ​ഒ​രു​ ​ക്യാ​മ്പി​ലാ​ണ് ​ഞാ​ൻ​ ​ അക്കാഡമിയുടെ സ്ഥാപക പ്രസിഡന്റ് കൂടിയായ യേ​ശു​ദാ​സ​നെ​ ​ആ​ദ്യ​മാ​യി​ ​കാ​ണു​ന്ന​ത്.​ ​കാ​സ​ർ​കോ​ട്ടു​നി​ന്ന് ​ആ​ ​വ​ർ​ഷം​ ​ആ​രം​ഭി​ക്കാ​ൻ​ ​പോ​കു​ന്ന​ ​'​ഈ​യാ​ഴ്ച​" ​വാ​രി​ക​യു​ടെ​ ​പ്ര​വ​ർ​ത്ത​ന​ങ്ങ​ളി​ലാ​യി​രു​ന്നു​ ​ഞാ​ന​പ്പോ​ൾ.​ ​ശി​വ​റാം,​ ​ടോം​സ്,​ ​യേ​ശു​ദാ​സ​ൻ​ ​എ​ന്നി​വ​രെ​യൊ​ക്കെ​ ​പ​രി​ച​യ​പ്പെ​ടു​ത്തി​യ​ത് ​ക്യാ​മ്പ് ​ഡ​യ​റ​ക്ട​ർ​ ​കൂ​ടി​യാ​യി​രു​ന്ന​ ​പി.​വി.​ ​കൃ​ഷ്ണ​ൻ​ ​മാ​ഷാ​ണ്.​ ​മാ​ഷ് ​'​ഈ​യാ​ഴ്ച​'​ ​വാ​രി​ക​യു​ടെ​ ​സം​ഘാ​ട​ക​പ​ക്ഷ​ത്തു​മു​ണ്ടാ​യി​രു​ന്നു.​ ​പി​ന്നീ​ട് ​'​ഈ​യാ​ഴ്ച​"​ ​തു​ട​ങ്ങി​യ​പ്പോ​ൾ​ ​'​ക​ഴി​ഞ്ഞാ​ഴ്ച​"​ ​എ​ന്ന​ ​അ​ര​പ്പേ​ജ് ​കാ​ർ​ട്ടൂ​ൺ​ ​കൊ​ളാ​ഷ് ​എ​ല്ലാ​ ​ആ​ഴ്ച​യും​ ​വ​ര​ച്ചു​ത​ന്നു​ ​യേ​ശു​ദാ​സ​ൻ.​ ​വാ​രി​ക​യി​ൽ​ ​കൃ​ഷ്ണ​ൻ​മാ​ഷു​ടെ​ ​'​പൊ​ന്നി​"​യ്‌​ക്കൊ​പ്പം​ ​'ക​ഴി​ഞ്ഞാ​ഴ്ച​"യും​ ​ശ്ര​ദ്ധേ​യ​മാ​യി.
ക​ഴി​ഞ്ഞാ​ഴ്ച,​ ​ഒ​ക്‌​ടോ​ബ​ർ​ 6​ന് ​യേ​ശു​ദാ​സ​നും​ ​ക​ട​ന്നു​പോ​യ​പ്പോ​ൾ,​ ​മ​ല​യാ​ള​ ​കാ​ർ​ട്ടൂ​ണി​ലെ​ ​ഒ​രു​ ​സൗ​മ്യ​മ​ധു​ര​കാ​ല​ഘ​ട്ട​ത്തി​നു​ ​കൂ​ടി​യാ​ണ് ​തി​ര​ശീ​ല​ ​വീ​ഴു​ന്ന​ത്.​ ​ഒ​രു​പ​ക്ഷേ,​ ​കാ​ർ​ട്ടൂ​ണി​ന്റെ​ ​കു​ല​പ​തി​യാ​യ​ ​ശ​ങ്ക​റി​ന്റെ​ ​ശ​രി​യാ​യ​ ​ഓ​ർ​മ​ ​ന​മു​ക്കു​ ​പ​ക​ർ​ന്നു​ത​രാ​ൻ​ ​ജീ​വി​ച്ചി​രു​ന്ന​ ​ഒ​രു​ ​യ​ഥാ​ർ​ത്ഥ​ ​ശി​ഷ്യ​നാ​ണ് ​വി​ട​വാ​ങ്ങി​യി​രി​ക്കു​ന്ന​ത്.​ ​പ്ര​ണാ​മം.

(​സ​തീ​ഷ്ബാ​ബു​ ​പ​യ്യ​ന്നൂ​ർ​:​
98470​ 60343

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CHANNAM PINNAM, OPINION
KERALA KAUMUDI EPAPER
TRENDING IN OPINION
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.