അശ്വതി: മംഗളകാര്യങ്ങളിൽ പങ്കെടുക്കും. ദമ്പതികൾ തമ്മിൽ അഭിപ്രായ വ്യത്യാസത്തിന് സാദ്ധ്യത. സാമ്പത്തിക ലാഭം പ്രതീക്ഷിക്കാം.വിദ്യാർത്ഥികൾക്ക് അനുകൂല സമയം. ഉന്നത കുടുംബത്തിൽ നിന്നും വിവാഹാലോചനകൾ വന്നെത്തും. വ്യാഴാഴ്ച ദിവസം അനുകൂലം.
ഭരണി: ദാമ്പത്യജീവിതം സന്തോഷപ്രദമായിരിക്കും. സന്താനഗുണം പ്രതീക്ഷിക്കാം. പിതൃഗുണം ലഭിക്കും. ആരോഗ്യകാര്യങ്ങളിൽ പ്രത്യേകം ശ്രദ്ധിക്കണം. സ്ഥലമോ വീടോ വാങ്ങാൻ ഉദ്ദേശിക്കുന്നവർക്ക് അനുകൂല സമയം. ബന്ധുജനങ്ങളുമായി അഭിപ്രായ വ്യത്യാസം ഉണ്ടാകാതെ ശ്രദ്ധിക്കണം.
കാർത്തിക: മാതൃഗുണം ഉണ്ടാകും. ദാമ്പത്യജീവിതം സന്തോഷപ്രദമായിരിക്കും. പിതൃസമ്പത്ത് അനുഭവയോഗത്തിൽ വന്നു ചേരും. വിദ്യാർത്ഥികൾക്ക് ഉന്നത വിദ്യാഭ്യാസത്തിന് അവസരം ലഭിക്കും. ഗൃഹത്തിൽ നിന്നും വിട്ടുനിൽക്കേണ്ട അവസ്ഥ സംജാതമാകും. എല്ലാവരോടും നയപരമായി പെരുമാറണം. ബുധനാഴ്ച ദിവസം അനുകൂലം.
രോഹിണി: വാഹന ഗുണം ഉണ്ടാകും. വിദേശയാത്രക്ക് ശ്രമിക്കുന്നവർക്ക് ആഗ്രഹം സഫലീകരിക്കും. സാമ്പത്തിക ലാഭം പ്രതീക്ഷിക്കാം. കലാകായിക രംഗങ്ങളിൽ താത്പര്യം വർദ്ധിക്കും. മുൻകോപം മുഖേന പലരുടെയും വെറുപ്പ് സമ്പാദിക്കും.
മകയിരം: ഗൃഹവാഹന ഗുണം ലഭിക്കും. വിദ്യാർത്ഥികൾ പഠനകാര്യത്തിൽ കൂടുതൽ ശ്രദ്ധ ചെലുത്തേണ്ടതാണ്. ഇഷ്ടഭോജനം സാദ്ധ്യമാകും. ധനലാഭം പ്രതീക്ഷിക്കാം. മനസമാധാനക്കുറവ് അനുഭവപ്പെടും. വെള്ളിയാഴ്ച ദിവസം അനുകൂലം.
തിരുവാതിര: മനസിന് സന്തോഷം ലഭിക്കും. മുൻകോപവും പിടിവാശിയും നിയന്ത്രിക്കണം. അസാമാന്യമായ കർമ്മകുശലത പ്രകടമാക്കും. അപകീർത്തി ഉണ്ടാകും. വിവാഹകാര്യങ്ങളിൽ അനുകൂല തീരുമാനം ഉണ്ടാകും. പുതിയ തൊഴിൽ ചെയ്യാനുള്ള താത്പര്യം വർദ്ധിക്കും. വ്യാഴാഴ്ച ദിവസം അനുകൂലം.
പുണർതം: മംഗളകർമ്മങ്ങളിൽ പങ്കെടുക്കും. കർമ്മസംബന്ധമായി അനുകൂല സമയമല്ല. സന്താനങ്ങളാൽ കീർത്തി വർദ്ധിക്കും. വിവാഹകാര്യത്തിൽ തീരുമാനം എടുക്കും. മാതാവിൽ നിന്നും സഹായസഹകരണങ്ങൾ ലഭിക്കും. ഗൃഹാന്തരീക്ഷം ശോഭനമായിരിക്കും. വെള്ളിയാഴ്ച ദിവസം അനുകൂലം.
പൂയം: വിദ്യാർത്ഥികൾക്ക് അനുകൂല സമയം. സന്താനങ്ങളുടെ ഭാവിയെ കുറിച്ച് ചിന്തിക്കാൻ ഇടവരും. മാതാവിൽ നിന്നും ഗുണം ഉണ്ടാകും. കുടുംബ കലഹങ്ങളിൽ നിരപരാധിത്വം തെളിയിക്കാൻ കഴിയും. പുണ്യ ക്ഷേത്ര ദർശനത്തിന് സാദ്ധ്യത. സ്ഥലമോ വീടോ വാങ്ങാൻ ഉദ്ദേശിക്കുന്നവർക്ക് അനുകൂല സമയം.
ആയില്യം: പിതൃഗുണം ലഭിക്കും. സന്താനങ്ങളാൽ മനഃസന്തോഷം ലഭിക്കും. സ്ഥലമോ വീടോ വാങ്ങാൻ ഉദ്ദേശിക്കുന്നവർക്ക് അനുകൂല സമയം.വിദ്യാർത്ഥികൾ കൂടുതൽ സമയം പഠനത്തിന് ചെലവഴിക്കും. ഞായറാഴ്ച ദിവസം അനുകൂലം.
മകം: കർമ്മരംഗത്ത് നേട്ടം ഉണ്ടാകും. സഹോദരാദി ഗുണം ലഭിക്കും. ഗൃഹത്തിൽ മംഗളകർമ്മങ്ങൾ നടക്കും. പുതിയ കൃതികൾ പ്രസിദ്ധീകരിക്കാൻ സാധിക്കും. മാതൃസ്വത്ത് ലഭിക്കും. ദാമ്പത്യജീവിതത്തിൽ മനഃസമാധാനവും സന്തോഷവും അനുഭവപ്പെടും.
പൂരം: മാതൃഗുണം ലഭിക്കും. വാഹന സംബന്ധമായി നേട്ടങ്ങൾ ഉണ്ടാകും. സന്താനങ്ങളാൽ കലഹത്തിനു സാദ്ധ്യത. ധനപരമായി ക്ലേശങ്ങൾ ഉണ്ടാകുന്നതല്ല. സുഹൃത്തുക്കളുമായി അഭിപ്രായവ്യത്യാസം ഉണ്ടാകും. ദമ്പതികൾ തമ്മിൽ അഭിപ്രായ വ്യത്യാസത്തിനും കലഹത്തിനും സാദ്ധ്യത.
ഉത്രം: ദാമ്പത്യജീവിതം സന്തോഷപ്രദമായിരിക്കും. ആത്മീയകാര്യങ്ങളിൽ താത്പര്യം ഉണ്ടാകും. സന്താനങ്ങളാൽ കീർത്തി വർദ്ധിക്കും. വിവാഹാദി മംഗളകർമ്മങ്ങളിൽ പങ്കെടുക്കും. കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. മാതൃസ്വത്ത് ലഭിക്കും. യാത്രകൾ ആവശ്യമായി വരും. ഗൃഹത്തിൽ മംഗളകർമ്മങ്ങൾ നടക്കും.
അത്തം: വിദ്യാർത്ഥികൾക്ക് അനുകൂല സമയം. ശത്രുക്കളെ പരാജയപ്പെടുത്താൻ കഠിനമായി പരിശ്രമിക്കേണ്ടി വരും. കടം വാങ്ങേണ്ട അവസ്ഥ ഉണ്ടാകും. ഉദരരോഗം വർദ്ധിക്കും. വിദേശത്ത് ജോലി ചെയ്യുന്നവർക്ക് നിലവിലുള്ളതിനെക്കാൾ മെച്ചപ്പെട്ട ജോലി ലഭിക്കും. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.
ചിത്തിര: തൊഴിൽരഹിതർക്ക് ജോലി ലഭിക്കും, സാമ്പത്തികനേട്ടം പ്രതീക്ഷിക്കാം. മേലാധികാരികളുടെ പ്രീതി സമ്പാദിക്കും. ശത്രുക്കളിൽ നിന്നും മോചനം ലഭിക്കും. വിദ്യാർത്ഥികൾക്ക് ഉപരിപഠനത്തിന് ഇഷ്ടപ്പെട്ട വിഷയം ലഭിക്കും. കുടുംബപരമായി ഉണ്ടായിരുന്ന തർക്കങ്ങൾ ബന്ധുക്കൾ മുഖേന പരിഹരിക്കും. ബുധനാഴ്ച ദിവസം ഉത്തമമാണ്.
ചോതി: തൊഴിൽപരമായി ധാരാളം മത്സരങ്ങൾ നേരിടും. സാമ്പത്തിക ലാഭം പ്രതീക്ഷിക്കാം. മനസിന് സന്തോഷം തരുന്ന സന്ദേശങ്ങൾ ലഭിക്കും. വിദ്യാർത്ഥികൾ പഠനകാര്യത്തിൽ അലസത പ്രകടമാക്കും. ഉദരരോഗം ഉണ്ടാകും. മാനസിക സംഘർഷം വർദ്ധിക്കും. വ്യാഴാഴ്ച ദിവസം അനുകൂലം.
വിശാഖം: വിദേശത്ത് നിന്നും ധനലാഭം പ്രതീക്ഷിക്കാം. ഗൃഹസൗഖ്യം അനുഭവപ്പെടും. കർമ്മഗുണം പ്രതീക്ഷിക്കാം. യാത്രകൾ ഉല്ലാസപ്രദമാകും. അവിവാഹിതരുടെ വിവാഹകാര്യത്തിൽ തീരുമാനം എടുക്കും. ഔദ്യോഗികമായ മേന്മ അനുഭവപ്പെടും. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.
അനിഴം: സാമ്പത്തിക നേട്ടത്തിന് സാദ്ധ്യത. കലാരംഗത്ത് പ്രവർത്തിക്കുന്നവർ അപവാദാരോപണങ്ങൾക്ക് വിധേയരാകും. ഗൃഹനിർമ്മാണപ്രവർത്തനങ്ങൾക്ക് ഉദ്ദേശിക്കുന്നവർക്ക് തടസം നേരിടും. സന്താനങ്ങളുടെ അഭിവൃദ്ധിയിൽ മനഃസന്തോഷം വർദ്ധിക്കും. വ്യാഴാഴ്ച ദിവസം അനുകൂലം.
കേട്ട: പുതിയ തൊഴിലവസരങ്ങൾ ലഭിക്കും. പഴയ വാഹനം ലാഭത്തിന് വാങ്ങാൻ സാധിക്കും. സന്താനങ്ങൾ മുഖേന മനഃസന്തോഷത്തിന് സാദ്ധ്യത. ബന്ധുക്കൾ ശത്രുതാമനോഭാവത്തോടെ പെരുമാറും. മേലധികാരികളിൽ നിന്നും സൗഹാർദ്ദപരമായ സമീപനം പ്രതീക്ഷിക്കാം. വ്യാഴാഴ്ച ദിവസം അനുകൂലം.
മൂലം: പുണ്യസ്ഥലങ്ങൾ സന്ദർശിക്കാനിട വരും. സഹോദരങ്ങളുമായോ സഹോദരസ്ഥാനീയരുമായോ ശത്രുതയ്ക്ക് സാദ്ധ്യത. പുതിയ തൊഴിൽ ചെയ്യാനുള്ള താത്പര്യം വർദ്ധിക്കും. വിദ്യാർത്ഥികൾക്ക് മത്സരപരീക്ഷകളിൽ വിജയസാധ്യത കാണുന്നു. വിവാഹാദി മംഗള കർമ്മങ്ങളിൽ പങ്കെടുക്കും.പൊതു കാര്യങ്ങളിൽ പങ്കെടുക്കും. സന്താനങ്ങളുടെ വിദ്യാഭ്യാസകാര്യത്തിൽ പ്രതീക്ഷിക്കാത്ത നേട്ടം ലഭിക്കും. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.
പൂരാടം: സാമ്പത്തിക ഗുണം ഉണ്ടാകും. ഇൻഷ്വറൻസ് മേഖലയുമായി ബന്ധപ്പെടേണ്ടതായി വരും. വീഴ്ചയിൽ അപകടം വരാതെ സൂക്ഷിക്കുക. കർമ്മ രംഗത്ത് പുതിയ ഉത്തരവാദിത്വങ്ങൾ ഏറ്റെടുക്കേണ്ടി വരും. സന്താനങ്ങളാൽ മനഃസന്തോഷം ലഭിക്കും. വെള്ളിയാഴ്ച ദിവസം അനുകൂലം.
ഉത്രാടം: പിതൃഗുണം ലഭിക്കും. വിവാഹാദി മംഗള കർമ്മങ്ങളിൽ പങ്കെടുക്കും, കർമ്മപുഷ്ടിക്ക് തടസം നേരിടും. ഗാർഹിക സുഖം കുറയും. അനാവശ്യ ചെലവുകൾ വന്നു ചേരും. സർക്കാരിൽ നിന്നും ലഭിക്കാനുള്ള ആനുകൂല്യങ്ങൾക്ക് തടസം നേരിടും. വ്യാഴാഴ്ച ദിവസം അനുകൂലം.
തിരുവോണം: സാമ്പത്തിക ലാഭം പ്രതീക്ഷിക്കാം, രാഷ്ട്രീയരംഗത്ത് പ്രവർത്തിക്കുന്നവർ വാക്കുകൾ സൂക്ഷിച്ച് ഉപയോഗിക്കണം, മുൻകോപം നിയന്ത്രിക്കാൻ കഴിയാതെ വരും. അവിവാഹിതരുടെ വിവാഹകാര്യത്തിൽ തീരുമാനം എടുക്കാൻ തടസം നേരിടും. ഉദ്ദ്യോഗ സംബന്ധമായി ദൂരയാത്രകൾ ആവശ്യമായി വരും. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.
അവിട്ടം: പിതൃഗുണം ലഭിക്കും. സന്താനങ്ങൾ മുഖേന മനഃസന്തോഷത്തിന് സാദ്ധ്യത. അപ്രതീക്ഷിതമായി ദൂരയാത്രകൾ ആവശ്യമായി വരും. എല്ലാകാര്യത്തിലും പ്രത്യേകശ്രദ്ധ ആവശ്യമാണ്. ചെലവുകൾ വർദ്ധിക്കും. പുതിയ കൃതികൾ പ്രസിദ്ധീകരിക്കാൻ സാധിക്കും. കലാരംഗത്ത് പ്രവർത്തിക്കുന്നവർക്ക് അവസരങ്ങൾ കുറയും. വെള്ളിയാഴ്ച ദിവസം അനുകൂലം.
ചതയം: വിവാഹാദി മംഗളകർമ്മങ്ങളിൽ പങ്കെടുക്കും. ദാമ്പത്യജീവിതം സംതൃപ്തമായിരിക്കും. അസമയത്തുള്ളയാത്രകൾ ഒഴിവാക്കുക. സ്ഥലമോ വീടോ വാങ്ങാൻ ഉദ്ദേശിക്കുന്നവർക്ക് അനുകൂല സമയം. സംസാരത്തിൽ നിയന്ത്രണം പാലിക്കുക. മാനസിക സംഘർഷം വർദ്ധിക്കും. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.
പൂരുരുട്ടാതി: വിദ്യാർത്ഥികൾക്ക് അനുകൂലസമയം. ചിലർ മനസിൽ ഇഷ്ടപെടാത്ത രീതിയിൽ പെരുമാറും. പിതാവിൽ നിന്നും സഹായസഹകരണങ്ങൾ ലഭിക്കും. പൊതു പ്രവർത്തകർക്ക് അംഗീകാരങ്ങൾ ലഭിക്കും. ഗൃഹനിർമ്മാണത്തിന് അനുകൂലം. മാതൃഗുണവും മാതൃസമ്പത്തും ലഭിക്കും.
ഉത്രട്ടാതി: ഗൃഹത്തിൽ മംഗളകർമ്മങ്ങൾ നടക്കും. സഹോദരഗുണം ഉണ്ടാകും, ധനവ്യയം ഉണ്ടാകും. കർമ്മരംഗത്ത് പുതിയ ഉത്തരവാദിത്വങ്ങൾ ഉണ്ടാകും. പിതാവിൽ നിന്നോ പിതൃസ്ഥാനീയരിൽ നിന്നോ സഹായസഹകരണങ്ങൾ ലഭിക്കും. അവിവാഹിതരുടെ വിവാഹ കാര്യത്തിൽ തീരുമാനം എടുക്കും. ചൊവ്വാഴ്ച ദിവസം അനുകൂലം.
രേവതി: മാതൃഗുണം പ്രതീക്ഷിക്കാം. ഉദ്ദ്യോഗസ്ഥർക്ക് പലവിധത്തിലുള്ള ആനുകൂല്യങ്ങൾ ലഭിക്കും. മനസിൽ ആഗ്രഹിക്കുന്ന കാര്യങ്ങൾ ഭംഗിയായി നിറവേറും. സന്താനങ്ങളാൽ കീർത്തി വർദ്ധിക്കും. ആഡംബര വസ്തുക്കളിൽ ഭ്രമം വർദ്ധിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |