ആലപ്പുഴ: ആലപ്പുഴ - ചങ്ങനാശേരി ആലപ്പുഴയിൽ നിന്ന് മങ്കൊമ്പ് ബ്ലോക്ക് വരെയാണ് കെ.എസ്.ആർ.ടി.സി സർവീസ് നടത്തുന്നത്. പുളിങ്കുന്ന് റൂട്ടിലേക്കുള്ള സർവീസ് പൂർണമായും നിറുത്തി. മനക്കച്ചിറ മുതലുള്ള ഗതാഗതവും നിലച്ചു. വലിയ വാഹനങ്ങൾ മാത്രമാണ് കടന്നുപോകുന്നത്. ചെറിയ വാഹനങ്ങൾക്ക് ഒന്നാംപാലം വരെയാണ് പരമാവധി പോകാനാവുന്നത്.

അമ്പലപ്പുഴ - തിരുവല്ല റൂട്ടിൽ ചക്കളത്തുകാവ് ക്ഷേത്രം വരെയും ചെങ്ങന്നൂരിലേക്ക് മാവേലിക്കര വഴിയുമാണ് കെ.എസ്.ആർ.ടി.സി സർവീസുകൾ നടത്തുന്നത്. ഹരിപ്പാട്ടേക്കുള്ള എടത്വ-വീയപുരം സർവീസ് നിറുത്തി. ആലപ്പുഴ ഡിപ്പോയിൽ നിന്ന് കോട്ടയത്തേക്ക് അഡീഷണൽ ബസ് സർവീസ് തണ്ണീർമുക്കം വഴി ആരംഭിച്ചു.