തിരുവനന്തപുരം : സംസ്ഥാനത്ത് വിവിധ ഭാഗങ്ങളില് ഉണ്ടായ ഉരുള്പൊട്ടലിനെയും മഴക്കെടുതിയെയും തുടര്ന്നുള്ള രക്ഷാപ്രവര്ത്തനത്തില് വീഴ്ച ഉണ്ടായിട്ടില്ലെന്ന് റവന്യൂമന്ത്രി കെ രാജൻ പറഞ്ഞു. ദുരന്തം അറിഞ്ഞയുടന് രക്ഷാപ്രവര്ത്തനം തുടങ്ങി. എന്തെങ്കിലും പാളിച്ചയുണ്ടായോ എന്ന് പരിശോധിക്കുമെന്നും മന്ത്രി പറഞ്ഞു.
അതേസമയം സംസ്ഥാനത്ത് കഴിഞ്ഞ ആറ് ദിവസത്തിനുള്ളില് മഴക്കെടുതിയില് 35 പേർ മരിച്ചെന്ന് സര്ക്കാര് കണക്കുകള് വ്യക്തമാക്കുന്നു. രണ്ടുദിവസത്തിനിടെ 25 പേരാണ് മരിച്ചത്. കോട്ടയത്ത് 13 പേരും ഇടുക്കിയില് ഒന്പതും മലപ്പുറത്ത് മൂന്ന് പേരും ആലപ്പുഴയിലും കണ്ണൂരും രണ്ടുപേര് വീതവും കൊല്ലം, പത്തനംതിട്ട, തൃശ്ശൂര്, പാലക്കാട്, കോഴിക്കോട് ജില്ലകളില് ഓരോരുത്തരുമാണ് മരിച്ചത്.
സംസ്ഥാനത്ത് ബുധനാഴ്ച മുതൽ നാലുജദിവസം മഴകനക്കുമെന്നാണ് കാലാവസ്ഥാ മുന്നറിയിപ്പ്. ബുധനാഴ്ച തിരുവനന്തപുരം മുതൽ മലപ്പുറം വരെയുള്ള 10 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്.. അതേസമയം പത്തനംതിട്ടയിൽ വീണ്ടും മഴ കനക്കുകയെന്നാണ് റിപ്പോർട്ടുകൾ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |