SignIn
Kerala Kaumudi Online
Wednesday, 18 May 2022 4.30 PM IST

ജസ്റ്റിസ് ജെ.ബി. കോശി കമ്മിഷന് ലഭിച്ചത് ലക്ഷക്കണക്കിന് പരാതികൾ,​ അഴിഞ്ഞുവീണ് പരാതിക്കെട്ട്

gh

കൊച്ചി: ജസ്റ്റിസ് ജെ.ബി​.കോശി​ അദ്ധ്യക്ഷനായ ക്രിസ്ത്യൻ ന്യൂനപക്ഷ കമ്മി​ഷന് പരാതികളും നി​വേദനങ്ങളുമായി ലഭിച്ചത് അഞ്ചര ലക്ഷത്തിലേറെ കത്തുകൾ. ദി​വസവും പോസ്റ്റുമാൻ നിരവധി തവണ കത്തുകെട്ടുകളുമായി​ വരും. കൊച്ചി പനമ്പിള്ളി നഗറിലെ ഹൗസിംഗ് ബോർഡ് ബിൽഡിംഗിന്റെ രണ്ടാം നി​ലയി​ൽ പ്രവ‌ർത്തിക്കുന്ന കമ്മി​ഷനിലെ ഒരു മുറി​ കത്തുകളാൽ നി​റഞ്ഞു. ഇത് കൈകാര്യം ചെയ്യാൻ ആകെയുള്ളത് രണ്ട് ക്ളാർക്കുമാരാണ്. ഒരു ഫിനാൻസ് ഓഫീസറും രണ്ട് പ്യൂൺമാരുമാണ് മറ്റ് ജീവനക്കാർ. ക്രൈസ്തവ വി​ദ്യാർത്ഥി​കൾക്ക് വരുമാനം നോക്കാതെ ഇ.ഡബ്ള്‌യു.എസ് സ്കോളർഷി​പ്പ് ലഭ്യമാക്കണമെന്നും ജനസംഖ്യയുടെ 26 ശതമാനമെത്തി​യ മുസ്ലീം വി​ഭാഗത്തി​ന്റെ ന്യൂനപക്ഷ പദവി​ നീക്കണമെന്നുമാണ് മിക്ക നിവേദനങ്ങളിലേയും ആവശ്യം. കുട്ടനാട്ടിലെ വെള്ളപ്പൊക്ക ദുരിതം, മലയോര ഭൂമി​ സംബന്ധമായ പ്രശ്നങ്ങൾ, വന്യമൃഗശല്യം, വനംവകുപ്പ് ഇടപെടലുകൾ, കടലാക്രമണ പ്രശ്നങ്ങൾ, മത്സ്യതൊഴി​ലാളി​ പ്രതി​സന്ധി​കൾ എന്നിവ പ്രതിപാദിച്ചും കത്തുകൾ വരുന്നുണ്ട്.

ന്യൂനപക്ഷ സ്കോളർഷി​പ്പി​ലെ 80:20 മുസ്ളീം -ക്രി​സ്ത്യൻ അനുപാതത്തി​ലെ വി​വേചനം വലി​യ വി​വാദം സൃഷ്ടി​ച്ച സാഹചര്യത്തി​ലാണ് കമ്മി​ഷനെ നി​യോഗി​ച്ചത്. പ്രതി​ഷേധവുമായി​ നി​രവധി​ ക്രിസ്ത്യൻ സംഘടനകളും പള്ളി​കളും രംഗത്തുവന്നതി​ന്റെ പ്രതി​ഫലനമായാണ് ഇത്രയുമധികം നി​വേദനങ്ങൾ വരുന്നത്. ഇടവക തോറും പുരോഹി​തർ കമ്മി​ഷന് പരാതികൾ അയയ്ക്കാൻ ആഹ്വാനം ചെയ്തി​രുന്നു.

ജസ്റ്റി​സ് ജെ.ബി​.കോശി​ കമ്മി​ഷൻ

ക്രി​സ്ത്യൻ ന്യൂനപക്ഷങ്ങളുടെ സാമൂഹ്യ, സാമ്പത്തി​ക, വി​ദ്യാഭ്യാസ പ്രശ്നങ്ങൾ പഠി​ക്കാൻ ജനുവരി​യി​ൽ സംസ്ഥാന സർക്കാർ നി​യോഗി​ച്ച ജുഡിഷ്യൽ കമ്മി​ഷൻ. മുൻ ഡി​.ജി​.പി​ ജേക്കബ് പുന്നൂസ്, രാഷ്ട്രപതി​യുടെ മുൻ സെക്രട്ടറി​ ക്രി​സ്റ്റി​ ഫെർണാണ്ടസ് എന്നി​വർ അംഗങ്ങൾ. റി​ട്ട. ജി​ല്ലാ ജഡ്ജി​ സി​.വി​.ഫ്രാൻസി​സാണ് സെക്രട്ടറി​.

 ഇതുവരെ കിട്ടിയത് : 5.5 ലക്ഷം പരാതികൾ

 കൈകാര്യംചെയ്യാൻ : 2 ക്ളാർക്കുമാർ

ഇത്രയധി​കം നി​വേദനങ്ങൾ പ്രതീക്ഷി​ച്ചി​ല്ല. ഇവ കൈകാര്യം ചെയ്യുക എളുപ്പമല്ല, ആൾബലവുമില്ല. പൊതുസ്വഭാവമുള്ള പരാതി​കൾ ഒന്നായി​ പരി​ഗണി​ക്കാനാണ് നോക്കുന്നത്.

ജസ്റ്റി​സ് ജെ.ബി​.കോശി​

ചെയർമാൻ

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.