SignIn
Kerala Kaumudi Online
Thursday, 26 May 2022 3.54 AM IST

18 എൽ എസ് ഡി സ്റ്റാമ്പുമായി യുവാവ് അറസ്റ്റിൽ

1
പിടിയിലായ രോഹിത് അനന്ത്

കോഴിക്കോട്: ന്യൂജെൻ മയക്കുമരുന്നുകളുടെ മുൻനിരയിലുള്ള എൽ എസ് ഡി സ്റ്റാമ്പുമായി യുവാവ് അറസ്റ്റിലായി. കോഴിക്കോട് പുതിയറ സ്വദേശി രോഹിത് ആനന്ദിനെയാണ് (42) എക്സൈസ് സംഘം പിടികൂടിയത്. യുവാവിൽ നിന്നു 18 സ്റ്റാമ്പുകൾ കണ്ടെടുത്തു.

സ്കൂട്ടറിൽ മയക്കുമരുന്ന് കടത്തുന്നതിനിടെ മെഡിക്കൽ കോളേജ് - ബൈപാസ് ക്രോസ് റോഡിൽ പാച്ചക്കലിൽ നിന്നാണ് യുവാവ് പിടിയിലായത്. വർഷങ്ങളായി സിനിമ പരസ്യ നിർമ്മാണ മേഖലയുമായി ബന്ധപ്പെട്ട്‌ പ്രവർത്തിക്കുന്ന യുവാവ് മയക്കുമരുന്ന് വിതരണത്തിലെ പ്രധാന കണ്ണിയാണെന്ന് എക്സൈസ് അധികൃതൃർ പറഞ്ഞു.

നഗരത്തിൽ മയക്കുമരുന്ന് വിതരണവും ഉപയോഗവും വർദ്ധിക്കുന്നുവെന്ന എക്സൈസ് ഇന്റലിജൻസ് റിപ്പോർട്ടിന്റെ അടിസ്ഥാനത്തിൽ നടത്തിയ അന്വേഷണത്തിനിടയിലാണ് ഇയാൾ പിടിയിലായത്. സിറ്റി എക്സൈസ് സർക്കിൾ ഇൻസ്‌പെക്ടർ സി.ശരത്ബാബുവിന്റെ നേതൃത്വത്തിൽ മലപ്പുറം എക്സൈസ് ഐ.ബി ഇൻസ്‌പെക്ടർ പി.കെ മുഹമ്മദ് ഷഫീഖ്, കോഴിക്കോട് ഐ.ബി ഇൻസ്‌പെക്ടർ എ.പ്രജിത്, എക്സൈസ് കമ്മിഷണർ ഉത്തരമേഖല സ്‌ക്വാഡ് അംഗം അസി. എക്സൈസ് ഇൻസ്‌പെക്ടർ ടി.ഷിജുമോൻ, പരപ്പനങ്ങാടി ഷാഡോ ടീം അംഗങ്ങളായ പ്രിവന്റീവ് ഓഫീസർ കെ.പ്രദീപ് കുമാർ, സിവിൽ എക്സൈസ് ഓഫീസർ നിതിൻ ചോമാരി, കോഴിക്കോട് എക്സൈസ് സർക്കിൾ ഓഫീസ് പ്രിവന്റിവ് ഓഫീസർ സജീവൻ, സിവിൽ എക്സൈസ് ഓഫീസർമാരായ ഗംഗാധരൻ, ദിലീപ്, ഡ്രൈവർ ഒ.ടി മനോജ് എന്നിവർ സംഘത്തിലുണ്ടായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOZHIKODE
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.