SignIn
Kerala Kaumudi Online
Thursday, 26 May 2022 4.24 PM IST

പ്രളയഭീതി: 108 ആംബുലൻസ് സജ്ജം

108-ambulance

കൊച്ചി: അടിയന്തരസാഹചര്യം മുൻനിറുത്തി ജില്ലയിൽ 10 കനിവ് 108 ആംബുലൻസുകൾ സജ്ജമാക്കി. ശക്തമായ മഴയിലും പ്രളയത്തിലും ഒറ്റപ്പെട്ട് വൈദ്യസഹായത്തിനും മറ്റാവശ്യങ്ങൾക്കും ആംബുലൻസ് സൗകര്യം ലഭ്യമാക്കും.

നിലവിലെ പ്രളയ സാഹചര്യം മുൻനിറുത്തി ഓരോ ജില്ലയിലും ആവശ്യമായ ആംബുലൻസ് സൗകര്യം ലഭ്യമാക്കുമെന്ന് 108 ആംബുലൻസ് അധികൃതർ അറിയിച്ചു. വൈദ്യസഹായം ആവശ്യമുള്ളവർ 108 നമ്പറിൽ വിളിച്ച് അസുഖവിവരവും സ്ഥലവും വ്യക്തമായി അറിയിക്കണം. സമീപത്തുള്ള ആംബുലൻസ് ഇവർക്കായി അയയ്ക്കും. ജില്ലാ ഭരണകൂടത്തിന്റെ പ്രവർത്തനങ്ങൾക്കു പുറമെയാണ് കനിവ് 108 ആംബുലൻസ് സൗകര്യവും ഒരുക്കുന്നത്. രോഗിയുമായി പോകുന്ന ആംബുലൻസ് എവിടെയെന്ന് കൺട്രോൾ റൂമിലിരുന്ന് നിരീക്ഷിക്കും. ജില്ലയ്ക്കകത്തു നിന്നും പുറത്തു നിന്നും നിരവധി ഫോൺ വിളികളാണ് വരുന്നതെന്ന് അധികൃതർ അറിയിച്ചു. ആംബുലൻസിൽ അടിയന്തരാവസ്ഥയിലുള്ള രോഗിയുടെ ജീവൻ നിലനിറുത്തുന്നതിന് ആവശ്യമായ എല്ലാ സജ്ജീകരണവും ഒരു നഴ്സും ഉണ്ടാകും. കൊവിഡ് പ്രവർത്തനങ്ങൾക്കായി ആംബുലൻസുകൾ മാറ്റിയിരുന്നു. എന്നാൽ അടിയന്തര സാഹചര്യത്തിൽ എല്ലാ ആംബുലൻസുകളും വിനിയോഗിക്കാനാണ് തീരുമാനം.

അടിയന്തര സാഹചര്യത്തിൽ ജനങ്ങൾക്കൊപ്പം താങ്ങായി നിൽകുകയാണ്. കൊവിഡ് എമർജൻസിക്കു വേണ്ടി ഉപയോഗിക്കുന്ന ആംബുലൻസുകൾ അടിയന്തര സാഹചര്യം വന്നാൽ പ്രളയത്തിനും മഴക്കെടുതിക്കുമായി ഉപയോഗിക്കും.

ശരവണൻ അരുണാചലം, കനിവ് 108 ഓപറേഷൻസ് വിഭാഗം മേധാവി

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, 108, AMBULANCE
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.