നബിദിനാശംസകളുമായി രാഷ്ട്രപതിയും പ്രധാനമന്ത്രിയും

ന്യൂഡൽഹി: നബി ദിനത്തിൽ രാജ്യത്തെ ജനങ്ങൾക്ക് ആശംസയർപ്പിച്ച് രാഷ്ട്രപതിയും പ്രധാനമന്ത്രിയും. 'നബിദിനത്തിൽ എല്ലാവർക്കും സമാധാനവും സമൃദ്ധിയും നേരുന്നതായും ഏവർക്കുമിടയിൽ കരുണയും സാഹോദര്യവുമുണ്ടാകട്ടെ' എന്നും പ്രധാനമന്ത്രി നരേന്ദ്രമോദി ആശംസിച്ചു.

' പ്രവാചകന്റെ ജീവിതത്തിൽ നിന്നും ആദർശങ്ങളിൽ നിന്നും പ്രചോദനമുൾക്കൊണ്ട് സമൂഹത്തിന്റെ സമൃദ്ധിക്കും സമാധാനത്തിനുമായി ഒത്തു ചേരാനാണ്" രാഷ്ട്രപതി രാംനാഥ് കോവിന്ദ് ആശംസിച്ചത്. രാഹുൽ ഗാന്ധി, സൽമാൻ ഖുർഷിദ്, നവീൻ പട്നായിക് തുടങ്ങിയ നേതാക്കളും നബിദിന ആശംസകൾ അർപ്പിച്ചു.