SignIn
Kerala Kaumudi Online
Wednesday, 08 December 2021 2.52 PM IST

ഫെഡറൽ ബാങ്കിന്റെ ലാഭം 50 ശതമാനം കുതിച്ചു

federal-bank

കൊച്ചി: ആലുവ ആസ്ഥാനമായുള്ള പ്രമുഖ സ്വകാര്യ ബാങ്കായ ഫെഡറൽ ബാങ്ക് നടപ്പുവർ‌ഷത്തെ (2021-22) രണ്ടാംപാദത്തിൽ (ജൂലായ്-സെപ്‌തംബർ) 49.62 ശതമാനം വർദ്ധനയോടെ 460.26 കോടി രൂപയുടെ അറ്റലാഭം രേഖപ്പെടുത്തി. 2020ലെ സമാനപാദത്തിൽ ലാഭം 307.62 കോടി രൂപയായിരുന്നു. 864.79 കോടി രൂപയാണ് പ്രവർത്തനലാഭം.

അറ്റപലിശ വരുമാനം (എൻ.ഐ.ഐ) 1,379.85 കോടി രൂപയിൽ നിന്ന് 7.22 ശതമാനം ഉയർന്ന് 1,479.42 കോടി രൂപയിലും അറ്റമൊത്ത വരുമാനം (എൻ.ടി.ഐ) 1,829.21 കോടി രൂപയിൽ നിന്ന് 5.17 ശതമാനം വർദ്ധിച്ച് 1,923.78 കോടി രൂപയിലും എത്തിയത് ബാങ്കിന് നേട്ടമായി.

മൊത്തം ബിസിനസ് 9.56 ശതമാനം ഉയർന്ന് 3.06 ലക്ഷം കോടി രൂപയായി. വായ്പകൾ 1.25 ലക്ഷം കോടി രൂപയിൽ നിന്ന് 1.37 ലക്ഷം കോടി രൂപയിലേക്കും നിക്ഷേപങ്ങൾ 1.56 ലക്ഷം കോടി രൂപയിൽ നിന്ന് 1.71 ലക്ഷം കോടി രൂപയിലേക്കും ഉയർന്നു. കാസ നിക്ഷേപ വളർച്ച 17.82 ശതമാനമാണ്. കാർഷിക വായ്‌പകൾ 20.23 ശതമാനവും സ്വർണവായ്പകൾ 25.88 ശതമാനവും ഉയർന്നു. മൊത്തം നിക്ഷേപത്തിൽ 94 ശതമാനവും റീട്ടെയിൽ നിക്ഷേപങ്ങളാണ്. ബാങ്കിന്റെ മൊത്തം മൂല്യം 17,561.53 കോടി രൂപയായി മെച്ചപ്പെട്ടു. 14.97 ശതമാനമാണ് മൂലധന പര്യാപ്തതാ അനുപാതം. 1,272 ശാഖകളും 1,874 എ.ടി.എമ്മുകളുമാണ് സെപ്‌തംബർ 30 പ്രകാരം ബാങ്കിനുള്ളത്.

മൊത്തം നിഷ്‌ക്രിയ ആസ്‌തി (ജി.എൻ.പി.എ) 3.24 ശതമാനമാണ്. കഴിഞ്ഞവർഷത്തെ സമാനപാദത്തിൽ ഇത് 2.84 ശതമാനമായിരുന്നു. അറ്റ നിഷ്‌ക്രിയ ആസ്‌തി (എൻ.എൻ.പി.എ) 0.99 ശതമാനത്തിൽ നിന്ന് 1.12 ശതമാനത്തിലെത്തി.

3 ലക്ഷം നിയോ ബാങ്ക് ഉപഭോക്താക്കൾ

ഫിൻടെക് കമ്പനികളുടെ സഹകരണത്തോടെ ലഭ്യമാക്കിയ നിയോ-ബാങ്കിംഗ് സേവനത്തിലൂടെ (ഡിജിറ്റൽ ബാങ്ക് അക്കൗണ്ടുകൾ) മൂന്നുലക്ഷം ഉപഭോക്താക്കളെ ഫെഡറൽ ബാങ്ക് ചേർത്തതായി മാനേജിംഗ് ഡയറക്‌ടറും സി.ഇ.ഒയുമായ ശ്യാം ശ്രീനിവാസൻ പറഞ്ഞു. ജുപ്പീറ്റർ, ഫൈ തുടങ്ങിയ നിയോ ബാങ്കിംഗ് ഫിൻടെക് കമ്പനികളുമായി ബാങ്കിന് സഹകരണമുണ്ട്.

 ക്രെഡിറ്റ് കാർഡ് സേവനങ്ങൾ നൽകാൻ ഫെഡറൽ ബാങ്ക് വീസ, റൂപേ തുടങ്ങിയവയുമായി സഹകരിക്കുന്നുണ്ടെന്ന് എക്‌സിക്യുട്ടീവ് ഡയറക്‌ടർ ശാലിനി വാര്യർ പറഞ്ഞു. പ്രതിദിനം 400-500 കാർ‌ഡുകൾ ബാങ്ക് നൽകുന്നു. ആകെ കാർ‌ഡുകൾ 32,000 കടന്നു. 35 കോടിയോളം രൂപയാണ് ഇടപാട്മൂല്യമെന്നും അവർ പറഞ്ഞു.

₹104

മികച്ച പ്രവർത്തനഫലത്തിന്റെ പിൻബലത്തിൽ ബി.എസ്.ഇയിൽ ഇന്നലെ ഫെഡറൽ ബാങ്ക് ഓഹരികൾ 7.77 ശതമാനം മുന്നേറി 104.05 രൂപയിലെത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, FEDERAL BANK, Q2 RESULTS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.